Náttúran og Alviðra
Kennarasíğa

Vefleiğangur fyrir 5.-8. bekk - Náttúrufræði

Arndís Hilmarsdóttir
arndis@ismennt.is

Kynning | Nemendur | Viğmiğ | Ferli | Bjargir | Mat | Niğurstağa | Upplısingar | Nemendasíğa

Kynning

Ástæðan fyrir því að ég samdi þennan vefleiðangur er tvíþætt. Annars vegar er um að ræða verkefni sem ég á að gera í framhaldsnámi mínu í Tölvu- og upplýsingatækni og þar sem ég á að gera vefleiðangur þá finnst mér ástæðulaust að nýta hann ekki í kennslu fyrir skólann sem ég vinn í þ.e. Korpuskóla, en nemendur þaðan hafa farið í ferðir í Alviðru og hafa unnið svipuð verkefni eftir ferðirnar þangað, nema ekki í þessu formi.

Vefleiðangurinn gengur út á það að safna efni, myndum, plöntu sýnum og viðtölum, eða skriflegu efni í ferð sinni í Alviðru, fylgjast vel með öllu sem þar er að gerast og vinna svo úr heimsókninni þegar heim kemur í formi vefsíðu í Dreamweaver eða Frontpage og fréttabréfs í Publisher eða kynningar í Powerpoint.

Nemendur

Ég miða við að þessi leiðangur sé fyrir 5.-8. bekk og er það vegna þess að það er sá aldurshópur sem hefur farið að Alviðru hjá okkur í Korpuskóla. Nemendur hafa farið í þessa ferð með bekkjarkennurum og gert verkefnið í samfélagsfræði og náttúrufræði. Einnig getur þetta verkefni tengst t.d. Hönnun og smíði vegna trjágreiningarinnar. Um er að ræða ýmsa tölvuþjálfun og upplýsingarleit sem tengist svo tölvu- og upplýsingartækni.

Það er nauðsynlegt að nemendur kunni grunnatriði í þeim forritum sem vinna á með, geti tekið myndir á digital vél, sett þær inn í tölvu, geti skannað myndir, hafi gert fréttabréf og búið til einfaldan vefleiðangur. Aðrir hlutir eiga nemendur að afla sér upplýsingar um meðan á vinnu stendur.

Viğmiğ

Þegar nemendur hafa lokið þessu verkefni eiga þeir að geta greint algengustu fugla í sveitum á Íslandi, getað greint algengustu plöntur og þá helst tré sem ræktuð eru á Íslandi. Þeir eiga að geta skammlaust búið til vef með skipulega röðuðum upplýsingum, með myndum sem eiga við efnið, búið til fréttabréf eða kynningu um efni sem þeir hafa sett upp á vef. Nemendur læra einnig að vinna saman í hópum og skipuleggja vinnu sína og dreyfa henni á milli sín.

Ferli

1. Skipta á nemendum í þriggja manna hópa sem eiga að vinna saman að þessu verkefni.
2. Nemendur eiga að skipta með sér verkum í ferðinni. Einn þarf að skrifa niður minnispunkta, einn þarf að taka myndir á staðnum og sá þriðji safnar saman mismunandi plöntum og laufi (a.m.k. af 10 mismunandi plöntum). Nemendur eiga allir að fylgjast með því sem þeim er sagt í ferðinni. Vera óspör í því að spyrja leiðbeinendur á staðnum um allar upplýsingar sem þeim dettur í hug að geti nýst þeim til nánari úrvinnslu.
3. Þegar heim er komið eiga nemendur að byrja á því að pressa og þurrka plönturnar sem safnað var í ferðinni. Skanna þær þegar þær eru orðnar almennilega þurrar.
4. Nemendur eiga að búa til vefsíðu um Alviðru þar sem koma fram aðstæður í Alviðru, upplýsingar um starfsfólk, Hvað þeir sáu á staðnum, hvað gert er á staðnum, hver á staðinn o.s.frv.
5. Nemendur eiga að búa til tengla á síðuna einn fyrir plöntugreininguna og einn fyrir fuglagreiningu. Búa til síður fyrir þessa tengla þar sem þeir setja upp plöntugreininguna annars vegar og fuglagreiningu hins vegar. Setja upp skönnuðu myndirnar og skrifa það helsta um hverja tegund sem tengjast plöntunum á plöntugreiningarsíðuna og gerið eins fyrir fuglagreininguna nema nota helst þá myndir sem nemendur taka sjálfir á staðnum.
6. Nemendur eiga að búa til tenglasíðu þar sem þeir setja inn tengla sem þeir nota og einnig upplýsingar um heimildir.
7. Nemendur eiga að búa til fréttabréf í Publisher eða kynningu í Powerpoint þar sem það helsta kemur fram sem þeir settu á síðuna sína og jafnvel meiri upplýsingar, um eitthvað skemmtilegt sem gerðist í ferðinni o.s.frv. Nemendur eiga að nota þessa kynningu til að koma vefsíðunni sinni á framfæri við nemendur og kennara í skólanum og ekki hvað síst við foreldra sína.

Um er að ræða samþættingu ýmissa greina til að framkvæma það sem beðið er um í leiðangrinum. Í greiningunum er verið að vinna með náttúrufræði, við alla vinnsluna er verið að vinna með tölvu- og upplýsingatækni og hönnun. Textavinnan reynir á íslensku, málfræði, stafsetningu. Myndvinnslan reynir á myndlist, hópastarfið og kynning reynir á lífsleikni og svo mætti lengi telja. Um er að ræða svolítið viðamikið verkefni sem hægt væri að nota í þemavinnu, vinna í lotum eða vinna í eina kennslustund til lengri tíma. Tímalengd fer eftir því hversu nemendur eru vel undirbúnir í upphafi, hversu hæfir þeir eru í tölvuvinnslu. Áætlað miðað við góða tölvufærni ætti verkið að taka a.m.k. 10-20 kennslustundir.

Varðandi hópaskiptingu þá er best að hafa það í huga að setja saman í hópa, tölvufæran einstakling, málfarslega sterkan einstakling og einstakling sem er fær myndrænt séð. Allir þurfa þeir helst að vera klárir í að leita sér upplýsinga og koma upplýsingum frá sér.

Leiðangurinn gerir engar sérstakar sterkar kröfur til kennarans umfram þetta venjulega, nema hann þarf að hafa aðgang að tölkukunnáttu manneskju eða vera tölvukunnáttu manneskja sjálfur. Nauðsynlegt er að hafa aðgang að einhverjum sem kann á vefsíðugerðarforrit og umbrots- eða kynningarforrit. Einnig þarf kennarinn að geta stjórnað umræðum þegar kemur að kynningunum.

Tilbrigği

Upplagt er að gera þennan leiðangur í samstarfi við bókasafnskennara, tölvukennara, myndmenntakennara og smíðakennara. Bókasafnskennarinn hjálpi til með upplýsingaleit, tölvukennarinn sjái um að hjálpa til með uppsetningu, myndmenntakennari hjálpi til með að breyta myndum og smíðakennari hjálpi til með trjágreiningu.

Bjargir

Gott væri að hafa til staðar :

Bekkjarsett af Bókinni um tré eftir Jón Guðmundsson ásamt fleirum.

Bekkjarsett af bókinni um fugla á Íslandi eftir??????

Aðgang að vefsvæði til birtingar á vefsíðum.

Forritin aðgengileg í tölvum sem talað hefur verið um.

Nauðsynlegt er að hafa aðgang að interneti og eftirfarandi slóðum:

Heimasíða fræðslusetrisins að Alviðru

Friðlýstar plöntur

Válisti yfir fugla í útrýmingarhættu

Fuglaverndarfélag Íslands

Fuglasíða Arnars Óskarssonar

Myndir af lífríki lands og sjávar teikningar/myndabanki

Myndabanki með ýmsum myndum

Plöntulisti Fossvogsstöðvar

Garðyrkjustöðin Grísará

Lífsferlar í náttúrunni fuglar

Fuglar.is

Fuglalíf á Selfossi

Trjágreining

Mat

Niğurstağa

Þessi leiðangur byggir á góðri samvinnu hópmeðlima sem vinna saman að verkefni og góð leið til að efla samskipti milli nemenda og hópavinnu. Nemendur þurfa að vera nokkuð tölvuhæfir og ef þeir hafa ekki verið það fyrir leiðangurinn þá er einna vísta að þeir verða það eftir að hafa unnið þennan leiðangur. Einnig eflir þessi leiðangur samvinnu milli kennara sem kenna tiltölulega ólíkar greinar. Leiðangurinn reynir á ýmsa þætti hjá nemandanum. Um er að ræða nokkra þætti til að koma frá sér efni eins og að hann þarf að geta komið efni frá sér í formi ritaðs máls, myndræns máls og talaðs máls. Einnig reynir leiðangurinn á öflun gagna og að miðla gögnum frá sér á réttan hátt.

Upplısingar og heimildir