- Hefur þú einhvern tíma velt
því fyrir þér til hvers tölur eru? Gætum við kannski lifað án
þeirra? Hvar eru þær notaðar? Er hægt að nota allar
tölur alls staðar, bæði háar og lágar? Við skulum athuga
málið.
- Nú átt þú ásamt bekkjarfélögum
þínum að safna tölum í heila viku og útbúa stóran TALNASARP.
Þú skrifar niður á 10 miða hvar tölur eru notaðar og til hvers
er verið að nota þær eða hvað þær eiga að tákna. Eitt tilvik
á hvern miða. Miðunum er safnað alla vikuna á einn stað í
TALNASARP bekkjarins. Síðan vinna allir saman að því að
rannsaka innihald sarpsins nánar.
- Þá er komið að því að
flokka innihald sarpsins. Þið vinnið saman í hópum og
kennarinn skiptir miðum úr talnasarpinum á hvern hóp. Hver hópur
reynir að flokka miðana eftir því hvernig verið er að nota tölurnar.
Þið þurfið að lesa hvern miða og reyna að sjá út hvar er verið
að nota tölurnar t.d. til að raða, mæla, tákna fjölda einhvers
o.s.frv. Búið til "nafn" á hvern flokk eða útskýringu
á af hverju þið flokkið eins og þið gerið. Reynið að
nota "nöfn" sem lýsa því hvernig tölurnar eru notaðar.
- Þegar búið er að flokka gögnin
er komið að því að segja hinum hópunum í bekknum frá því
hvernig þið flokkuðuð og þarf að undirbúa það vel. Það sem
þarf að koma skýrt fram í kynningunni eru nöfn flokkanna og af
hverju þið flokkuðuð svona eins og þið gerðuð.
- Nú þurfa hóparnir að koma sér
saman um flokkun á miðunum. Síðan sendið þið
þessa flokkun inn á Miðstöðina
inn á hólfið Talnasarpurinn, merkt "Flokkun frá (nafn á
bekknum)".
- Nú skuluð þið athuga hvernig
krakkarnir í samstarfsbekknum hafa flokkað. Er sú flokkun frábrugðin
ykkar flokkun? Hvernig? Ræðið málin í bekknum og
sendið fyrirspurnir inn á Talnasarpshólfið á Miðstöðinni ef þið
þurfið.
Að lokum útbýr hver hópur „TALNA-ÖRSÖGU" sem kennarinn
segir nánar frá. Þessa sögu á svo að senda inn á Miðstöðina
og samstarfsbekkurinn sendir lausn til baka. Þið glímið síðan
við sögur samstarfsbekkjarins og sendið svörin um hæl.
|
|
