Markmið með Dagbókinni

Með þessu verkefni eru nemendur að vinna við:

að tengja stærðfræðinámið við daglegt líf fjölskyldunnar
að tjá sig skriflega um stærðfræðileg efni
að rannsaka og skila niðurstöðu
að skila niðurstöðum myndrænu formi og kynnast hlutföllum milli stærða
tölvuvinnslu bæði textasmíð og töflureikni

Í þessu verkefni eru nemendur fyrst og fremst að tengja stærðfræðinámið við daglegt líf. Eftir að hafa farið í gegnum þetta verkefni eiga þeir að geta gert sér betur grein fyrir hvað við notum stærðfræðina mikið og oft ómeðvitað.

Um þetta atriði segir m.a. á bls. 26 í aðalnámskrá í stærðfræði:

"Frá unga aldri nota börn stærðfræði, jafnt í leik sem í daglegu lífi. Æskilegt er að tengja þessa notkun barna á stærðfræði við námið í skólanum. Í stærðfræðináminu þurfa nemendur að fá að þróa skilning sinn á stærðfræðihugtökum með því að fást við viðfangsefni sem tengjast daglegum veruleika þeirra og hafa merkingu fyrir þá sjálfa."

Markmið með þessari upplýsingaöflun innan veggja heimilisins er líka það að skapa umræðu innan fjölskyldunnar og fá foreldra til að vera öflugri þátttakendur í skólastarfinu.

Nemendur flokka það sem þau safna og útbúa myndrit sem sýnir hlutföll hvers flokks af heildarsöfnuninni. Markmið með þessu er að þau kynnist sambandinu milli hluta og heildar um leið og þau kynnast því hve auðvelt er að gera myndrit með hjálp tölvuforrita. Um þessi atriði er fjallað bæði í námskrá í stærðfræði og námskrá í upplýsinga- og tæknimennt.

Í aðalnámskrá í stærðfræði á bls. 26 og bls. 30 segir:

Við lok náms í 4. bekk á nemandi að

gera sér grein fyrir því hvernig hægt er að nota stærðfræði í daglegu lífi og á öðrum sviðum, nánar tiltekið
- geta leyst verkefni daglegs lífs með aðferðum
stærðfræðinnar
- geta sett stærðfræðileg hugtök í samband við
hversdagslega hluti til að gera þau skiljanlegri
- hafa kynnst notagildi stærðfræði í verslun og
handverki og til að lýsa og skýra fyrirbæri í
náttúrunni og daglegu lífi

hafa kynnst hlutföllum milli stærða og geta notað þau við lausnir einfaldra hagnýtra verkefna, nánar tiltekið
- geta notað hugtökin tvöfalt, þrefalt, fjórfalt ... og
helmingur, þriðjungur, fjórðungur ... bæði í
sambandi við tölur og aðrar stærðir, t.d. lengd
strika- geta metið hvort tiltekin stærð er stór eða
lítill hluti af heild

Í námskrá í upplýsinga- og tæknimennt segir bls 13:

Lokamarkmið tölvunotkunar í grunnskóla

Nemandi
- venjist því að nota upplýsingatækni til
framsetningar á efni, bæði prentuðu og á
rafrænu formi
- hafi notað tölvusamskipti í markvissum tilgangi
- hafi notað myndræna framsetningu á tölvutæku
efni