Skólafit

Skólafit má eingöngu nota á hluti þar sem lítið mæðir á því hún er fremur ónýt, þó hún heiti skólafit þá er þetta ekki sú fit sem krakkar læra oftast í handavinnu í skólum, oftast er notuð Húsgangsfit í handmenntakennslu. Til þess að fitja Skólafit þá þarf að nota tvo prjóna og hafa annað í vinstri hendi og hinn í hægri hendinni, byrjað er að búa til fyrstu lykkjuna og hún sett upp á vinstri prjóninn.

Farið er með hægriprjóninn í gegnum lykkjuna sem fyrir er og bandið sótt.
Bandið er dregið í gegnum fyrstu lykkjuna og þá er kominn önnur lykkja.
Lykkja tvö er sett yfir á vinstri prjóninn, þetta er gert aftur og aftur þar til réttum lykkjufjölda er náð.