| Áhugi
minn á upplýsinga- og tölvutækni vaknaði
fyrir alvöru þegar ég fór á ráðstefnuna
UT2002 fyrir ári
síðan. Áður hafði ég verið
að velta fyrir mér framhaldsnámi í kennslufræði
fyrir yngri börn en eftir ráðstefnuna var ég
ákveðin í að sækja um í nám
tölvu- og upplýsingatækni
í framhaldsdeild KHÍ. Hóf ég námið
haustið 2002. |
| Ég
kynntist tölvum fyrst á námsárum mínum
í Háskólanum í
Lundi í Svíþjóð kringum 1980.
Þá sem tækis til að vinna úr upplýsingum
úr könnun. |
| Þegar
ég byrjaði að kenna í
Laugarnesskóla haustið 1986 voru engar tölvur
í skólanum, nema hjá ritara og skólastjórnendum.
Fljótlega eignaðist skólinn eina PC tölvu
sem hægt var að rúlla á milli stofa. Í
einu þemaverkefni fékk ég það hlutverk
að sjá um að ritstýra nemendum sem vildu skrifa
fréttablað um tónlist. Þetta var mjög
skemmtilegt verkefni og voru nemendur svo áhugasamir að
sumir voru í heilsdagsvinnu í skólanum alla
dagana, þó þeir ættu að vera hálfan
dag í þessu vali. Í mínum huga er þetta
verkefni sem byggist á kenningum hugsmíðahyggjunnar.
|
| Frá
árinu 1990 hef ég kennt í Hamraskóla
í Grafarvogi. Hef ég allan minn kennsluferil unnið
aðallega sem bekkjarkennari í 1.-7.bekk nema í
vetur starfa ég eingöngu sem tölvukennari. |
| Í
Hamraskóla komu tölvur mjög seint og var það
fyrst á síðasta ári sem bekkjarkennarar
voru með tölvur í stofum sínum og voru áður
oftast tvær tölvur til umráða fyrir kennara
til undirbúnings. Var því allur tölvuundirbúningur
að meira eða minna leyti háður tölvueign
kennara á heimilum sínum. |
| Tölvuver
í skólanum hefur verið í nokkur ár
en hefur það virkað illa á tímabilum
þar sem oftast vantaði einhvern tæknimenntaðan
í skólann til að sjá um tölvurnar.
Leiddi þetta til að kennarar forðuðust að
fara með bekki í tölvustofuna. |
| Ofantalið
er ástæða þess að mín reynsla
af UT og kennslu er ekki ýkjamikil. Ég byrjaði
þó fyrir alvöru að sinna þessari kennslu
á síðasta ári þar sem ég kenndi
7.bekk á tölvur og fór reglulega í tölvustofuna
með báða 1.bekkina og þá sem umsjónarkennari
annars hópsins. Einnig notaði ég þessa einu
tölvu sem var í kennslustofunni fyrir nemendur. |
| Í
ár sé ég um tölvukennslu fyrir 3. - 10.bekk
að undanskyldum 9.bekk sem er í tölvuvali hjá
öðrum kennara. |
| Mitt
áhugasvið í UT tengist hugsmíðahyggjunni
og er að gera kennsluna sem mest raunverulega fyrir nemendurna
og vera með verkefni þar sem nemendur fara á flug
í að vinna. Ég sé fyrir mér að
ég verði frekar til aðstoðar í stærri
verkefnum en að ég sé að kenna tækniatriði
sérstaklega. Ég hef haft mikinn áhuga á
söguaðferðinni
og vil reyna eins og kostur er að nota þá hugsun
sem þar er í kennslu UT. Sé ég fyrir
mér að tölvukennari, bókasafnskennari og
bekkjarkennari vinni saman að stærri verkefnum. Dæmi
um það er vefleiðangur
sem ég er að hanna. Til að þetta geti orðið
raunverulegt þarf að brjóta stundatöflu mína
upp. þannig að ég geti unnið með sama bekk
í t.d. sex kennslustundir í viku. |
| Annað
stórt áhugamál hjá mér er að
nýta mér þá samskiptamöguleika sem
bjóðast með hinum ýmsu skólanetum og
upplýsingaveitum eins og t.d. menntagáttinni,
norræna skólanetinu, evrópska
skólanetnu, kidlink
og fleiri slíkum vefsíðum. Á þessu
sviði hef ég litla reynslu en er að reyna að
kynna mér þetta. Þarna sé ég fyrir
mér marga samvinnumöguleika bæði fyrir mig
sem kennara og fyrir nemendur. Á netinu er hafsjór
af fróðleik og tækifærum sem bíða
handan við hornið. |
| Þriðja
áhugamálið er að nýta netið til
fjarkennslu. Þessu hef ég verið að kynnast
í vetur í námi mínu í tölvu-
og upplýsingatækni og eins voru margir fyrirlestrar
um þetta efni á UT2003.
Þetta finnst mér í raun og veru vera framtíðin. |
| Að
lokum þá er það margmiðlun, hvernig maður
vinnur margmiðlunarverkefni og nýtir tæknina við
gerð kennsluefnis. |
