Hugtakið "þrautalausnir" er í þessum vef notað um viðfangsefni sem krefjast ákveðinna leiða í námi.  Á það bæði við um innihald viðfangsefnanna og þær vinnuaðferðir sem notaðar eru við að glíma við þau.
ÞRAUTALAUSNIR-  þýðir að verkefnin verða að bjóða upp á ákveðna eiginleika sem reyna á nemendur í vinnuferlinu.  Sem dæmi um slíkt getur þessi upptalning hjálpað við val á viðfangsefnum.

• Þrautir sem sækja viðfangsefni sitt í aðrar námsgreinar, daglegt líf nemenda eða annað umvherfi.
• Þrautir sem reyna á ýmsa þætti innan stærðfræðinnar: úr mismunandi talnamengjum, með breytilegum fjölda, þyngd, rúmfangi, hitastigi, lengd, verði, hraða, tíma og mismunandi einingatáknun g., kg., liter, m., kr., og ár
• Þrautir þar sem nemendur beita vasareikni, hugarreikningi, formúlum og jöfnureikningi.
• Þrautir sem bjóða upp á mismunandi framsetningar þegar kemur að birtingu lausna, þ.e. með teikningum, "fígúrum", töflum og gröfum.
• Þrautir sem bjóða upp á fjölbreyttar leiðir (aðferðir) við úrlausnir.
• Þrautir sem birtar eru  á mismunandi hátt, þ.e. með mismunandi orðalagi, mislöngum texta, munnlega, með og án mynda, textum sem innihalda mikið af upplýsingum og þrautir þar sem vantar upplýsingar.
• Þrautir sem bjóða upp á fleiri en eina niðurstöðu eða þar sem ekki er
  hægt að komast að niðurstöðu.
• Þrautir sem taka mislangan tíma í vinnslu. (Lausleg þýðing úr bókinni "Matematik ett kommunikationsämne" sem gefin var út af Nämnaren í Gautaborgarháskóla 1996).