Af stæltum kletti
hrökk brimhagl
úr byssu stormsins
Lágfleygur bjargfugl
slapp naumlega
úr háfi brimsins
Eftir kylfuhögg stormsins
slægði ströndin
vaðandi öldurnar
Og brimið sveif hvítur sjófugl
um svartar borgir
Vágestur reyndist stormurinn
í dúnhreiðri öldunnar
Svart brim
seildist með vængjaþyt
eftir blárri ströndinni
Á þverhníptu bjargi brast
í hnúa brimsins
Blóðrisa engdust ölduhryggirnir
í klóm vindsins
Löðrið á svífandi stökki
um syllur bjargsins
Yfir óðfluga brimróti
dunaði
súgur skýjanna
Ég þeytti steinvölum gegn hafinu
og kolblá aldan brimaði hvítum laufum
sem stormurinn feykti sem skýslitrum
yfir þaninn himininn
Nemendaskipti
MENNTASKÓLANS Í REYKJAVÍK &
EXTERNAT DES ENFANTS NANTAIS
Gunnar Harðarson fæddist 15 ágúst 1954. Eftir að hafa hlotið doktorsnafnbót í heimspeki frá Sorbonne, hann kenndi við Háskóla Íslands, og árið 2000 við hinn nýstofnaða Listaháskóla Íslands. 1985 stofnaði Gunnar bókmenntatímaritið Teningur og var ritstjóri þess til ársins 2000. Á árunum 1980 til 2000 gaf hann út fimm ljóðasöfn, sem voru flest afar minimalísk, (sum jafnvel örfá bréfsnifsi í umslagi). Hann gaf út sína fyrstu bók árið 2000.
