Þegar þú hefur tekið ákvörðun
um að fara í fjarnám og hefur fengið inni í
þeim námsáfanga sem þú ætlar þér
skaltu strax byrja að undirbúa þig.
Farðu reglulega í tölvuna
! Nauðsynlegt er að byrja
strax að venjast samveru við þennan miðil. Notaðu
t.d klukkutíma á hverjum virkum degi og eitthvað um
helgar. Æfðu þig á Internetinu, tölvupóstinum
og ritvinnsluforritinu. Æfðu þig sérstaklega í
eftirfarandi:
1) Að setja upp hugbúnað og hlaða niður gögnum
eða hugbúnaði af netinu.
2) Að sækja póst, senda póst, senda viðhengi,
senda myndir, búa til póstlista.
3) Að vafra um Internetið, merkja eftirlætis vefina, flytja
texta og myndir af neti yfir í ritvinnslu, læra á
leitarvélar og kaupa hugbúnað eða bækur
af netinu.
4) Að skrifa í ritvinnslu, vista og prenta. Einnig að
senda skjal beint með tölvupósti, flytja texta úr
ritvinnslu yfir í tölvupóst og öfugt.
5) Í Windows stýrikerfinu þarftu að kunna að
stilla skjáupplausn, prentgæði í útprentun,
taka varaafrit og að "defragmenta" harða diskinn.
Ef þú hefur upplýsingar um einhvern hugbúnað
eða upplýsingalindir frá kennaranum, skaltu strax
hefjast handa við að æfa þig. Ekki bíða
eftir upphafsdegi kennslunnar.
Gerðu varaáætlanir !
Hvert leita ég ef tölvan bilar hjá mér ? T.d
áætlun um hver komi og skoði tölvuna og áætlun
um hugsanlegan stað sem hægt er að stunda námið
á meðan. Hvernig bregst ég við ef núverandi
ástand breytist ? T.d áætlun um hverjir geta hugsað
um börnin og áætlun hvernig bregðast skuli við
eigin veikindum eða annarra í fjölskyldunni. Mundu að
taka aukaafrit af öllum gögnum.
Forgansraðaðu tímanum ! Skoðaðu vel
þann tíma sem þú hefur í hverri viku.
Sæktu þér tímatöflu og prentaðu hana
út. Merktu með litum eftirfarandi þætti: Vinnutíma,
tíma með fjölskyldu án sjónvarps, sjónvarpsáhorf,
líkamsrækt og svo frítíma fyrir utan allt
þetta. Áætlaðu nú hversu mikinn tíma
þú þarft í fjarnámið og merktu
hann inn ofaní hina litina. Gerðu alltaf ráð fyrir
tíma í líkamsrækt og tíma fyrir fjölskylduna.
Haltu þér síðan við tímaáætlunina
því það skiptir miklu máli að ná
upp sjálfsaga, nákvæmlega í þessu atriði.