Námsmat

Þegar verkefni lýkur er gert ráð fyrir að hver nemandi fái skriflega umsögn frá kennara. Fylgst er með vinnu nemenda á meðan á verkefni stendur og hún metin ásamt lokaafrakstri.

Símat:
Safna skal markvisst upplýsingum um vinnu og frammistöðu hvers nemenda á meðan á vinnu við verkefni stendur. Gott er fyrir kennara að hafa einhvers konar gátlista við hendina. Atriði á þessum gátlista eru t.d.
- þátttaka nemanda í hópvinnu
- samskipti nemanda við aðra hópmeðlimi
- samvinna í ákvarðanatöku
- röksemdafærsla
- viðhorf nemenda til verkefnis

Á vefsíðu dr. Ingvars Sigurgeirssonar er að finna hugmyndabanka fyrir mat á skólastarfi.

Sjálfsmat:
Við teljum einnig rétt að nemendur meti sjálfir hvernig þeim hefur tekist til. Þetta er mögulegt annaðhvort með því að leggja stuttan spurningalista fyrir nemendur eða að kennari hefur stutt viðtal við nemanda.

Lokamat:
Í lokin er afrakstur verkefnisins skoðaður og metinn. Skoðaður er frágangur og framsetning efnis og lokafurðin allt eftir eðli hvers verkefnis.