Listastefnur og helstu listamenn

Eftir Ásthildi B. Jónsdóttur

 Kynning | Verkefni| Bjargir | Ferli | Mat | Niðurstaða

Kynning

Í Þessu verkefni eigið þið að skapa ykkar eigin vefsíðu um listastefnu og listamann. Til þess að verkefnið verði sem skemmtilegast er vert að muna að þegar við sýnum jákvætt og fordómalaust viðhorf skemmtum við okkur oftast best. Það er mjög mikilvægt að lesa öll fyrirmæli áður en þið hefjist handa við verkefnavinnuna.

Verkefni

Veljið ykkur eina listastefnu til umfjöllunar.

1. Endurreisn 14 - 16 öld
2. Mannerismi -- 1515-1610
3. Barokk -- 1600-1730
4. Rókókó -- 1720-1770
5. Ný-klassík -- 1770-1900
6. Rómantík -- 1850-1950
7. Raunsæi -- 1850-1940
8. Impressjónismi -- 1863-1886
9. Póst-Impressjónismi --1886-1905
10. Expressjónismi -- 1890-1905
11. Nýstíll (Art Nouveau) -- 1890-1905
12. Fávismi -- 1905-1907
13. Kúbismi -- 1907-1914
14. Abstraktlist -- 1908-1925
15. Dada -- 1916-1922
16. Súrealismi -- 1924-1935
17. Abstrakt expressjónismi --1945-1955
18. Popplist -- 1955-1965
19. Oplist --1960-1970

Nú eigið þið að semja samantekt um valda listastefnu. Fram þarf að koma:

• Helstu einkenni stefnunnar
• Nýjungar frá fyrri stefnum
• Helstu fulltrúar stefnunnar
• Samfélagslegar hræringar
• Ítarleg umfjöllun um a.m.k. einn fulltrúa stefnunnar
• Sýna valin listaverk og fjalla um þau Upplýsingar um myndgreiningu

Þið eigið að útbúa vefsíðu og vísa í slóðir sem tengjast efninu

Bjargir

Bækur sem fjalla um listastefnur og listaverk:

• Bailly, Jean-Christophe, Skoða málverk, Mál og menning, Reykjavík 1993
• Björn Th. Björnsson, Aldaslóð, Mál og menning, Reykjavík 1987
• Broby-Johansen, R. 1977. Heimslist – Heimalist;.Yfirlit evrópskrar listasögu. Mál og menning, Reykjavík. Umsjón og þýðing Björn Th. Björnsson.
• Gombrich, E.H. Saga listarinnar, Mál og menning, Reykjavík, 1997
• Íslenska alfræðiorðabókin, Örn og Örlygur, Reykjavík 1990
• Janson, H.W. History of Art, Harry N. Abraams, New York, 1991
• Lucie-Smith, Edward. Nútíma listasaga. Fjölvi, Reykjavík, 1979
• Norwich, John Julius, Byggingarlistasaga Fjölva, Fjölva útgáfa, Reykjavík 1981
• Pischel, Gina og Þorsteinn Thorarensen. 1977. Listasaga Fjölva; Þorsteinn Helgason. Leskaflar í listasögu, Iðnú, Reykjavík 1997

Sýningar í listasöfnum og galleríum á vefnum:

• Listasöfn og gallerí á vefnum

Leita á netinu á flokkuðum leitarvefum:

• Síða með myndum af listaverkum
• Heimildir um listamenn
• Síða með umfjöllun um barokk

Ferli

• Fyrst er skiptið þið listastefnunum á milli ykkar, þið vinnið ýmist í pörum eða stök.
• Ef þið vinnið í pörum skuluð þið skiptaá milli  ykkar í hlutverkum, einn tekur fyrir málverk annar skúlptúr o.s.frv.
• Skoðið nú krækjurnar og efni á veraldarvefnum og takið glósur um leið. Ef þið finnið myndefni sem passar við þá skuluð þið vista það inn á c drifið í temp-möppuna.
• Farið á bókasafnið og safnið saman upplýsingum um listastefnurnar sem þið fjallar um.
• Þú skalt vista (á c drifið í temp möppuna) afrit af fyrirmynd af vefsíðu og vinna með hana.
• Glósunum er safnað saman og samantekt um listastefnuna er skrifuð inn í Netscape Composer út frá fyrirmyndinni og vistuð sem html skjal á c drifið í temp-möppuna.
• Þegar textinn er tilbúinn þá byrjar hönnun á vefsíðum.
• Á fremstu síðunni á að koma fram efnisyfirlit sem segir til um allt það sem er að finna á síðunni
• Munið að sýna heimildarskrá.

Í umfjöllun ykkar um listaverk er mikilvægt að þið fjallið um listaverkin á persónulegu nótunum. En munið að nota alltaf rökstuðning.

Mat

Samantektin verður metin eftir því hversu skýrt og vel framsett efnið er, hvort það er skemmtilegt og fallega frágengið og hvernig myndefni er notað til skýringar. Þið fáið umsögn fyrir samvinnu, áhuga, frumkvæði og frammistöðu. Samantektin er metin eftir því hversu vel heimildirnar á vefnum voru notaðar. Þið metið einnig verkefni hvors annars og setja fram með rökstuðningi. Að lokinni þessari vinnu vinnið þið verkefni sem byggja á heimildum úr vefsíðunum ykkar.

Niðurstaða

Nú hafið þið lært ýmislegt um mismunandi listastefnur. Í gegnum aldirnar hafa áherslur í myndlist birst á mismunandi hátt allt frá því að vera í hlutverki söguritara að því að vera miðill heimspekilegra vangaveltna. Nú getið þið einnig gert ykkar eigin vefsíður með vísum í aðrar síður.