Framhent ljóð eiga það sameiginlegt að tveir fyrstu bragliðir ljóðlínu ríma. Hægt er að nota þennan bragarhátt á ýmsa vegu. Ef rímað er í öllum línum kallast ljóðið framhent.

Í messu blessun margir fá

á morgun orga prestur má

og hress æ þessi athöfn er

Ég ekki þekkist boðið hér

Svo má einungis ríma í frumlínum og kallast þá lóðið frumframhent

Enginn lengur skrifa skal
skilum öllum pennum,
best finnst flestum tölvutal
tæknidót á kennum.

Einnig má hafa rímið í síðlínum og kallast það þá síðframhent.

Fartölva er flestra trú
fáir sjá því meira.
Krakkaskara Konni nú
ei kenna nennir fleira.

Svo má líka nota sama rím í fleiri en einni línu, t.d. í öllum línunum sem kallast samframhent

Fía lygi fær á ný  
frían klígju óðinn  
því um síast borg og bý  
bríaríis ljóðin.

Eða misframhent, víxlframhent, frumsamframhent og síðsamframhent. Dæmi koma síðar, en að lokum er hér ljóð sem telst vera frumsamframhent og síðframhent

Eykur leik og alúð fann
eða gleði sanna
hreykin steikja kleinur kann
kærleiksmærin Anna