Helstu markmið með þessu verkefni er að:

• nemendur tengi stærðfræðitákn við ritað mál

• nemendur sjái að hægt er að búa til mörg mismunandi orðadæmi eftir sama stærðfræðidæmi

• nemendur fái samanburð á sams konar vinnu frá nemendum úr öðrum skólum

• nemendur noti upplýsingatækni við að koma afrakstri sínum á framfæri við aðra

Eins og segir í aðalnámsskrá í stærðfræði bls. 57  í kaflanum um áfangamarkmið við lok 7. bekkjar:

”Stærðfræði er í eðli sínu tungumál og miðill hugmynda.  Það er því mikilvægt að nemendur nái valdi á máli stærðfræðinnar til að skilja hugmyndir og geta miðlað þeim…..”

"Við allt nám er það mikilvæg krafa að nemendur komi hugmyndum sínum í skiljanlegan búning og gæti nákvæmni í málnotkun.  Vönduð meðferð máls er mikilvæg þegar rætt er og ritað um stærðfræðileg efni ekki síður en önnur efni.  Liður í að þjálfa nemendur í að skilja hvað þeir eru að gera er að deila skilningnum með öðrum og hlusta á hugmyndir annarra.  Við það skerpist og agast hugsun nemandans sjálfs og skilningurinn dýpkar.”