Skólanet

Hvaða gagn geta kennarar haft af norræna og evrópska skólanetinu? (Fyrirlesari Björn Sigurðsson)

Kynning
Kynntir verða möguleikar sem norræna skólanetið odin.dk og evrópska skólanetið eun.org bjóða upp á, t.d. hvað varðar erlent samstarf og aðgang að námsefni. Einnig verður sagt frá áhugaverðum verkefnum sem tengjast skólanetunum, svo sem eSchola.

Evrópska skólanetið var stofnað árið 1997 og er styrkt af 22 ráðuneytum ýmissa Evrópuþjóða, auk Evrópubandalagsins og stofnana í einkaeign. Íslenska menntamálaráðuneytið er styrktaraðili. Við fyrstu yfirsýn virkar evrópska skólanetið fráhrindandi og það tekur tíma að átta sig á möguleikum þess.

Helstu verkefni skólanetsins eru:

eSchoolnet er upplýsinganet fyrir kennara þar sem kennarar geta fundið verkefni, komist í samband við aðra kennara og fengið upplýsingar varðandi menntamál.

Virtual School flokkar efni í 20 námsgreinar. Hér er hægt að fá ókeypis forrit og umsögn um þau frá kennurum sem hafa prófað þau, upplýsingar og tilvísanir í efni á neti. Þessi síða er uppfærð reglulega.

myEUROPE er net sem samanstendur af yfir 1500 skólum þar sem ýmis verkefni eru í gangi. Skólar geta skráð á póstlista og tekið þátt í þessum verkefnum og mælti Björn með því ef við viljum komast í erlend samskipti.

ComeniusSpace er sérstakur vettvangur fyrir þá sem vinna að Comenius verkefnum

Spring Day in Europe þarna geta nemendur komið að stjórnarskrá Evrópu og skólum er hjálpað við að skipuleggja viðburði til að auka umræður. Einkum ætlað 14-19 ára.

eSchola er árlegur viðburður sem stendur frá 7.apríl – 9. maí. Í tengslum við eSchola gefst kennurum tækifæri til að taka þátt í samkeppni milli UT verkefna sem kennarar hafa samið. Við skráum okkur á netið og sendum inn upplýsingar um verkefnið í stuttu máli til að vera með. Við erum hvött til að taka þátt. Upplýsingar um þetta eru á menntagatt.is

Young Consumer samkeppni þar sem áherslan er lögð á neytendamál. Ætlað nemendum og kennurum þeirra í primary and secundary schools.

eXplora Samkeppni fyrirnemendahópa í framhaldsskólum sem búa til vefi fyrir jafnaldra sína.

ENIS er sérstakt net frumkvöðla í upplýsingatækni. Sett eru ákveðin skilyrði fyrir því að skólar geti orðið frumkvöðlaskólar. Á Íslandi eru 8 ENIS skólar sem verið er að fjölga en samanlagt eru um 400 þátttakendur í Evrópu.

ETP er vísir að evrópskri menntagátt. Efnið er lýsigagnaskráð og eru lýsigagnaskrár tengdar saman.

safe er svæði þar sem fjallað er um öryggi á netinu.

Green Week er ráðstefna og sýning um umhverfismál þar sem skólum er boðin þátttaka. Er 2.-6.júní 2003.

Valnet er verkefni sem miðar að því að þróa og meta námsefni, námsumhverfi og skóla framtíðarinnar.

Evrópska skólanetið gefur út fréttabréf, sem hægt er að fá í áskrift og fá gegnum tölvupóst. Einnig er hægt að fá upplýsingar á enis.org og menntagatt.is.

Þegar hér var komið sögu var fyrirlestrartíminn úti. Björn minntist aðeins á norræna skólanerið odin.dk síðustu 4 mínúturnar. Kom fram að odin.dk vefurinn verður opnaður aftur í vor eða sumar nýr og endurbættur. Þar vildi hann benta á kontaktgalleriet, þar sem kennarar/nemendur geta átt samskipti við aðra kennara/nemendur og ókeypis svæði fyrir samvinnuverkefni á netinu. Einnig var barnabókasafnið bibbi, sem er líka á íslensku. Ýmis þemu eru í gangi, t.d. einelti tungumál, Norðurlönd, margmiðlun, forrit, leiðbeiningar o. fl. tímaritið Skolen í Norden og vönduð krækjusöfn. Þessi vefur er aðgengilegur og mæli ég með að áhugasamir skoði hann.

Sarepta er vefur á vegum Norsku geimmiðstöðvarinnar og landsmiðstöðvar um fræslu sem tengist geimnum. Þarna má m.a. finna efni sem þýtt hefur verið á íslensku. Björn náði því ekki að fjalla um þennan vef. Hann gat aðeins látið okkur frá dreifirit um hann.

Þessi fyrirlestur var mjög góður og athyglisverður. Ég tel að opnir skólavefir og samvinnuverkefni eigi eftir að hafa mikil áhrif á skólastarf framtíðarinnar. Nú er loksins búið að opna fyrir það að kennarar geti miðlað sínum verkefnum og lært hver af öðrum. Ég held að þetta auki mjög gæði kennslunnar og hjálpi áhugasömum kennurum að verða enn betri kennarar. Það er svo sannarlega kominn tími til að kennarar þurfi ekki hver í sínu horni að finna upp hjólið. Fyrirlestrartíminn var allt of stuttur fyrir svo stórt verkefni. Björn átti eftir að kynna fullt af efni þegar tíminn var úti. Vonandi gefst tími síðar til að fræðast meira um þetta. Einnig er að sjálfsögðu gott að skoða vefina sjálfur. Langar mig að benda á einn vef til viðbótar sem ekki er nefndur hér KIDLINK.