Lífið í heitu landi

Verkefni ætlað 5-6. bekk

Eftir

Ragnhildi Þorsteinsdóttur

Kynning:

Þið hafið unnið ferð til Afríku (ímyndað). Þið megið ráða hvaða land þið farið til í Afríku. Þið ætlið að kynnast landi, menningu og þjóð. Það er mikilvægt að kynnast landi jafn ólíku og Íslandi og hugsa aðeins um hversu ólíkir heimar þetta eru. Hvað viljum við sjá í Afríku? Hvert er stærsta fjallið? Hvað gerir fólkið ? Þjóðgarðar hvað er það? Þið munuð leitast við að kynnast sem bestu um lífið í Afríku á ykkar hátt. Afríka er áhugaverð að rannsaka, nýtum tækifærið. Góða skemmtun!!

Verkefni:

Þið byrjið á því að velja ykkur land í Afríku.

Aflið ykkur upplýsingar um landið, allt sem þið getið nýtt ykkur s.s myndir, póstkort, bækur, tónlist myndbönd og fleira

Síðan vinnið þið út frá upplýsingunum sem þið hafið og búið til kynningarfund um landið sem þið völduð, þið eruð kynningarfulltrúar fyrir landið sem þið völduð.

Notið hugmyndarflug ykkar.

Bjargir:

Ýmsar bækur eru notaðar til að fá sem mestu og bestu upplýsingar:

Lífið í heitu landi –Tansanía

Afríkudætur

Suður-Afríka

Dýrin í Afríku

Landabréfabækur

Myndaatlas Iðunnar

Alfræði unga fólksins

Lönd og lýðir – Afríka sunnan Sahara

Gott að nýta dagblöðin, ýmsar greinar geta verið þar um Afríku.

Myndbönd eru einnig mikilvægur miðill má nefna:

Börn í Kenýa

Áin sem þornaði upp

Landið Afríka

Landið Nambibía

Það er líka heilmikið að finna á Internetinu.

Bendi á ALTAVISTA leitarvélina. Slá inn Afríka og landið sem þið völduð t.d Tansanía, Kenya.

Ýmis tónlist er frá Afríku sem má nefna fræga afríska söngkonu Angelique Kidjo.

Ferli:

Við upphaf verkefnisins gerið þið svokallað “heilarok” þar kemur fram hvað þið vilja vita um Afríku.( munið að skrifa allt sem ykkur dettur í hug). Síðan vinnið þið út frá þeim hugmyndum.

En meginspurningunum sem þið þurfið að svara er:

Hvernig eru lífshættir fólksins?

Hvaða dýr lifa í Afríku?

Hvernig er gróðurinn?

Hvernig er veðrið?

Hvaða tungumál er talað?

Áhugaverðir staðir

Þið vinnið í hópum ca 2-4 í hóp.

Þið safnið öllum ykkar upplýsingum og þeim verkefnum sem þið gerið því þið munið eftir kynningafundinum ykkar í lok verkefnsins.

Mat:

Kynningarfundurinn ykkar er metin til einkunnar ásamt því hvernig samvinna gekk í hópunum.

Niðurstaða:

Af þessu verkefni má fá betri innsýn inn í líf fólks í heitu landi ásamt fræðslu um landið og menningu þeirra. Það mikilvægt að dýpka og víkka sjóndeildarhring sinn og kynnast öðrum menningarheimum ekki satt. Þið hafið líka lært að hægt er að finna upplýsingar á mörgum stöðum og það eru miklu fleiri upplýsingar til en þær sem ég nefni. Internetið er hafsjór af upplýsingum verið því dugleg að leita.

Síðast uppfært 15. nóvember 1999

Bestu kveðjur

Ragnhildur Þorsteinsdóttir