Úrtaka
nefnist það þegar lykkjum er fækkað
á prjóninum ýmist um eina, tvær eða
fleiri. Það er gert með því að
prjóna saman tvær eða fleiri lykkjur. Hér
fyrir neðan er þetta sýnt myndrænt til
hægri og vinstri.
Úrtaka
til vinstir, steypiúrtaka, lykkjurnar eiga að
snúa þannig að prjónað er framan
í sléttu lykkjuna, lykkja er tekin óprjónuð
eins og eigi að prjóna hana yfir á hægri
prjóninn.
Næsta
lykkja er prjónuð og fyrri lykkjan er dregin
yfir, efri lykkjan vísar til vinstri. Ef á
að fækka um tvær lykkjur í einu
þá er fyrsta lykkjan tekin óprjónuð
eins og fyrr og tvær lykkjur svo prjónaðar
saman síðan er óprjónuðu
lykkjunni steypt yfir prjónuðu lykkjuna.
Úrtaka
til hægri, lykkjurnar eiga að snúa þannig
að prjónað er framan í sléttu
lykkjuna, tvær lykkjur eru prjónaðar saman
og vísar þá efri lykkjan til hægri.
Úrtaka
þrjár lykkjur saman, miðlykkjan ofan á.
Tvær lykkjur eru teknar óprjónaðar
fram af prjóninum eins og þær væru
prjónaðar sléttar saman.
Næsta
lykkja er prjónuð og þá er báðum
óprjónuðu lykkjunum steypt samtímis
yfir prjónuðu lykkjuna.
Svona
lítur úrtakan út ef haldið er áfram
með hana upp.
