Vefleiðangur um báta og siglingar

eftir

Guðfinnu G. Guðmundsdóttur

Kynning | Verkefni| Bjargir | Ferli | Mat | Niðurstaða

Kynning

Velkomin í þennan vefleiðangur. Nú gefst ykkur tækifæri til að gerast bátasmiðir og reyna hæfni ykkar sem skipstjórar. Þið eigið að hanna ykkar eigin bát, smíða hann og taka síðan þátt í æsispennandi siglingakeppni.

Verkefni

Þátttakendur hanna litla báta og útbúa þá. Því næst þarf að finna hentugan læk og kanna hvaða bátur stendur sig best í siglingu niður eftir læknum fyrirfram ákveðna vegalengd.

Nokkrar krækjur sem fróðlegt getur verið að skoða:

Heimasíða siglingafélagsins Ýmis Kópavogi
http://www.isisport.is/felog/ymir/

Ýmsar áhugaverðar síður tengdar siglingum
http://www.toto.is/sil/annad.htm

Myndir og uppplýsingar á ensku um báta
http://www.boatshow.com/

Vefur á ensku um báta
http://www.searay.com/

Vefsíður á ensku um bátagerð
http://www.boatbuilding.com/

Vefsíða kajakklúbbsins
http://this.is/kayak/

Sportbúð Títan, myndir og fróðleikur um báta
http://www.sportbud.is/main.php3?sida=main.html&haegrival=on

1. Þátttakendur ræða verkefnið og koma með tillögur að efnivið í bátana.
   
2. Þátttakendum er skipt í hópa (3-5 í hóp) og skipaðir hópstjórar.
   
3. Hver hópur hannar og gerir teikningu af bát.
4. Hver hópur útbýr sér bát og útvegar sér langa spýtu eða stöng.
5. Hóparnir hittast og láta bátana sigla.
   
   Fulltrúar frá hópunum setja bátana á flot.
   Mikilvægt er að hóparnir komi sér saman um hvaða reglur eiga að gilda í siglingakeppninni.
   Þátttakendur skiptast á að gæta þess að þeirra bátur strandi ekki.
   Notið langa spýtu eða stöng til að losa bátinn ef hann strandar.
   Ekki má ýta bátnum áfram. Um það sér straumurinn í læknum.
   
   

Hafið þetta í huga þegar þið vinnið verkefnið:

Skoðið efni á Netinu og í bókum. Skoðið hvernig bátar eru hannaðir með það fyrir augum að þeir séu fallegir og hraðskreiðir. Mikilvægt er að bátarnir fljóti vel og séu rennilegir.

Hugmynd:

Þið gætuð nýtt þann fróðleik um báta og siglingar sem þið hafið aflað ykkur og haldið áfram á þessari braut og t.d. tekið þátt í starfi siglingaklúbbs.

Mat

Hópurinn sem á bátinn sem kemur fyrstur á áfangastað sigrar í siglingakeppninni en einnig verður gefin umsögn um hönnun og gerð bátanna og samvinnu í hópunum.

.

Niðurstaða

Markmið verkefnisins er að þátttakendur vinni saman að sameiginlegu markmiði og eigi saman ánægjulega stund úti í náttúrunni. Jafnframt er stefnt að því að vekja áhuga á siglingaíþróttinni.

Góða skemmtun.

© Guðfinna G. Guðmundsdóttir
Seinast uppfært 30.05.2001
Skilasíða

Salvör Gissurardóttir þýddi þetta snið frá The Webquest Page.