Ekki er leyfilegt að fleiri bragliðir en fyrr er getið stuðli saman, það kallast ofstuðlun.

Fljótt oft fíflin finna tjón,                     ofstuðlun
fagurt ekkert kalla.
Allir stundum elska flón                      
enginn hatar alla.

Ekki er leyfilegt að vera með auka stuðlapar, það kallast aukastuðlun.

Stærðfræðinnar námið nú                    aukastuðlun
nokkuð gagn mér gerði,
er það ykkar trausta trú
að úr því loksins verði.

Ekki er leyfilegt að fækka stuðlum, það kallast vanstuðlun.

Við mér blasta víf og sveinn                vanstuðlað
gumi, snót og drengur.        
Maður gengur sjaldan einn    
mikill er það fengur.

Aldrei má vera meira en einn bragliður á milli stuðla.

fátt oft vita ljóshærð fljóð                of langt milli stuðla
frekar tregar hrundir.
Gleður hal í rúmi góð
gjarnan verður undir.

Lyktar líkt og hrossatað                 of langt milli stuðla 
laus við vit og frama,                      og höfuðstafs
grjónagraut í heilastað
glettin hefur dama.