Prófun

Prófun/umræða um verkfæri

Ég prófaði ýmis verkfæri og tók þátt í umræðum á vefráðstefnu Webboard. Fyrst fór fram athugun á lýsigögnum og leitarvélum.

Eftir að hafa prófað nokkrar vélar og tekið þátt í umræðunum hef ég aðallega notast við goggle.com og leit.is.

Við vefsíðugerð á námskeiðinu hef ég aðallega notað forritin Dreamweaver og FireWorks. Sýnismöppuna vann ég í FrontPage og einnig gerði ég tilraunir með myndvinnslu í PhotoShop.

Ég fékk mér vefsvæði á Geocities og bjó til einfalda vefsíðu með þeim verkfærum sem þar er boðið upp á. Slóðin er http://www.geocities.com/alfaheidi/index.html.

Hjá Geocities fékk ég mér teljara og gestabók. Þér er velkomið að senda mér skilaboð eða skoða gestabókina.

Ég skoðaði og prófaði þau verkfæri til námsefnisgerðar sem boðið er upp á hjá Hot Potatoes og hef hug á að nýta mér þau við gerð kennsluefnis.

Ég fékk lánaða stafræna myndavél í gagnasmiðju KHÍ og tók myndir sem ég hef síðan verið að vinna með. Myndirnar er að finna í verkefnunum sem ég hef verið að vinna og m.a. bjó ég til myndaalbúm.

Ég skoðaði og prófaði Napster og leist vel á.

Þarfagreiningu á vef vann ég í samvinnu við þær Guðfinnu Emmu og Oddnýju. Við hittumst og skoðuðum nokkra vefi, völdum síðan kennari.is og sendum eftirfarandi bréf á vefráðstefnuna:

Heil og sæl

Við ákváðum að skoða vefinn kennari.is, sem kennarar í leit að verkfærum til námsefnisgerðar á vef.

Útlit upphafssíðu vefsins er mjög smekklegt, einfalt og stílhreint. Hæfilega mikið er á síðunni og hún rúmast vel á skjánum. Hægt er að stækka letrið sem er helst til smátt fyrir sjóndapra. Letrið er Times New Roman, sem er ekki nógu læsilegt, að okka mati.
Á upphafssíðu er krækja beint í verkfæri.

Með einum smelli vorum við komnar á verkfærasíðuna en þar þurftum við að skruna niður til að fá yfirlit yfir þau verkfæri sem í boði eru. Siðurnar voru fljótar að koma upp.

Það kemur greinilega fram, efst á síðu, hver er höfundur og rétthafi vefsins. Letur er Times New Roman og í töflu má sjá það skáletrað, sem okkur hugnast ekki. Vefurinn er nýlegur sem kemur fram í kynningu höfundar á vefnum en margar síður eru án dagsetninga.

Krækjur virka vel og komumst við eftir skrunið á síðu HotPotatos þar sem verkfærin eru kynnt. Einnig hefur höfundur útbúið íslenska leiðbeiningasíðu fyrir byrjendur um notkun á HotPotatos.

Okkur lýst vel á þennan vef og hyggjumst sækja þangað upplýsingar í framtíðinni.

Guðfinna G., Guðfinna E. og Oddný.

EFST Á SÍÐU