nam2

Vefleiðangur
Námsefni ætlað kennaranemum í KHÍ, 3. misseri

Kynning

Salvör Gissurardóttir lektor kynnti vefleiðangra eða Webquest eins og þetta fyrirbæri heitir á ensku fyrst hér á landi.
Þessi uppsetning á kennsluvef er afar vinsæl hjá stórum hópi kennara. Menn hafa séð að hér er á ferðinni ný kennsluaðferð. Hún byggist fyrst og fremst á því að kennari hafi aðgang að tölvuveri og geti farið með nemendur sína þangað.

Áður en þangað er haldið hefur kennari búið til vefsíðu sem kallast "Vefleiðangur", kallast einnig Webquest eða webqnemi. Á síðunni eru svo m.a. ýmis verkefni sem eru ætluð nemendum. Verkefnin vinna þeir í tölvuveri skólans.

Sé vefleiðangurinn vel saminn og með góðum tengingum í ýmsar upplýsingaveitur má gera ráð fyrir að verkefnið verði skemmtilegt og nemendur læri af verkefnavinnunni það sem til var ætlast!

Athugun

Athugum þetta nánar: Hér er hægt að skoða dæmigerða Fyrirmynd að Vefleiðangri.
Þarna sjáum við hver hugmyndin er og hvernig má búa til góða kennslusíðu. Sumir kennarar nota einnig í Vefleiðangri eða jafnframt honum, möguleikann um gagnvirkt próf sem Ísmennt býður upp á.

Bjargir

Við förum ekkert í þá hluti núna hvernig á að búa til slík próf enda er tími okkar naumur. En það er ástæða til að þekkja slóðina að þessum möguleika. Hann er hér. Sjáðu einnig hvað Ísmennt hefur upp á að bjóða. Þjónustan er góð og tengingar eru út um allar jarðir og nýtast kennurum og skólum fyrst og fremst.

Nemendur mínir í Kennaraháskólanum áttu að skila vefleiðöngrum. Hér fyrir neðan má sjá hverju þeir skiluðu. Rétt er að vekja athygli á að ég hafði ekki kennt þeim vefsíðugerð áður en verkefnið var unnið. Sjáið hér!

Fleiri vefleiðangrar: Upplýsingatækni og skólastarf, Lífsleikni, Landafræði, Þingvellir, Handverk,
Skapandi skrif, Árstíðirnar, Bernskan, Handgerður pappír, Íslenska, Vefleiðangrar (Salvör).

Ferli

Notaðu nú tímann til að kynna þér Vefleiðangra og hvernig þeir eru settir upp (sjá hér fyrir ofan). Þú munt vafalítið verða ein(n) þeirra sem notar slíkt í kennslu.

Með prófamöguleika Ísmenntar er svo hægt að láta nemendur taka próf í tölvuveri. Vélin fer sjálfkrafa yfir svörin og gefur einkunn!
Hér eru tengingar í fleiri vefleiðangra.Notaðu tímann til að skoða þá! Salvör Gissurardóttir lektor safnaði þeim saman. Síðar þarftu að skipuleggja vefleiðangur og búa hann til.

Webboard

Næstu kennslustundir verða notaðar til að kynnast Webboard eða Vefráðstefnukerfi. Kerfið notum við svo til samskipta, þið innbyrðis og svo til samskipta við mig. Þið skilið m.a. verkefnum inn á webboard. Við skulum skoða þetta og læra að nota það! Nú lærum við á þetta samskiptaform sem er í sjálfu sér einfalt. Vona að ykkur gangi vel með þetta!

Leit

Seinna í vikunni rifjum við upp kunnáttu í að leita á neti. Förum þá m.a. betur í stýfða leit og Boolean leit.

Höfundur: Gylfi Guðmundsson

Senda bréf til gylfa