Guðfinnu Emmu Sveinsdóttur
gemma@ismennt.is

Loksins verður tilbreyting í skólastarfinu. Nú á bekkurinn að fara í heimskókn á útvarpsstöð. Þar kynnið þið ykkur starfsemi stöðvarinnar. Þið eigið að velja ykkur þátt til að fylgjast með. Þar megið þið vera með 10 - 15 mínútna framlag ef heimsóknin gengur vel og þið hafið undirbúið ykkar vel. Þess vegna skiptir miklu máli að vanda undirbúning og framlag til þáttarins.

Athugið það er undir stjórnanda þáttarins komið hvort ykkar framlag verður sent út

Þú ert í 7. bekk og átt að fá að fara í starfskynningu á útvarpsstöð. Þú kynnir þér framboð íslenskra útvarpsstöðva og velur þér eina til að heimsækja. Þegar þangað er komið áttu að spyrja fólkið sem þar vinnur spurninga um allt sem snertir stöðina og vinnu þeirra. Einnig muntu fá að aðstoða við þáttagerð ef þú kemur vel fyrir, sýnir kunnáttu og færni í íslensku.

Áður en þú leggur upp í ævintýrið verður þú að vera búinn að kynna þér eftirfarandi:

Hvaða lögum þurfa útvarpsstövar að fara eftir? Hvað eru margar útvarpsstöðvar reknar á Íslandi? Höfða stövarnar allar til sama áheyrendahóps eða er munur á þeim? Hve margar eru með heimasíðu? Veldu þér eina stöð og kannaðu efni hennar. Hvernig skiptist efni hennar í afmarkaða þætti? Ályktaðu fyrir hvaða hóp fólks stöðin er ætluð. Veldu einn þátt af stöðinni þinni sem þú telur áhugaverðastur og kynntu þér hann. Útbúðu stutt framlag í þáttinn sem þú valdir á segulband. Efnið verður að vera í samræmi við efni þáttarins sem þú valdir og má taka 10 - 15 mínútur. Þú átt að halda kynningu um stöðina og framlagið þitt fyrir kennarann og bekkinn. Þess vegna áttu að búa til bækling og þáttaframlag á kasettu. Bæklingurinn á að kynna útvapsstöðina og þáttaframlagið á að vera fullfrágengið á kasettu tilbúið til flutnings.

Dagskrá útvarpsstöðva má finna í Morgunblaðinu, DV og Fréttablaðinu.

Nokkrar útvarpsstöðvar halda úti vef til að kynna strfsemi sína. Á eftirtöldum vefsíðum finnur þú upplýsingar sem hjálpa þér til að leysa verkefnin þín.

http://www.ruv.is
Á aðalsíðu Ríkisútvarpsins finnur þú hnapp sem leiðir þig að upplýsingum um dagskrá rásar 1, rásar 2 og svæðistútvarpa. Þar er einnig að finna happ sem leiðir þig að upplýsingum um útvarpsráð.

http://www.ruv.is/index.jsp.
Á þessari síðu er að finna upplýsingar um dagskrá rásar 1 og 2.

http://www.bylgjan.is/Apps/WebObjects/Utvarp.woa/wa/dp?id=1000003
Hér finnur þú upplýsingar um hvernig dagskrá Bylgjunnar er háttað í stórum dráttum.

http://www.ys.is/skrar/stod2-Man.txt
Þarna er skráð dagskrá Bylgjunnar næstu 26 daga.

http://www.ys.is/iu/iuweb.nsf/Pages/BylgjanAdal
Á þessari síðu getur þú séð framboð Bylgjunnar á efni og fræðst nánar um það.

http://www.byrja.is/fl/utvarp.html
Á þessari síðu eru margar útvarpsrásir skráðar. Því miður virka ekki allar slóðir.

http://www.byrja.is/fl/fjolmidlar.html
Á þessari síðu er yfirlit yfir fréttir og fjölmiðla.

http://www.fm957.com/dagska.asp
Hér finnur þú dagskrá FM957

http://www.althingi.is/lagas/125b/2000053.html
Á þessari síðu finnur þú lög sem Útvarpið starfar eftir.

http://www.khi.is/%7Esalvor/myndir/myndasafn.htm
Á þessari síðu finnur þú slóðir á margar myndasíður.

Matsblað fyrir nemendur til útprentunar.

1. Þú átt að vinna verkefnið með skólafélaga þínum. Kennari verður búinn að draga ykkur saman.
2. Best er að safna upplýsingum um útvarpstöðvarnar inn í Word- skjal meðan verið er að semja texta og pússa hann til.
3. Athugaðu að verkefnið myndi eina heild.
4. Þegar innihald efnisins er tilbúið er best að byrja á að hanna skjalið bæklinginn sem skila á til kennarans.
5. Myndskreyttu bæklinginn en gættu þess að hafa þær ekki of margar.
6. Skilaðu bækling til kennarans og hinna hópanna. Gættu þess að eiga eitt eintak sjálfur.
7. Fáðu kasettu og segulbandstæki hjá kennararum.
8. Skrifaðu það sem þú ætlar að segja nákvæmlega á blað og veldu tónlist sem hæfir því sem þú talar um.
9. Láttu koma fram nafn útvarpsstöðvar, rás, nafn þáttar, nafn þitt, heiti bekkjar og nafn skólans.
10. Þú verður að skrifa niður heiti tónlistarmannanna, nafn laga og tímalengd þeirra til að fara ekki fram úr þeim tíma sem þér er ætlaður.
11. Finndu stað þar sem þú færð að vera í friði og taktu upp framlag þitt í þáttinn.
12. Kynntu þér matsblaðið sem þú færð hjá kennaranum til að geta tekið þátt í mati á verkefninu þínu og annarra.