Vor við Seyðisfjörð

„Vor við Seyðisfjörð”
vefleiðangur fyrir 4.-6. bekk eftir Báru Mjöll Jónsdóttur

Kynning

Verkefni

Bjargir

Ferli

Mat

Niðurstaða

!	Kynning

Hvað segir textinn í laginu Vor við Seyðisfjörð okkur um vorið á Seyðisfirði?

*Hvernig myndir þú lýsa vorinu? Hvernig vitum við að það er komið vor?

*Hvernig er hægt að setja vorið á vef svo aðrir geti notið þess með okkur?

efst á síðu

!	Vor við Seyðisfjörð

Það léttir alltaf göngu á vetrarvegi
er vorið boðar komu sína á ný.
Og sólargangur lengist dag frá degi
dimman flýr og golan verður hlý.

Og farfuglanna vængjaþyt ég þekki
þeir vitja lands og kveða hver sinn óð
Um bjarta nótt er sólin sefur ekki
en sveipar fjörðinn morgun-roðaglóð.

Er hljóðlátt regnið nýjan gróður nærir
og nálægt sumar léttir sérhvert spor.
Og ilm af lyngi blær úr fjalli færir
ég fagna því að senn er komið vor.

Mín heimabyggð er mér sem búið bændum,
sem blómstrar ef að hlúð er vel að því.
Að Seyðisfjörður eigi vor í vændum
er von mín nú, er byrjar öldin ný.

Þórunn Sigurðardóttir

Hvaða vorboði er þetta?

!	Verkefni

Verkefnið felst í því að safna upplýsingum um ýmislegt sem tengist vorinu og búa svo til „Vorvef skólans” á Netinu.

*Við þurfum að koma auga á hvað það er í textanum sem tengist vorinu.

*Hver og einn velur/dregur a.m.k. eitt atriði til að afla upplýsinga um.

*Texti, teikningar og myndir verða sett á vefsíðu.

efst á síðu

!	Bjargir

Þetta er það sem við getum notað:

„Vor við Seyðisfjörð” eftir Þórunni Sigurðardóttur.
„...og sólargangur lengist dag frá degi...” - kennsluvefur.
Farfuglar og fuglaskoðun, Náttúrufræðistofnun Íslands.
Fuglar.is, stafræn fuglaljósmyndun.
Flóra Íslands, vefur um blóm og plöntur á Íslandi.
Sólskin.is, vefur um náttúruvísindi.
Fjaran og hafið, efni á vef hjá Námsgagnastofnun.
Leit.is, íslenskur leitarvefur.
Google.com, leitarvefur þar sem hægt er að stilla á myndir.
Námsbókin Náttúran allan ársins hring.
Ýmsar bækur á bókasafni um fugla, gróður o.fl.
Veistu um eitthvað fleira?
efst á síðu

Ferli

Við byrjum á því að skoða vel textann „Vor við Seyðisfjörð” og finna öll atriði í honum sem tengjast vorinu. Kannski dettur okkur líka eitthvað fleira í hug.
Hver og einn velur sér (eða dregur) eitt atriði til að safna nánari upplýsingum um, t.d. einhvern farfugl eða plöntu.
Nú þarf að finna upplýsingar og myndir á Netinu eða í bókum (sjá Bjargir).
Síðan á að skrifa stuttan texta og hafa mynd með, annaðhvort ljósmynd eða teikningu.
Setja textann og myndina upp á vefsíðu með Front Page.
Að lokum eru allar síðurnar tengdar saman í „Vorvef skólans“.

efst á síðu

Mat

Hvernig veit ég hvort ég stóð mig vel?

*Þú skoðar verkefnið þitt og fyllir út matsblað sem fylgir með.

*Kennarinn metur líka verkefnið þitt og einkunn fyrir það kemur inn í einkunn þína í upplýsingamennt á vorönn.

efst á síðu

!	Niðurstaða

*Þegar nemendur hafa kynnt sér ýmislegt í tengslum við vorkomuna verða þeir væntanlega margs vísari í náttúrufræði, eins og um fugla og gróður.

*Í framhaldi af því er margt hægt að gera, t.d. er upplagt að fara út og taka myndir, bæði ljósmyndir og hreyfimyndir með hljóði, safna sýnum til að skoða í víðsjá, gera tilraunir með ræktun o.fl. o.fl.

efst á síðu