LÖG FÉLAGSINS

Félagsreglur

1. grein Félagið heitir Félag kennara í málmiðnagreinum. Aðsetur þess er í Reykjavík.

2. grein Tilgangur félagsins er að efla samstarf og samvinnu kennara í málmiðnagreinum t.d. með umræðufundum, útgáfustarfsemi, námskeiðum o.fl. Taka þátt í skipan kennslu- og skólastarfsemi í málmiðnagreinum og hafa áhrif á menntun kennara. Hafa samband við tilsvarandi félög kennara erlendis og koma fram fyrir hönd málmiðnakennara á erlendum vettvangi.

3. grein Félagar geta orðið þeir sem kenna verklegar og/eða bóklegar greinar málmiðna í framhaldsskólum og sérskólum. Stjórn félagsins getur ef ástæða þykir til veitt öðrum en áðurnefndum kennurum aðild að félaginu.

4. grein Stjórn félagsins skipa 5 menn kosnir til tveggja ára í senn. Skulu 2 kosnir annað hvert ár en 3 hitt árið, þar af einn formaður sem kosinn er sérstaklega. Stjórnarmenn skipta með sér verkum. Þá skulu kosnir árlega tveir varamenn í stjórn, skulu þeir sitja stjórnarfundi með málfrelsi og tillögurétti. Einnig skulu kosnir 2 endurskoðendur til eins árs í senn.

5. grein Aðalfund skal halda ár hvert og skal hann boðaður bréflega með dagskrá í þeim skólum þar sem félagsmenn starfa með a.m.k. tveggja vikna fyrirvara. Aðalfundur er löglegur ef löglega er til hans boðað. Á dagskrá eru m.a. öll venjuleg aðalfundarstörf.

6. grein Félagsgjald skal ákveðið á aðalfundi.

7. grein Reglum félagsins er aðeins hægt að breyta á aðalfundi. Tillögur um breytingar á reglum félagsins skulu koma fram í fundarboði aðalfundar. Breytingar skoðast samþykktar ef þær hljóta einfaldan meirihluta greiddra atkæða.

8. grein Verði félagið lagt niður ganga eignir þess til Bandalags kennarafélaga.