1.    Hafa á tvo stuðla í frumlínum og byrja skal síðlínur á höfuðstaf
2.    Að minnsta kosti annar stuðullinn verður að vera í hákveðu.
3.    Ekki má vera meira en einn bragliður á milli ljóðstafa.
4.    Sé síðari stuðull í hákveðu má þó hafa tvo bragliði í höfuðstafinn.

Best þykir að báðir stuðlarnir séu í hákveðu (fyrsta og þriðja braglið) og kallast það hástuðlun.

Asnalegur ertu nú                         hástuðlun
orðin sextán vetra,
eins og kamar ilmar þú,
útlit lítið betra.

Annar góður kostur er að enda ljóðlínu á báðum stuðlunum og kallast það síðstuðlun.

Hjöri börnum kenna kann                    síðstuðlun
en krakkaskrípin góla,
starfað við það hefur hann
í Húsabakkaskóla.

Einnig er hægt að hafa stuðlana í þriðju og fjórðu kveðu og kallast það lágstuðlun.

Yðar hjarta hatri byrgt                    lágstuðlun
hefur lengi tifað,
því þér hafið margar myrt
mýs sem gætu lifað.