Við búum með blandað bú, hér eru 36 mjólkurkýr, 50 kvígur og kálfar, 125 ær og 15 hestar. Fjósið er byggt 1987 og síðan var byggt við það og sjálfvirku fóðurkerfi var komið fyrir árið 2000. Það er innan gengt í fjárhúsið, það auðveldar vinnuna mjög. Hesthúsið stendur hjá íbúðarhúsinu, þannig það er fljótlegt að skella sig á bak.
Við tókum við búskapnum af foreldrum mannsins míns og faðir hans býr ennþá hjá okkur.