Náttúran og Alviðra

Nemendasíða

Vefleiðangur fyrir 5.-8. bekk - Náttúrufræði

Arndís Hilmarsdóttir
arndis@ismennt.is

Kynning | Verkefnið | Ferli | Mat | Niðurstaða | Upplýsingar | Kennarasíða

Kynning

Nemendum í 1.-10. bekk er boðið að heimsækja fræðslusetrið í Alviðru og kynnast náttúrunni/starfseminni þar, ýmist að hausti eða vori. Í tengslum við þessar ferðir eru nemendur látnir gera ýmiss verkefni. Verkefnið hér er að greina plöntur sem safnað er í svona heimsókn að hausti og þekkja fugla sem sjást á ferli ýmist í vorferð eða haustferð.

Verkefnið

Meginmarkmiðið með þessum leiðangri er að kynnast Alviðru og greina í sundur plöntur sem tíndar hafa verið í heimsókn á staðinn og skoða fuglalíf á staðnum.

Þið setjið ykkur í stellingar eins og blaðamenn sem fara í heimsókn í Alviðru. Komist að leyndarmálum staðarins, forvitnist um hvað sé verið að gera þar, hverjir starfsmennirnir eru, hvað þessir starfsmenn eru að vinna við o.s.frv. Einnig eigið þið að greina plöntur sem þið finnið á staðnum. Takið myndir af þeim fuglum sem þið sjáið á staðnum. Takið myndir af öllu því sem ykkur finnst athyglivert því þær geta nýst ykkur við úrvinnslu.

Til þess að geta lokið þessu verkefni þá þurfið þið að setja upp vefsíðu t.d. í Dreamweaver eða Frontpage og útbúa lítið fréttabréf eða kynningu í t.d. Publisher eða Powerpoint. Þið þurfið helst að hafa stafræna myndavél og geta komist í að skanna myndir og lauf.

1. Ykkur verður skipt í þriggja manna hópa sem eiga að vinna saman að þessu verkefni.
2. Þið eigið að skipta með ykkur verkum í ferðinni. Einn þarf að skrifa niður minnispunkta, einn þarf að taka myndir á staðnum og sá þriðji safnar saman mismunandi plöntum og laufi (a.m.k. af 10 mismunandi plöntum). Takið eftir að þið eigið öll að fylgjast með því sem ykkur er sagt í ferðinni. Verið óspör í því að spyrja leiðbeinendur á staðnum um allar upplýsingar sem ykkur dettur í hug að geti nýst ykkur í nánari úrvinnslu.
3. Þegar heim er komið byrjið á því að pressa og þurrka plönturnar ykkar sem þið söfnuðuð í ferðinni. Skannið þau þegar þau eru orðinn almennilega þurr.
4. Búið til vefsíðu um Alviðru þar sem koma fram aðstæður í Alviðru, upplýsingar um starfsfólk, Hvað þið sáuð á staðnum, hvað gert er á staðnum, hver á staðinn o.s.frv.
5. Búið til tengla á síðuna einn fyrir plöntugreininguna og einn fyrir fuglagreiningu. Búið til síður fyrir þessa tengla þar sem þið setjið upp plöntugreininguna annars vegar og fuglagreiningu hins vegar. Setjið upp skönnuðu myndirnar og skrifið það helsta um hverja tegund sem tengjast plöntunum ykkar á plöntugreiningarsíðuna og gerið eins fyrir fuglagreininguna nema notið helst þá myndir sem þið hafið sjálf tekið á staðnum.
6. Búið til tenglasíðu þar sem þið setjið inn tengla sem þið notið og einnig upplýsingar um heimildir.
7. Búið til fréttabréf í Publisher eða kynningu í Powerpoint þar sem það helsta kemur fram sem þið settuð á síðuna ykkar og jafnvel meiri upplýsingar, um eitthvað skemmtilegt sem gerðist í ferðinni o.s.frv. Notið þessa kynningu til að koma vefsíðunni ykkar á framfæri við nemendur og kennara í skólanum ykkar og ekki hvað síst við foreldra ykkar.