Ráðstefnukerfið sem notað er í verkefninu köllum við Miðstöð. Enska heitið á því er Webboard. Miðstöð er sá staður sem öll umræða um verkefnin fer fram og þar getur þú skoðað það sem er í gangi hverju sinni og séð afraksturinn.   Á Miðstöðina setur þú inn ósk um að taka þátt í ákveðnu verkefni.  Þú getur einnig séð hverjir hafa skráð sig og í hvaða verkefnum þeir ætla að taka þátt.

Á kennarastofunni í Miðstöðinni er hægt að spjalla saman um verkefnin á meðan þau standa yfir og senda inn spurningar og segja frá framvindu mála, skila inn gögnum til annarra og að lokum senda þangað niðurstöður sem html skjal þar sem aðrir geta séð afraksturinn.

Nemendur nota einnig Miðstöðina til að spjalla saman og taka á móti og koma frá sér upplýsingum í sambandi við verkefnavinnuna. Það gera þeir á ráðstefnum undir viðkomandi verkefni.