Að stilla efnajöfnur

Bruni metangass

Þegar metangas brennur hvarfast það við súrefni og myndar koldíoxíð og vatn. Efnajafnan, sem lýsir hvarfinu, er stillt í nokkrum skrefum:

• Fyrst eru tákn efnanna sem hvarfast rituð: CH_4(g) + O_2(g).
• Þá er rituð ör —> sem sýnir í hvaða átt hvarfið gengur. Örin táknar einnig jafnaðarmerki.
• Hægra megin við örina eru efnin sem myndast rituð: CO_2(g) + H₂O_(g).

CH_4(g) + O_2(g) —> CO_2(g) + H₂O_(g)

Nú á eftir að stilla jöfnuna, það eru ekki jafnmörg atóm af hverri gerð fyrir og eftir hvarfið:

• Í vinstri hlið jöfnunnar eru fjögur vetnisatóm í CH₄ sameindinni en í H₂O sameindinni eru aðeins tvö vetnisatóm þess vegna þarf tvær H₂O sameindir.

CH_4(g) + O_2(g) —> CO_2(g) + 2H₂O_(g)

• Þá eru fjögur súrefnisatóm í hægri hlið jöfnunnar en aðeins tvö í vinstri hlið, þess vegna þarf tvær O₂ sameindir.

CH_4(g) + 2O_2(g) —> CO_2(g) + 2H₂O_(g)

• Þar með er efnajafnan stillt.

Myndun vatns

Sem kunnugt er þá hvarfast vetni við súrefni og myndar vatn.
Stilltu eftirfarandi jöfnu með því að skrá tölur í reitina framan við tákn sameindanna.
Ef talan 1 á að koma í reit, má hann vera auður.

Myndun ammóníaks

Stilltu eftirfarandi efnajöfnu sem sýnir myndun ammóníaks úr nitri og vetni.

Bruni metanóls

Stilltu eftirfarandi efnajöfnu sem sýnir bruna metanóls í nægu súrefni.

Hreinsun kísils

Stilltu eftirfarandi efnajöfnu sem sýnir eitt skrefið í framleiðslu á hreinum kísil. Það felst í því að kísiltetraklóríð hvarfast við magnín en við það myndast magnínklóríð og kísill.

Myndun fosfórtríhýdríðs

Stilltu eftirfarandi efnajöfnu sem sýnir hvernig kalsínfosfíð hvarfast við vatn og myndar fosfórtríhýdríð og kalsínhydroxíð. Fosfórtríhýdríð er oftast nefnt fosfín.

EFST