Reykjavík er höfuðborg Íslands. Fyrsti landnámsmaðurinn, Ingólfur Arnarsson byggði bæ sinn þar sem Reykjavík er nú. Hann nefndi bæinn sinn Reykja vík af því að það kom reykur upp úr jörðinni. Hefur þú séð reyk í Reykjavík? Ég sá bara reyk koma úr öllum bílunum sem eru þar. 

Það er margt sem hægt er að læra um Landnám Íslands og um líf landnámsfólksins hér.

Tjörnin.

Í miðri Reykjavík er Tjörnin og þangað fór ég með börnunum í Kjarrinu að gefa öndunum brauð. Þar sá ég líka svani. Þegar við komum aftur í leikskólann þá las fóstran fyrir okkur bókina um Dimmalimm. Þegar þeim lestri lauk þá hlustuðum við á kaflann um svanina í Karnival dýranna eftir Saint Saëns. Og við fengum að búa til svani úr leir. Það var sko gaman.  Þekkir þú einhverja vísu um svani? Hér kemur ein:    

"Bí, bí og blaka

  álftirnar kvaka.

       Ég læt sem ég sofi

            en samt mun ég vaka."