Skilasíða-nám og kennsla á neti

Ég var mjög ákveðinn í því að læra vel á Dreamweaver og Fireworks og keypti til þess sérstakar bækur. Þær hafa reynst mér afar vel og mæli ég með slíkum stuðningi. Eftir að hafa gert tvo vefleiðangra réðist ég í metnaðarfulla vinnu við index síðu á heimavefnum. Ég var marga sólarhringa við þetta og gerði m.a bannerinn minn í Fireworks. Vinnan í því forriti hefur reyndar verið mér mun erfiðari. Forsíðan fór fyrst á vefinn 1. maí en kemur nú hér uppfærð.

1.2 Vefleiðangur fyrir skólastarf.

Vefleiðangur minn er grundvallaður á markmiðum í kristinfræði í 5. bekk samkvæmt aðalnámskrá. Þetta var fyrsta vefsíðan sem ég gerði í Dreamweaver og ákvað ég að reyna nýja hluti. Vefleiðangurinn er um Hallgrím Pétursson og er að mestu unninn í leyers.

1.3. Vefleiðangur fyrir frístundanám.

Frímerkjasöfnun hefur verið áhugamál mitt í rúm 20 ár. Ég hef ekki mikinn tíma til að seðja þessa söfnunaráráttu mína. Mér fannst ekki vera mikið til af íslensku aðgengilegu efni á vefnum þegar ég bjó til vefinn. Enn fannst mér nauðsynlegt að prufa eitthvað nýtt, svo ég ákvað að nota frames við gerðina. Og það er mín skoðun að þeir henti ákaflega vel til að stýra vefleiðangrum.

1.4. Kennsluefni á vef. Mind Manager.

Þegar ég fór að vinna að þessum kynningar- og kennsluvef komst ég að því að ég hafði farið hárrétt að. Þessi mikla vinna við að læra tæknilega atriði í Dreamweaver opnuðu nýjar dyr og möguleika, sem mig hafði alltaf dreymt um. Ég lagði upp með 30 síðna vef, sem ég teiknaði samviskulega upp og þaulskipulagði (fannst mér) og var það í fyrsta skipti sem ég beitti þeim vinnubrögðum. Vefnum er ætlað að höfða til nemenda í framhaldsskólum og háskólum sem nota fartölvur sífellt meira. Hugmyndin í uppbyggingunni er að vefurinn sé bæði línulegur og hugtalegur. Þ.e endurspegli nokkuð hugsunina á bak við MM en sé einnig með hefðbundnar kennslusíður. Ég notaði nýja hluti eins og hljóð á vef og orð sem hreyfast. Marmiðið er að koma síðan vefnum sem krækjum inn á síður skóla og nemenda og fá leyfi hjá Mindjet fyrirtækinu, sem framleiðir hugbúnaðinn,til að vera opinber kynningar og umboðsaðili á Íslandi fyrir hugbúnaðinn.. Við vinnuna var ég í sambandi við fjölmarga og komst þá að því að sérkennarar hafa í auknum mæli verið að kynna sér hugbúnað sem MM, en þess ber að geta að nú spretta upp fyrirtæki sem framleiða svipaðan hugbúanað og MM. Tel ég það vera vegna aukinnar vinsælda hugarkorta eða hugtaka korta. Því miður er vefurinn ekki fullfrágenginn og mun ekki fara í umferð fyrr en svo er. Þetta hefur verið gríðarleg vinna og lærdómsrík og til að spara mér tíma hef ég notað templates og assets markvisst við vefnaðinn.

1.5. Umræðuframlög, prófun verkfæra og þarfagreining

Ég gerði ekki úttekt á leitarvélum eins og flestir, heldur skoðaði ég a) Nokkur frí geymslusvæði á netinu og b) Page builder á Geosities. Umræðuframlögin eiga að vera á Webboard en niðurstöður úr þarfagreiningu á vef ásamt umfjöllun um prófum setti ég upp á fríu svæði á Geosities með Page builder.

2.1. Námsumhverfi á vefnum

Ég hef haft allmiklar áhyggjur af því að við sjáum tæknina í of miklum ljóma og að hún sé að verða tímafrek í formi afþreyingar hjá okkur. Fólk eyðir stöðugt fleiri klukkustundum á viku með tækjum sínum (sjónvarpi, síma, tölvu og fl) en með fólki. Því vildi ég leggja fram aðrar sýn á framtíðinna og kynni hana hér.

2.2. Umræðuframlög á UT2001

Ég mætti að sjálfsögðu á UT2001 þrátt fyrir langa dagleið. Ég sagði það í umræðunum og segi það enn að mér þótti Patricia mest og best. Ekki er heldur verra að trúa útreikningum hennar, en samkvæmt þeim verður fólk sem bæði kann að kenna og kann eitthvað fyrir sér í tölvu- og upplýsingatækni afar eftirsóknarvert.....og þá væntanlega hálaunað. Umræðuframlög er á Webboard.

3.1 Netsamskipti

Ég prófaði dagbókarform eða fréttaform við vefsíðuna mína. Mig langaði í tiltölulega einfalda tegund , sem gæti virkað bæði fyrir mig og aðra. Ég fann formið á Live jornual.com Ég hef nú ekki verið duglegur að færa inn (er líklega ekki nægilega meðvitaður um þennan möguleika....eða kannsi vantar bara þörfina) . Ég get læst því hverjir hafa aðgang til að skirfa þarna og valið til nokkra "vini" mína. Þeir sem svara geta notað skemmtileg tákn til að tjá tilfinningar sína og svo framv. Þegar einhver svarar fæ ég allt saman í tölvupósti og get þá brugðist við því án þess að fara inn á netið. Það er mjög þægilegt. Nokkuð auðvelt er að breyta útliti, en til þess að hafa fullkomin völd á því og fá fleiri viðbætur þarf maður að gerast áskrifandi, kostar reyndar mjög lítið. En ég mæli með live jornual fréttadagbókar-forminu..

4.1 Umræðuframlög um nýtingu í skólastarfi (úrdrættir.

Ég valdi mér þrennt til að koma með framlög um. Fyrst ber að nefna netfíkn, þá netsíur og að síðustu E-Wizard verkefni Láru Stefánsdóttur. Síðan fór ég auðvitað alveg á fullt við að svara öðrum og gera athugasemdir hjá öðrum. Framlög mín eru á Webboard.

4.2 Þátttaka í eiginlegri rannsókn

Ég ákvað að taka þátt í rannsókninni, enda þótti mér hún áhugaverð. Hinsvegar skil ég ekki hvernig marktæk niðurstaða á að nást ef svo mikil dreifing er á aldri þátttakenda, sem raun ber vitni.

5.0 Valið verkefni.

Ég hef áður í lið 1.4 sagt frá kennsluefni sem ég samdi um Mind Manager. Ég ákvað að halda áfram með það sem valverkefni. Því miður náði ég ekki að ljúka áætlunarverki mínu, en engu að síður liggja hér mikil vinna og færi ég hér upp 15 síður. Vinnan við hönnun, framsetningu og efnisval er orðin miklu meiri en 40 stundir.

Upp