Hringprjónar

Hringprjónar eru tveir prjónar úr málmi eða tré sem tengdir eru saman með plastbandi. Þeir eru seldir mismunandi langir frá 40 sm og upp í 120 sm. Oftast eru notaðir 40 sm hringprjónar til að prjóna ermar og 70-80 sm til að prjóna boli á peysum. Lengstu prjónarnir eru yfirleitt notaðir þegar verið er að prjóna dúka, teppi eða annað slíkt. Oftast eru hringprjónar notaðir til að prjóna í hring en einnig er hægt að nota þá þegar verið er að prjóna fram og til baka, sérstaklega þegar margar lykkjur eru á prjóninum, þá jafnast þyngdin á prjóninu betur en ef bandprjónar eru notaðir.