Ég er fæddur 22.febrúar 1947 í Reykjavík og alinn upp að Ljósafossi í Grímsnesi. Æskuárin liðu í sveitinni inannum og með blessuðum dýrunum stórum og smáum. Unglingsárin liðu mis hratt í skólum, þau fyrstu í barnaskóla þau síðari í gagnfræðaskóla og iðnskóla.Fullorðinsárin hef ég notað meðal annars til náms í vélskóla og kennaraháskóla, auk þess sem hendinni hefur aðeins verið tekið til úti í atvinnulífinu. Sem dæmi má nefna að ég hef starfað á sjó sem undir og yfirvélstjóri á fiskiskipum, flutningaskipum og farþegaskipum.Á sjómannsferli mínum hef ég siglt um heimsins höf og komið til þriggja heimsálfa. Ég hef einnig meistararéttindi í vélvirkjun og hef rekið þjónustufyrirtæki í greininni og útskrifað nokkra nema í vélvirkjun. Eins og oft vill vera á langri ævi, á sér einatt eitthvað skemmtilegt stað. Ég hef átt þeirri lukku að fagna að hafa búið með framandi þjóðum, kynnst menningu þeirra og siðum,einnig hef ég ferðast víða víða og fengið smjörþef af góðu og illu.

Núna stunda ég kennslu í Vélskóla Íslands og tek samhliða því að mér matsmanns- og meðdómarastörf hjá Héraðsdómum Reykjavíkur og Vesturlands. Samhliða þessum hverstakslegu launastörfum stunda ég framhaldsnám í Kennaraháskóla Íslnds í upplýsinga- og tölvutækni í skólastarfi.