Efni:Kirsuberjaviður, koparþinna til skreytingar.

1. Sveipur heflaður niður í 3.5-4 mm.
2. Hann bleyttur og látið svo renna á hann heitt vatn í 20 mín.
3. Honum sveipað utan um mót og látinn þorna þannig í 3-4 daga.
4. Botnefni og lokefni fundið, heflað, límt saman og heflað svo niður í passlega þykkt þegar límið er þornað, passlegt 2-3 cm.
5. Sveipur sagaður til þ.e. munstur á enda og fyrir skreytingu.
6. Skreyting gerð og límd á sveipinn, sveipur límdur saman.
7. Botn gerður eftir sveip.
8. Botn fræstur eða sagaður í hjólsög fyrir sveipinn.
9. Sveipur límdur á botn.
10. Lok búið til mótað.
11. Eyru, pinni og hald búið til úr því sem verður afgangs af botni og loki, formað til og pússað.
12. Eyru límd á sveip.
13. Hald límt á lok og pinni öðrum megin á lokið.
14. Borað fyrir pinna á loki öðrum megin og í gegn fyrir lokpinna hinum megin.
15. Allt pússað vel með sandpappír 120-240-320-400-800.
16. Borinn á rustik olía, drekkt vel, þurrkað, látið þorna vel í nokkra klukkutíma, framkvæmt aftur nokkrum sinnum eftir síðustu umferð er pússað yfir með 1000 sandpappír.

Yfirborðsmeðferð: Rustik olía og húsgagnabón.

Efni: Beyki, krossviður, nýsilfur, plexigler.

1. Listar útbúnir með rauf fyrir plexigler.
2. Útbúinn rammi á krossviðarplötu í stærð sem hentar landakorti, en sem einnig er í heppilegri stærð fyrir hjól.
3. Útbúið undir rammanum festing sem hægt er að nota til að snúa kortastandi langsum og þversum.
4. Útbúinn festing á hjólið sjálft í þessu tilfelli úr nýsilfri sem festist á hjólið þannig að stýri er tekið upp og það sett í gegnum gatið á standinum og skrúfuboltinn á stýrinu notaður til að festa standinn niður.
5. Sagað niður plexigler sem hentar í raufina á rammanum.
6. Pússað vel yfir allt saman með 120-240-320 pappír.
7. Borin á rustik olía.

 

Yfirborðsmeðferð: Rustikolía

Smádótahilla.

Efni: Fura.

Lýsing:

1. Efni fundið og sagað niður í heppilegar lengdir, heflað í afréttara og í þykktarhefli.
2. Rammin fyrir hilluna útbúinn, söguð 45° horn.
3. Rammi límdur saman.
4. Útbúið þakið á hilluna sagað út gráðan fyrir mæninn.
5. Þakið límt á.
6. Hillurnar litlu eru núna gerðar mælt fyrir þeim og þær sagaðar í réttum lengdum.
7. Byrjað er á því að líma stoðir fyrir hillur og hillurnar látnar vera uppi og niðri til að rétta stoðir af, vinkill notaður til að vera alveg viss.
8. Þegar búið er að líma stoðir er mælt fyrir hillunum beggja megin á stoðirnar og hillurnar svo límdar á rétta staði.
9. Útbúinn járnfestingar aftan á hilluna svo betra sé að festa hilluna upp, tekið úr fyrir þeim og þær svo skrúfaðar á hilluna.
10. Hillan pússuð vel með 120-240-320-600 pappír á alla kanta, lím hreinsað vel.
11. Borið á hilluna lútur og síðan rennt yfir hana með olíu.

Yfirborðsmeðferð: Lútur og antique olía.

 

Rugguhestur

 

Efni: Beyki, leðurreimar í tagl og fax, leður í beysli.

Lýsing:

1. Snið búið til úr kartoni.
2. Efni fundið og heflað niður.
3. Snið sett á efnið, merkt eftir og sagað niður í bandsög.
4. Hlutarnir pússaðir vel til með 60-80-120 pappír horn rúnuð vel.
5. Hausinn mótaður til, skorið út með v-járni augu, fax, nef oþh.
6. Dílað saman.
7. Bogi límdur saman við fætur.
8. Fætur og millistykki, uppi og niðri límd saman.
9. Eyru búinn til úr leðri, hnoðuð saman og límd á hausinn.
10. Borað fyrir faxi, það límt niður.
11. Haus og stoppari límt á bakið.
12. Pússað vel yfir allt með 120-240-320 pappír með juðara.
13. Lakkað.

Yfirborðsmeðferð: Lakk.

 

Listin alsráðandi

Fyrstu skrefin

 

Efni: Hnota, skór, ál, MDF.

Lýsing:

1. Sagaður niður stallur fyrir verkið.
2. Rammi útbúinn úr áli sagaður niður, pússaður, barinn til og beygður fyrir myndina.
3. Útbúið bak fyrir ramman.
4. Útbúnir stallar fyrir skóna.
5. Stallar festir á skóna.
6. Borað í stallinn fyrir skóm og festingar fyrir ramma.
7. Stallur pússaður vel með juðara pappír 120-240-600.
8. Bak á ramma og skór festir á stallinn.
9. Útbúinn skjöldur með heiti listaverks og festur á stall.

Yfirborðsmeðferð: Rustikolía

 

 Rennd skál

á platta.

Efni: Álmur.

Lýsing:

1. Fundið til efni og heflað til.
2. Sagaður út hringur.
3. Límt á krossviðarskífu.
4. Platti skrúfaður á krossviðarskífuna
5. Byrjað er á því að móta endann til að vinna á slættinum sem alltaf kemur hversu vel sem skífa og platti eru miðjuð.
6. Skál mótuð að utan og síðan að innan, notað skálajárn og skrapur.
7. Þegar búið er að móta er pússað vel með 60-80-120-240-320-400-800-1000 pappír, viðurinn er mjög harður því erfitt að vinna á hvers kyns sprungum.
8. Borin er brúnn bæs á og leyft að þorna vel.
9. Borið á melanin lakk og mjúkt vax.
10. Skál skorin af platta með flötu járni, pússað undir á slípibandi/juðara ob borið á bæs, lakk og vax.

Yfirborðsmeðferð: Bæs, melanin lakk og vax.

 

Rennt box

Efni: Reyniviður ofl.

Lýsing:

1. Efni komið fyrir milli enda í rennibekknum.
2. Rúnað vel hringinn til að búa til festingu fyrir patrónu.
3. Efnið fest í patrónuna.
4. Box formað að utan og mótað fyrir loki
5. Pússað vel með 60-80-120-240-320-400-600-1000 pappír niður allar sprungur.
6. Lok skorið af.
7. Rennnt inn í boxinu og passað að lokið smelli á en verði ekki laust.
8. Pússað inn í boxinu ekki of mikið svo lok verði ekki laust.
9. Lok smellt á og pússað saman með boxi.
10. Borið á lakk og vax eða rustikolía.
11. Box skorið af, pússað undir því og borið á það lakk og vax eða rustikolía.

 

Yfirborðsmeðferð: Melanin lakk og vax eða rustikolía

 

 

Rennt frjálst

Partýbakki með ostahníf og skeið

 

 

Efni: Kirsuberjaviður og stál.

Lýsing:

1. Fundið til efni og heflað til.
2. Krossviðarskífu með platta á er límdur á miðju bæði bakka og fót. Sirkill notaður til að gera hring miðja platta notaður til að miðja hringinn. Sagað út í bandsöginni.
3. Byrjað er á því að móta endann til að vinna á slættinum sem alltaf kemur hversu vel sem skífa og platti eru miðjuð. Fótur er mótaður að utan passlegur fyrir leguna, pússaður og borið á hann rustik. Bakki er mótaður að utan og síðan að innan með stalli fyrir litla salat- eða ídýfuskál, notað skálajárn og skrapur.
4. Þegar búið er að móta er pússað vel með 60-80-120-240-320-400-600-1000 pappír þar til búið er að vinna á rispum. Borin á rustikolía.
5. Lega er fest á miðju fótarins. Borað í gegnum miðjuna á fætinum og fundinn miðjan á bakkanum til að staðsetja legu á miðju bakkans. Borað er á einum stað í gegnum legufestinguna og gegnum fótinn til að geta fest legu á bakkan. Lega staðsett á bakkanum og legan fest á hann.
6. Rennt skaft á ostahníf og skeið sem fylgir með.
7. Hnífurinn sjálfur og skeiðinn formuð úr rustfríu stáli. Borað í gegnum skaftið á skeið og hníf til að fá festingu í tréskaftið. Borað í tréskaftið, límt og hníf/skeið komið fyrir í skaftinu.

Yfirborðsmeðferð: Rustikolía.

 

Skerstokkur

Efni: Beyki

Lýsing:

1. Efni fundið og sagað niður í heppilegar lengdir, heflað í afréttara og þykktarhefli.
2. Kantar límdir saman.
3. Sagaðir af endar til að hafna og botn heflaður í afréttara til að rétta hann af.
4. Gerðar skrautrandir neðan á með hjólsöginni. Hún stillt á 45 halla og blaðið rétt látið kíkja upp.
5. Pússað vel með juðara og handpússað.
6. Merkt fyrir raufum með vinkli 45° og 90° sitthvorum megin. Merkt að framan og aftan.
7. Sagað með handsög og gáð vel að því að strikum sé fylgt að framan og aftan.
8. Stokkurinn pússaður vel með 120-240-320-600 pappír á alla kanta, lím hreinsað vel.
9. Borið nokkrum sinnum yfir rustik olía og eftir síðustu umferð pússað yfir með 1200 pappír.

Yfirborðsmeðferð: Rustik olía

 

Eldhúslína

 

Efni: Fura

Lýsing:

1. Efni fundið og sagað niður í heppilegar lengdir, heflað í afréttara og þykktarhefli. Í sumum tilfellum þurfti að líma saman því réttar breiddir voru ekki til.
2. Munstur teiknað inn á gafla og sagaðir í tifsöginni.
3. Hillurnar efstu hafðar aðeins fram yfir dýpt og breitt og þær fræstar að framan og á hliðum.
4. Punthandklæðahengi er dílað í hilluna, stöng sett á, hankar settir á neðri spítu, hnappar renndir og settir á enda stangarinnar.
5. Á diskarekka er fræst fyrir diskana á hillunum tveimur. Hillan díluð saman, stangir sagaðar í réttar lengdir og hnappar renndir og settir á endana. Hankar festir á neðstu þverspítuna fyrir könnur.
6. Eldhúsþurrkuskápur: Útvúinn er skápur, hurð með lömum framan á inn í skápnum eru geymdar rúllurnar þrjár þegar keyptur er fjögurra rúllu heimilispakki. Dílað saman og límt. Stöng útbúinn fyrir eldhúsrúlluna sem er í notkun og hnappar renndir og settir á endana.
7. Pússað vel yfir allt saman með 120-240-3200 pappír.
8. Borið á antik bæs og síðar rustik olía. Eftir síðustu umferð af rustik olíu er pússað yfir með 1200 pappír.

Yfirborðsmeðferð: Antik bæs og rustik olía

 

 

Renndur bakki

Efni: Hnota og hlynur

Lýsing:

1. Fundið til efni og heflað til.
2. Krossviðarskífu með platta á er límdur á miðju bæði bakka og fótar. Sirkill notaður til að miðja hringinn. Sagað út í bandsöginni.
3. Byrjað er á því að móta endann til að vinna á slættinum sem alltaf kemur hveru vel sem skífa og platti eru miðjuð. Fótur er mótaður að utan passlegur fyrir leguna, pússaður og borið á hann rustik olía. Bakki er mótaður að utan og síðan að innan með stalli fyrir litla salat- eða ídýfuskál, notað skálajárn og skrapur.
4. Þegar búið er að móta er pússað vel með 60-80-120-240-320-400-600-1000 pappír þar til búið er að vinna á rispum. Borin á rustikolía.
5. Lega er fest á miðju fótarins. Borað í gegnum miðjuna á fætinum og fundinn miðjan á bakkanum til að staðsetja legu á miðju bakkans. Borað er á einum stað í gegnum legufestinguna og gegnum fótinn til að geta fest legu á bakkan. Lega staðsett á bakkanum og legan fest á hann.

Yfirborðsmeðferð: Rustik olía

 

Rennt box með holu loki

Efni: Birki

Lýsing:

1. Efni komið fyirr milli enda í rennibekknum.
2. Rúnað vel hringinn til að búa til festingu fyrir patrónu beggja megin.
3. Efnið fest í patrónuna.
4. Box formað að utan og mótað fyrir loki.
5. Pússað vel með 60-80-120-240-320-400-600-1000 pappír niður allar sprungur.
6. Box skorið af.
7. Rennt inn í lokið og pússað, passað að brún sé frekar breið því eftir á að pússa boxið við lokið.
8. Rennt inn í boxið og pússsað, passað að lokið smelli á en verði ekki laust.
9. Lok smellt á og pússað saman með boxi.
10. Borið á rustikolía.
11. Box skorið af, sett aftur í patrónuna hinum megin frá límband sett yfir kantinn svo ekki myndist sár af patrónunni, pússað undir því og borin á rustikolía.

Yfirborðsmeðferð: Rustik olía

 

 

Lágmynd

Efni: Birki og platti undir úr MDF

Lýsing:

1. Birki spíta passleg fyrir mynd af erninum er fundinn. Hún hefluð og svo þykktarhefluð.
2. Mynd er teiknuð á fjölina og notaður til þess kalkipappír.
3. Myndin er skorin út með v-járni og u-járni.
4. Þegar myndin er tilbúinn er pússað yfir hana með 400 sandpappír.
5. Þá er fjölin söguð eftir myndinni þ.e. hliðarnar jafnaðar af og gert 45 horn uppi til að fá spíssinn.
6. MDF plata er söguð út passleg fyrir myndina, kantarnir fræstir og hún síðan bæsuð brún.
7. Þegar bæsin er þornaður er pússað létt yfir plötuna og síðan er myndin límd á hana.
8. Aftan á er borað gat, ekki samt í gegn sem nota á til að festa myndina upp á vegg.
9. Borin er á rustik olía bæði á myndina sjálfa og einnig bakgrunninn. Eftir síðustu umferð er pússað yfir myndina og bakgrunninn með 1000 sandpappír.

Yfirborðsmeðferð: Brúnn spritbæs og rustik olía

 

 

Rennt úr blautu

Bikar.

Efni: Birki.

Lýsing:

1. Efni komið fyirr milli enda í rennibekknum.
2. Rúnað vel hringinn og búinn til festing fyrir patrónu .
3. Efnið fest í patrónuna.
4. Skál formuð að utan og innan.
5. Pússað vel með 60-80-120-240-320 pappír niður allar sprungur.
6. Skálin sett inn í örbylgjuofn á affrystingu í 5-10 mín í senn til að þurka hana. 10-15 sinnum og hún látin kólna vel út á borði á milli.
7. Þegar hún er orðin vel þurr er hún sett í bekkinn aftur og pússuð betur með 240-320-400-600 pappír.
8. Borin á rustikolía í bekknum nokkrum sinnum og þerrað vel á milli.
9. Stallurinn fyrir patrónuna er fjarlægður af og pússað vel með juðara. Að endingu er sjálflímandi korkur settur undir af því mér finnst það fallegra og koma betur úr og einnig vegna þess að skálin rispar þá síður þau borð sem hún kemur til með að vera á vegna barkarins sem er neðst á henni.

Yfirborðsmeðferð: Rustik olía

Box með holu loki

Efni: Reyniviður

Lýsing:

1. Efni komið fyirr milli enda í rennibekknum.
2. Rúnað vel hringinn til að búa til festingu fyrir patrónu beggja megin.
3. Efnið fest í patrónuna.
4. Box formað að utan og mótað fyrir loki.
5. Pússað vel með 60-80-120-240-320-400-600-1000 pappír niður allar sprungur.
6. Box skorið af.
7. Rennt inn í lokið og pússað, passað að brún sé frekar breið því eftir á að pússa boxið við lokið.
8. Rennt inn í boxið og pússsað, passað að lokið smelli á en verði ekki laust.
9. Lok smellt á og pússað saman með boxi.
10. Borið á rustikolía.
11. Box skorið af, sett aftur í patrónuna hinum megin frá límband sett yfir kantinn svo ekki myndist sár af patrónunni, pússað undir því og borin á rustikolía.

Yfirborðsmeðferð: Rustik olía

 

 

Viðarprufukassi

Efni: Kirsuber

Lýsing:

1. Efni fundið til og það heflað niður í rétta þykkt ca 15 mm og sagað niður í réttar lengdir.
2. Ég tók þá ákvörðun að nota þetta stykki sem sýnistykki fyrir samsetningar og valdi því að setja sitthvora samsetningu á hvert horn.
3. Ég byrjaði á geirneglingunni, gerði svo blöðun á eitt horn, 45° samsetningu á eitt horn og dílaði í gegn eitt horn.
4. Þegar hornasamsetningum var lokið og hornin pössuðu vel saman voru hornin límd vel saman og þvingað.
5. Þá var botnin tekin til og hann sagaður passlegur til að fella upp í kassan. Hann var svo límdur.
6. Lok var rúnað með handhefli, kassi var svo sagaður í sundur í hjólsöginni svo kæmi passlegur hluti á lokið. Lok var svo límt á þann hluta þegar búið var að rétta hlutana af í afréttaranum.
7. Gerð var festing í lokið fyrir bæklinginn og síðan voru lamir og krækja sett á kassan.
8. Allt var pússað vel með 240-320-400-600 pappír og síðan borin á rustik olía. Eftir síðustu umferð af ruskik olíu var pússað yfir með 1000 pappír.

Yfirborðsmeðferð: Rustik olía

 

 

Leikfanga trúður

Efni: MDF

Lýsing:

1. Efni fundið sem passaði fyrir trúðinn og undirstöður hans.
2. Mynd af undirstöðum var teiknuð í gegn á efnið með kalkipappír á milli.
3. Undirstöður voru síðan sagaðar niður í bandsöginni í sitthvoru lagi en voru síðan pússaðar niður formaðar saman á brettinu.
4. Undirstöðurnar voru svo límdar saman í rétta stellingu, sett á endana krókar til að koma í veg fyrir að trúðurinn færi út af.
5. Í trúðinn sjálfan var borað gat fyrir díl sem hann rennur á.
6. Allt var svo málað með akríllitum. Á undirstöður var notað sprengiefni fyrir málninguna.

Yfirborðsmeðferð: Akrílmálning og sprengiefni.

 

 

 

Eldhúsáhöld

 

Efni: hnota/hlynur í sköft og nýsilfur

Lýsing:

1. Teiknaðar nokkrar útgáfur af ostahnífum og spöðum, munstur valið , málmur ákveðin og mynd límd á nýsilfursplötu.
2. Skeið, spaði, ostahnífur og smjörhnífur sagað út og pússað vel.
3. Skeið hituð og formuð til.
4. Sköft rennd í rennibekk, pússuð vel og borin á þau rustik olía.
5. Borað í gegnum málmsköftin til að fá festingu. Borað í tréskaftið, límt og skeið, spaða, ostahníf og smjörhníf komið fyrir í trésköftunum, afsagi af hnotu sett með til að hylja mesta sárið.
6. Borin á rustik olía á endana þegar búið er að pússa af rispur og mest af saginu.

Yfirborðsmeðferð: Pólering á málmi og rustik olía á trésköft.

 

 

Skartgripasett

 

Efni: Silfur og kopar.

Lýsing:

1. Mynd límd á málmin.
2. Sagað út fyri nælu, hálsmen og eyrnalokka.
3. Pússað vel.
4. Hjörtu útbúin og kveikt á neðra stykki.
5. Pússað vel og pólerað.
6. Koparvír er vafin utan um til skrauts og til að mynda festingu fyrir keðju á hálsmeni og fyrir eyrnalokkafestingar, sett einnig á nælu til að halda stíl.
7. Eyrnalokkafestingar úr ekta silfri eru setta á eyrnalokkana og keðja úr silfri sett í hálsfestina.
8. Nælufesting kveikt á næluna.
9. Pólerað vel að lokum og hreinsað með fægilegi.

Yfirborðsmeðferð: Pólering.

 

 Hlutur með fatningu

Hálsmen.

 

Efni: Silfur og austfirskur steinn.

Lýsing:

1. Byrjað er á gjörðinni utan um steininn. Hún er söguð niður í passlega lengd og breidd fyrir steininn.
2. Gjörðin er svo pússuð vel og síðan mótuð utan um steinin og kveiktir saman endarnir. Steininn er þríhyrningur og því ekki auðvellt að eiga við hann, mæli frekar með kringlóttum eða sporöskjulaga steinum.
3. Þegar búið er að kveikja saman endana er steinninn aftur mátaður í og gjörin síðan kveikt á undirlag úr silfri, þegar steinnin er farin að passa alveg í, líklegast þarf að pússa aðeins til að fá hann til að passa þannig að hann sé ekki alveg þröngur í en samt ekki of rúmur.
4. Þegar búið er að kveikja á undirlagið er sagað í kringum það því ég vildi ekki hafa neitt meðfram nema bara bút að ofan til að gera krækju fyrir keðjuna. Það er svo pússað vel svo engin samskeyti sjáist.
5. Steinninn er svo settur í og púnsað í kringum hann þar til hann situr fastur í fatningunni. Í mínu tilfelli þurfti svo að pússa hornin vel til af því steinninn var þríhyrningslaga.
6. Að síðustu er fatningin póleruð vel þegar búið er að líma límband ofan á steininn til að verja hann.

Yfirborðsmeðferð: Pólering.

 

 

Skúlptúr úr málmi og öðrum efnum

Könguló að elta bjöllu.

Efni: Kopar.

Lýsing:

1. Skál er búinn til sem búkur á köngulóna, hringur teiknaður á blað og sett yfir á koparplötu. Sagað út og pússað til, hitað og formað í skál í skálarmóti og síðan á steðja.
2. Fæturnir eru gerðir úr þunnri koparplötu til að gera þá dúandi og sett á endan á þeim hringir sem eru aðeins formaðir svo hægt væri að nota fyrir sprittkerti, ekki samt hugsað sem kertastjaki heldur eru kertin hluti af skúlptúrnum.
3. Fætur eru kveiktir neðan á skálina og síðan er koparrör kveikt þar neðan á til að festa á steininn.
4. Bjallan er gerð úr hring líka sem er formaður í skál, hausinn er kveiktur síðan á og einnig sett koparrör til að festa á steininn.
5. Á kóngulóna og bjölluna er sett brennisteinslifur sem er póleruð og síðan hituð til að fá þessa séstöku áferð sem er á .
6. Að síðustu er settur sjálflímandi korkur undir steininn til að verja það sem hann er lagðir á.

Yfirborðsmeðferð: Brennisteinslifur, pólering og síðan eldborið.

 

 

 

Sýruæting

Litli ljóti andarunginn

Efni: kopar.

Lýsing:

1. Mynd er fundinn og síðan koparplata passleg fyrir myndina.
2. Koparplatan pússuð vel og síðan brætt á hana kertavax blandað parafinolíu ekki of þykkt lag.
3. Þegar vaxið er orðið þurrt og platan köld er myndin sett yfir og mótað fyrir henni í gegn um pappírinn.
4. Pappírinn er tekin af og myndin skýrð, þ.e. strikin gerð breiðari og notað til þess kúlupenni eða breiður messing vír.
5. Leir er settur utan um myndina og síðan sett sýra yfir hana í vaskinum og látin krauma á í dálítinn tíma. Tíminn fer eftir því hversu þynnt sýran er.
6. Sýran er svo skoluð af og einnig vaxið.
7. Myndin póleruð og síðan borið á hana brennisteinslifur og póleruð aftur svo myndast yrjur í hana.
8. Undir myndina er settur kubbur úr MDF örlítið minni en myndin sjálf og síðan sett á ljósan viðarbút stærri en myndin sem búið er að pússa til og bera á rustik.

Yfirborðsmeðferð: Pólering og rustik á viðinn.

 

Storkurinn með kertastjaka

Efni: Nýsilfur, messing og kopar.

Lýsing:

1. Mynd af storki límd á málminn, fuglinn sjálfur á nýsilfur, goggurinn á kopar og pokinn hans á messing.
2. Allir kantar eru pússaðir vel með þjöl og sandpappír. Ofan á er pússað vel með 600 sandpappír.
3. Hlutarnir eru svo kveiktir saman með silfurslaglóði. Fuglinn er svo pússaður vel og það sem fór útfyrir af silfurslaglóðinu er fjarlægt með þjöl og síðan sandpappír.
4. Aftan á fuglin er kveiktur teinn til að geta fest hann á steininn.
5. Útbúinn er stæði fyrir sprittkeri úr koparröri sem kveikt er á koparplötu. Á kertastæðið er einnig kveiktur á teinn til að festa niður í steininn. Það er svo pússað vel og pólerað og borið á það brennisteinslifur til að dekkja því það á að vera í bakgrunni og falla við steinin.
6. Á steininn eru svo boruð göt, eitt ofan á og eitt á hlið. Þegar búið er að pólera hlutina vel og þeir tilbúnir eru þeir límdir með epoxy leirlími í götin.
7. Undir steininn er svo settur korkur sjálflímandi til að verja borðið sem steinnin er lagður á.

Yfirborðsmeðferð: Pólering.

 

Gamalt verkfæri

Rissmát.

Efni: Tekk og hlynur.

Lýsing:

1. Efni fundið og sagað niður í stöng og stykki.
2. Stykki fyrst útbúin svo hægt sé að móta stöngina eftir því.
3. Sagað gat fyrir stöng á miðju rissmáti.
4. Stöng pússuð þannig að hún falli í gatið, gat pússað líka vel.
5. Gert er gat fyrir vængjaskrúfu til að festa stöng þegar verið er að rissa.
6. Borað er fyrir nagla í stöngina og naglin svo negldur í.
7. Pússað vel að utan og borin á rustikolía í nokkur skipti.
8. Eftir síðustu umferð af rustik olíu er pússað yfir með 1000 pappír.

Yfirborðsmeðferð: Rustik olía.

 

Útskorin gestabók

Efni: Hlynur og hnota.

Lýsing:

1. Efni er sagað í bókakápuna, það heflað til í passlega þykkt.
2. Mynd er fundin og sett yfir á bókarkápuna með kalkipappír.
3. Myndin er skorin út og pússað yfir hana.
4. Lamirnar eru gerðar úr hnotu, formaðar til eins og hentar myndinni á bókinni. Einnig er gerð hluta af löm hægra megin fyrir pennan því hann á það til að vera alltaf að tínast.
5. Lamirnar límdar á kápuna og á bakstykkið er svo settur listi og hinn hlutinn af lömunum settar á það.
6. Borað er fyrir skrautdílum tveimur í hvert lamastykki og þeir límdir á sinn stað.
7. Borað er fyrir blöðum á neðra stykkið og gerð rauf á milli svo bókin fljóti ekki á leðurreiminni sem notuð er til að festa blöðin í.
8. Bókin er sett saman með dílum í gegnum lamastykkin og hún síðan pússuð vel og borið á hana rustik olía nokkrum sinnum.
9. Eftir síðustu umferð er pússað yfir með 1000 pappír.

Yfirborðsmeðferð: Rustik olía.

Askur

Efni: Birki.

Lýsing:

1. Byrjað er að saga út fyrir bolnum á asknum. Átta kubbar eru sagaðir út samkvæmt myndinni hér að neðan.
2. Þeir eru svo límdir saman og þvingaðir saman með bandþvingu.
3. Krossviðsplatti er límdur öðrum megin svo svo hægt sé að skrúfa bolin á skífu í rennibekkin.
4. Botninn er einnig settur á platta og skífu og renndur tilbúinn til að setja á bolinn.
5. Gjarðir eru sagaðar þunnar úr sama við ca 1-2 mm.
6. Bolurinn er mótaður til í rennibekknum og gerðar raufar passlegar fyrir gjarðirnar. Inn í endan er gerð rauf fyrir botnin og hann svo renndur samhliða passlegur í raufina.
7. Gjarðirnar eru mótaðar utan um bolinn, bleyttar fyrst í heitu vatni til að koma í veg fyrir að þær springi. Látnar bíða í sólarhring og síðan límdar á sína staði. Botnin er límdur upp í og krossviðarplattin klofinn frá.
8. Þá er komið að lokinu. Það er mótað gróflega fyrir askinn og síðan rennt innan úr því í bekknum.
9. Það er svo mótað utan á með handhefli, þjölum og sandpappír. Myndin er sett á það og skorin út.
10. Handfangið er sagað útgróflega, í askinn er söguð rauf fyrir það þar sem gjarðirnar mætast og handfangið mótað inn í raufina.

Yfirborðsmeðferð: Vax.

Efni: Hlynur og nýsilfur.

1. Efni fundið og sagað niður í heppilegar lengdir fyrir hinn nýja ostaskera, heflað í afréttara og í þykktarhefli.
2. Útbúið gormasystem til að þrýsta á ostinn.
3. Ostaskeri útbúinn úr nýsilfri og skaft á hann, sem er hnoðað á hnífinn.
4. Ostahnífur er pússaður vel og póleraður.
5. Skaft á ostahníf er rustikolíuborið.
6. Útbúið er system til að styðja á móti gormasysteminu til að osturinn fjúki ekki út í buskann og sem hægt er að nota til að stilla þykkt ostasneiða.
7. Pússað allt vel og rustikoliuborið.
8. Pússað með 1000 pappír eftir að síðasta rustikolíuumferðin er þornuð vel.

Yfirborðsmeðferð: Rustik olía og pólering.

Efni: plexi gler og plast.

1. Um er að ræða handlangara fyrir þá sem vilja skafa af framrúðunni inni í bílnum.
2. Útbúinn er stöng úr plexi gleri sem beygð er til svo hægt sé að nota hana inni í bílnum til að skafa framrúðuna.
3. Á endan á henni er fest rúðuskafa.
4. Nú er hægt að sitja í hlýjunni í bílnum og skafa út um gluggan, án þess að vera sjálfur út.
5. Stöngin er beygð til með því að nota gasloga.
6. Endar eru skafðir með sikling, pússaðir með sandpappír og eldbornir.

 Yfirborðsmeðferð: Eldborið.

Efni: Hnota og birki

1. Efnið fundið til og sagað.
2. Efnið í bolinn er heflað niður í 1,5 mm.
3. Gert er mót úr spónablötum sem límdar eru saman og sagað svo eftir teikningu boginn á bolnum.
4. Efnið í bogan á bolnum er sett í bleyti yfir nótt, svo er látið renna á það heitt vatn í 20 mín áður en það er sett í mótið. Látið þorna í mótinu í 2-3 daga.
5. Listar eru gerðir ca. 1X1 cm og sagað í þá raufir svo auðveldara sé að beygja þá..
6. Listarnir eru límdir á hliðaefnið bæði uppi og niðri.
7. Stívur eru útbúnar sem festar eru á endum og við bogann, festir saman hliðarnar.
8. Botn og lok er sagað út eftir hliðunum, hljóðgat er búið til á lokið, sagað út.
9. Botn og lok er límt á hliðarnar.
10. Kantar eru fræstir.
11. Snigill að framan og botn að aftan er formað til.
12. Renndar eru þrjár skrúfur sem passa í göt á sniglinum sem búið er að gera kónísk.
13. Gripbretti er sagað og pússað, útbúinn er söðull að framan örlítið hærra en gripbrettið og eins er útbúið að aftan á botnstykkið.
14. Bönd eru sett á söðlastykkið sem strengirnir liggja á.
15. Gripbrettið er búið til og er notuð ákveðin reikningsformúla fyrir það. Byrjað er á því að finna út lengdina á milli bandanna að framan og aftan. Í þá lengd er deilt með 17,835, þannig fæst fjarlægðin frá bandinu að framan og að fyrsta bilinu. Bil tvö er fundið með því að draga fjarlægðina að fyrsta bilinu frá heildarlengdinni, í þá tölu er svo deilt í með 17,835. Þetta er gert við hin tónbilin sem eftir eru. Gott er að nýta sér tæknina og láta Excel forrit sjá um útreikningana.
16. Þegar búið er að merkja á brettið hvar böndin eiga að koma er vinkill settur á til að gera hornrétta línu, sagað er svo fyrir böndunum í sagastokk, tveggja þátta lím er sett á böndinn og þau hömruð niður í götin. Brýni er strokið yfir til að jafna böndin.
17. Brettið er límt á langspilið, það er pússað vel og borið á það nokkrar umferðir rustikolía.

Yfirborðsmeðferð: Rustikolía

Efni: Maghony, fura, plast, krossviður.

1. Efni fundið til og heflað niður í réttar þykktir.
2. Spilakassinn er úr maghony, hornin á honum er gerð samsetning í borðfræsara. Kassinn er límdur saman, settur á hann botn sem búið er að fræsa skrautrönd á og lokið er gert eins.
3. Gert er gat fyrir rafmagnsbúnað sem er hluti af spilinu.
4. Tengingar gerðar fyrir rafmagnsbúnaðinn og einnig eru renndir hringir sem settir eru á hliðarnar og koma þeir í stað teninga. Örin er útbúinn á hliðarnar sem hluti af teningaútbúnaði.
5. Spilaborð er gert í tölvu og prentað út, það er límt á krossviðaplötu með kontakt lími og sagað í tifsög.
6. Spurningablöð fyrir rafmagnskerfi eru útbúinn og gerð þannig að hægt er að breyta um spurningar eftir eðli þess námsefnis sem verið er að fara yfir.

Yfirborðsmeðferð: Á kassa rustikolía

Efni: Hlynur

1. Efnið sagað niður og heflað í réttar þykktir.
2. Á hliðar eru söguð 45° horn hallandi og að neðan er heflað til að hliðarnar standi rétt.
3. Gerðar eru skrautrandir í hjólsöginni ef vill.
4. Hliðar eru límdar saman og málningarlímband notað til að þvinga hornin saman.
5. Botninn er útbúinn og skorið út í hann munstur.
6. Ramminn er svo límdur á botninn.

Yfirborðsmeðferð: Lakk

Efni: Maghony ljóst

1. Efnið fundið til, sagað og heflað.
2. Efnið er límt saman og þvingað.
3. Límd er krossviðarskífa á botninn og platti skrúfaður á.
4. Hringur er útbúinn eins stór og hægt er á efnið og sagað af hornin.
5. Skálinn er rennd og lokið skorið af, sett skífa og platti á lokið svo hægt sé að renna inn í það.
6. Rennt inn í skál og lok.
7. Skífa límd hinum megin á lokið svo hægt sé að ljúka toppinum á því. Lok pússað vel og borið á það rústikolía.
8. Skál pússuð vel og borinn á hana rustik.
9. Skífa klofinn af lokinu og borin rustikolía inn í lokið.
10. Skál skorinn af stalli.

Yfirborðsmeðferð: Rustikolía.

Efni: Birkilurkur.

1. Lurkur er renndur á milli enda og gerður á hann stallur fyrir patrónu beggja megin.
2. Formið á boxinu er mótað.
3. Markað er fyrir loki og það skorið af.
4. Boxið er holað að innan og það pússað.
5. Lokið er sett í patrónuna, það holað að innan og pússað vel.
6. Lok er skorið af stallinum.
7. Á lok er skorið út munstur.
8. Borið á rustikolía.

Yfirborðsmeðferð: Rustikolía.

Efni: Reyniviðarlurkur

1. Lurkur settur á milli enda og gerður á hann stallur fyrir patrónu.
2. Hann er formaður á milli enda og skipt um miðju þrisvar öðrum meginn, þ.e. oddurinn er látinn fyrst á miðjuna, renndur hluti af vasanum, síðan öðrum meginn við miðjuna og annar hluti renndur að síðustu er sett hinum meginn við miðjuna og þriðji hlutinn er renndur. Allt pússað vel.
3. Lurkurinn er settur í patrónu og rennt innan úr honum.
4. Pússað vel og borið á rustikolía.

Yfirborðsmeðferð: Rustikolía.

1. Efni fundið til og sagað niður eftir skapalóni.
2. Hlutarnir eru dílaðir saman og límt.
3. Pússað vel yfir og borið á grunnur.
4. Málað með rúllu.

Yfirborðsmeðferð: Akrýlmálning.

Efni: Silfur, messing, kopar og jaspissteinn.

1. Hlutar eru sagaðir út og kveiktir saman, sverft með þjöl og pússað með sandpappír.
2. Fatning á hálsmen er útbúinn.
3. Fatningin er kveikt á hálsmenið, pússað vel og steininum komið fyrir í henni.
4. Kantar púnsaðir niður.
5. Menið er formað til á trékubb með hamri.
6. Pússað vel og pólerað.
7. Gert gat sitthvorum megin fyrir keðjur.
8. Hringur er sagaður út og kveiktur saman. Hlutar á hann eru kveiktir saman og pússaðir vel.
9. Þeir eru síðan kveiktir á hringinn, formað til á trékubbi.
10. Pússað vel og pólerað.

Yfirborðsmeðferð: Pólering.

Efni: vélsagarblað, messingkubbar, hreidýrahorn, leðurhulstur.

1. Teiknað er á vélsagarblaðið form fyrir hnífinn.
2. Það er skorið með slípirokk því ekki er hægt að saga blaðið.
3. Formið er pússað til á pússibandi og formað til.
4. Bit er gert á hnífinn á smergeli.
5. Handfang er útbúið og sagað á það endi og hjöltu úr messing ca. 1 cm þykku.
6. Á enda eru boruð 2 göt og sett í þau skrúfur sem klipptir eru hausarnir af. Boruð eru göt inn í hornið og messingkubburinn er límdur á endan á horninu, pússað vel saman og pólerað.
7. Í hjöltun er gerð rauf fyrir sagablaðið og þau svo kveikt á blaðið.
8. Pússað vel.
9. Sagablaðið er límt inn í rauf á horninu.
10. Útbúið er hulstur utan um blaðið úr leðri.

Yfirborðsmeðferð: Sagablað pússað og gerð mött áferð. Horn og messingkubbar póleraðir. Hulstur litað og sett á leðurfeiti.

Fyrst þarf að búa til steypumót. Þau eru gerð á tvennan hátt. Annars vegar er það opið mót fyrir einfaldari muni eins og skartgripi. Þetta mót er búið til þannig að notaður er trékubbur sem skorið er í mynd með sporjárni eða útskurðarjárnum sem búið er að teikna á kubbinn. Einnig er hægt að búa svona mót til með leir og gifsi. Þá er gerður hlutur úr leir sem settur er í kassa og gifs sett yfir. Þegar gifsið er orðið hart er leirinn fjarlægður og eftir stendur gifsmót af hlutnum.

Til að búa til lokað steypumót þarf fyrst að búa til mót af hlutnum úr tré, leir, mótunarvaxi eða plastleir sem er vaselín- eða olíuborinn. Gifsblanda er svo sett í vaselín- eða olíuborinn kassa og hlutnum þrýst ofan í til hálfs, gæta verður þess að mynda rás frá efsta hluta hlutarins að brún kassans svo hægt sé að hella bráðnuðu tini ofan í mótið, einnig er gott að setja tappa ofan í neðri hlutann sem teknir eru úr þegar síðari blandan er sett í. Þannig verður til tappi sem gerir mótið stöðugra þegar það er sett saman fyrir steypunina. Þegar gifsið er orðið hart er vaselín eða olía borin á hliðina sem snýr upp í mótinu og nýrri hræru af gifsi bætt ofan á. Þegar gifsið er orðið alveg hart er óhætt að taka formið í sundur.

Steypt í mótið

 Á heimasíðu Arndísar

 Efst á síðu