Reykjavík febrúar 2002

Helgina 12-14. júlí ætlum við í Lækjarskógsættinni að hittast í Húsafelli og gleðjast saman. Ætlunin er að hafa þetta upphitun fyrir reglulegar samkomur ættarinnar. Ástæðan fyrir því að Húsafell varð fyrir valinu er að þar er margt um að vera fyrir alla aldurshópa og svo er það nokkuð miðsvæðis fyrir flesta meðlimi ættarinnar. Hinir sem eiga lengra að sækja staðinn hafa gott af því að keyra um landið og skoða sig um. Í Húsafellsskógi er hægt að gista í tjöldum, þar er einnig hægt að leigja sumarhús og smáhýsi eða að gista í gamla bænum, hvort sem er í uppbúnum rúmum eða í svefnpokaplássi. Í framhaldi af þessari helgi er áætlað að kjósa í nefnd sem skipuleggur næsta mót. Gott væri að hafa í þeirri nefnd einn meðlim frá hverju Lækjarskógssystkini.

Nánari upplýsingar um staðinn er hægt að fá á heimasíðu Húsafells á tenglinum hér fyrir ofan.

Hvernig er hægt að skrá sig og taka þátt

Til að við getum farið að skipuleggja dagskrá fyrir yngri kynslóðina (hvaða kynslóð er það?) og til að hægt sé að taka frá tjaldstæði og jafnvel panta gistiaðstöðu þá þurfum við að vita nokkurn veginn fjölda þeirra sem ætla að mæta og hvernig og hvar þeir ætla að gista. Þess vegna biðjum við ykkur um að hafa samband við okkur eða koma upplýsingum til okkar sem fyrst en eigi síðar en 1. maí 2002. Hægt er að ná í okkur í síma eða skilja eftir skilaboð:
Hrafnhildur 694-2227,hrafnhs@hotmail.com
Arndís 695-2592, arndis@ismennt.is
Bjarney 567-2691, bjarneyg@strik.is

 

Reykjavík 14. maí 2002

Kæru ættingjar!

Loksins látum við heyra frá okkur aftur. Við höfum tekið að okkur að halda upp á þrítugsafmæli Þorsteins Guðmundssonar í Húsafelli þessa helgi vegna þess að hann er búinn að lofa að mæta svo það er annað hvort að hrökkva eða stökkva. Vonandi stökkva allir því það verður geggjað stuð. Þeir sem ekki mæta verða mjög líklega kostnir til að sjá um að skipuleggja ,,alvöru ættarmót" því þetta er aðeins upphitun og því allt leyfilegt!
Það hafa fáir látið heyra í sér og staðfest mætingu sína endilega látið okkur vita hvort þið mætið eða ekki því við þurfum að fara að láta taka frá fyrir okkur flöt til að tjalda á.
Helga Hilmarsdóttir hefur tekið frá 3 smáhýsi, 2 herbergi og baðstofuloft í Gamla bænum fyrir þá sem vilja. Ef einhver vill leigja slíkt þá hafið endilega samband við hana í síma 581-2028.

LÁTIÐ VITA HVORT ÞIÐ KOMIÐ EÐA EKKI SEM ALLRA ALLRA FYRST

Júlí 2002

Allar líkur eru á því miðað við hversu fáir hafa skráð sig þá verður þetta fámennt en mjög góðmennt mót. Eins og komið hefur fram í fréttabréfunum okkar þá verður kosið í ættarmótsnefnd fyrir næsta mót og verður það væntalega formlegra heldur en þetta hjá okkur núna þetta árið. Við erum farin að hlakka mjög til að sjá ykkur næstu helgi. Ekki er komin nein veðurspá en auðvitað verður þokkalegt veður enda höfum við Hranhildur setið á bæn í marga mánuði.