NÁTTÚRUMINJAR

í Vesturbyggð

EFTIR

RANNVEIGU HARALDSDÓTTUR

Kynning Verkefni Bjargir Ferli Mat Niðurstaða

Kynning

Þetta verkefni er um náttúruminjar í Vesturbyggð. Náttúruminjar eru þeir staðir sem við viljum vernda af því að okkur finnst þeir svo sérstakir. Þessir staðir geta verið merkilegir af ýmsum ástæðum, sögulegir staðir, náttúran svo sérstök eða dýra-og/eða gróðurfarslega alveg einstakt o.s.frv. Ef ekki er gengið vel um þessa staði og passað upp á þá er hætt við að þeir skemmist eða náttúran raskist vegna aðgerða okkar mannanna Verkefnið eigið þið að vinna tvö og tvö saman.

Verkefni

Þetta er það sem þið eigið að gera:

· Veljið einhvern stað í Vesturbyggð sem þið mynduð vilja vernda/friðlýsa.

· Gerið grein fyrir hvers vegna þið völduð þetta sem náttúruminjar.

· Hvernig er best að vernda þennan stað sem þið völduð. Þarf t.d. að smíða einhvers konar útsýnispall, hafa leiðsögufólk eða útbúa bækling sem allir eiga að lesa sem koma þangað. Útlistið ykkar hugmyndir.

· Kannið hvaða staðir í Vesturbyggð eru á Náttúruminjaskrá og gerið grein fyrir hvað ykkur finnst um það sem það er.

Bjargir

Ef þið þekkið svæðið vel er hugsanlegt að þið séuð búin að ákveða hvaða náttúruminjar þið viljið friðlýsa. Til að geta lýst staðháttum, landslagi eða sagt frá sögulegri heimild getið þið notað landakort, landafræðibækur og Íslandssöguna eða Íslenskar þjóðsögur. Þið þurfið líka að gera grein fyrir hvers kona friðlýsing það er t.d. hvort það flokkast undir náttúruvætti. Einnig þurfið þið að geta útskýrt hvaða lög og reglugerðir þið mynduð vitna til. Þessar heimildir er líka að finna á þessum slóðum: http://www.ismennt.is/vefir/nvvefur og þessi slóð: http://www.umvefur.is og hugsanlega þessi slóð líka: http://brunnur.stjr.is/interpro/umh/umh.nsf/pages/log

Ferli

Eins og fyrr kom fram vinnið þið tvö og tvö saman. Best er að vinna verkefnið í þessari röð.

1. Veljið staðinn

2. Hvað er sérstakt við það sem þið völduð.

3. Segið frá öllu sem ykkur dettur í hug að skipti máli og leitið að upplýsingum um hvað það er sem skiptir máli til að hægt sé að friðlýsa stað og þannig getið þið rökstutt mat ykkar.

4. Segið frá öðrum friðlýstum náttúruminjum eða vættum í Vesturbyggð sem eru á Náttúruminjaskrá. Gerið grein fyrir ykkar persónulegu skoðun á því sem þar er.

5. Útskýrið hvað þarf að gera til að vernda það sem þið völduð.

Mat

Frammistaða ykkar verður metin þannig:

1. Skipuleg og vandvirk vinnubrögð.

2. Lifandi lýsingar á staðháttum skipta miklu máli.

3. Er rökstuðningur ykkar sannfærandi.

4. Er gagnaöflun unnin á faglegan hátt. Þ.e. notuðuð þið þær upplýsingar og heimildir sem skipta máli fyrir ykkar verkefni.

5. Persónulegt mat skiptir líka máli.

Niðurstaða

Hefur þetta verkefni varpað ljósi á hvað náttúruminjar og náttúruvætti er? Hugleiðið hverju eða hvort þetta verkefni breytti skoðun ykkar á friðlýstum svæðum og hvort þið teljið að þetta skipti máli. Þið megið segja frá því í stuttu máli.

Verkefnið er unnið 13. nóvember 1999.