Nemendum kynnt verkefnið og hvaða
bekkur ætlar að taka þátt í
verkefninu með þeim. Þeir
fá að fara inn á Miðstöðina og kynna sig og lesa það sem hinir eru búnir að
setja inn.
Nemendur hafa sem heimaverkefni að koma með 20 nöfn. Hvert
nafn er skrifað á lítinn miða . Nöfnin eiga að vera úr fjölskyldu nemanda.
Nöfnin eru tekin saman og fundið er út hvað hvert nafn
kemur oft fyrir. Þetta er auðvelt þegar spjöldunum er raðað t.d. í stafrófsröð.
Kennari varpar fram spurningum og
nemendur koma með tillögur:
- Ætli þessar niðurstöður bekkjarins segi
okkur eitthvað um algengustu nöfn á Íslandi?
- Ætli eitthvert nafn
sé algengara í einum landshluta en öðrum?
-
Hvað ætli þurfi að spyrja marga
Íslendinga til að fá vitneskju um algengasta nafn á Íslandi ?
-
Ætli algengasta nafn á Íslandi í dag hafi líka verið algengast fyrir 10 árum, 40
árum?
-
Hvaða niðurstöður ætli samstarfsbekkurinn fái?
-
Hvar ætli við getum fengið upplýsingar um algengasta nafn á Íslandi? (T.d.
Hagstofa Íslands)
- Ætli
algengasta nafnið á Íslandi
sé til í öðrum löndum? Er
það stafsett eins?
- Eru
margir sem heita aðeins einu nafni?
Nemendur búa til myndrit
(súlurit) í Excel
yfir hversu oft 5-10 algengustu nöfn í fjölskyldu bekkjarins komu fyrir. Sjá kennslusíðu um myndrit.
Nemendur geyma myndritið sem html-skjal og setja tengingu út á
Miðstöð eða myndritið er sett út á heimasíðu.
Nemendur skoða niðurstöður samstarfsbekkjarins og unnið er út frá
ofangreinum spurningum ásamt fleiri spurningum sem
kunna að vakna við umræður og vinnu verkefnisins.
|
