Markmið verkefnisins sbr. aðalnámsskrá

Útbúin er bók fyrir bekkinn sem verður nokkurs konar bekkjardagbók í stærðfræði. Þar safna nemendur saman upplifun sinni af stærðfræði úr daglega lífinu. Aðaltilgangur með þessu verkefni er að nemendur sjái hvað stærðfræðin er stór hluti af okkar daglega lífi, fá þau til að  rannsaka og bera niðurstöður saman við niðurstöður samstarfsbekkjar og að lokum að fá foreldra með í umræðuna.

Framkvæmd verkefnisins gæti verið eftirfarandi:

•  Hver nemandi fer heim með stærðfræðidagbókina í einn dag á meðan á verkefninu stendur. Hann skráir með aðstoð fjölskyldunnar alla þá atburði þar sem hann og fjölskylda hans notaði stærðfræði þennan dag. Nemandi segir frá í orðum og reynir einnig að túlka verkefnið með stærðfræðitáknum þ.e.  og/eða með skýringamyndum. Búast má við að ýmsar spurningar vakni um hvað beri að skrá.  Okkar tillaga er að leggja ekki fastmótaðar línur um hvað sé skráð. 
  
  
• Athuga verður að flokkarnir verði ekki of margir vegna samanburðarins við samstarfsbekkinn. 
  
  
• Þegar nemendur eru allir búnir að fara með bókina heim eru niðurstöðurnar teknar saman. Ahugaður er fjöldi tilvika í hverjum flokki. Hvar notum við stærðfræði mest í okkar daglega lífi?  Niðurstöður bekkjarins eru settar upp á myndrænan hátt t.d. í kökuriti í Excel.  Þarna er upplagt tækifæri  að fjalla um hlutföll og prósentur.
  
  
• Í lokin gera nemendur skýrslur yfir notkun bekkjarins á stærðfræði í sínu daglega lífi. Þar segja þau í stuttu máli frá þessu verkefni og skila niðurstöðum eins og alvöru rannsóknarmenn. 
  
  
• Þessar skýrslur eru settar inn á Miðstöð þar sem samstarfsbekkurinn getur nálgast  þær.

• Samskiptin í þessu verkefni felast í því að bera saman niðurstöður samstarfsbekkjanna. Nemendur skoða niðurstöðurnar og ræða þær. Nemendur semja svo greinagerð um muninn á niðurstöðum bekkjanna og hugsanlegum ástæðum fyrir þessum mun.
  Hver er ástæða fyrir því að fjöldi t.d. í flokknum um mælingar er meiri/minni hjá okkur? Voru mörg heimili að skipta um gardínur eða mála hjá sér?  Eða var annar bekkurinn duglegur við að baka á meðan á verkefninu stóð? Var kannski verið að ferma einhvern í fjölskyldunni?