Íslenski hesturinn

Þarfasti þjónninn

eftir
Herdísi Brynjólfsdóttur

Kynning | Verkefni | Bjargir | Ferli | Mat | Niðurstaða

Kynning

Velkomin á vefsíðu um íslenska hestinn.  Hér er að finna ýmsan fróðleik um hesta og reiðmennsku.Vefurinn er einkum ætlaður börnum og unglingum en einnig öðrum þeim sem vilja fræðast um hesta og hestamennsku. 

Íslenski hesturinn hefur ýmsa eiginleika sem gera hann kjörinn reiðhest, ekki síst fyrir óvana. Hann er smávaxinn en sterkbyggður og afar geðgóður.
Hann er hugrakkur og sjálfstæður og ekki má gleyma hinum 5 eðlislægu gagntegundum: feti, brokki, tölti, stökki og skeiði, sem gerir hann frábrugðinn öllum öðrum hestakynjum. Auk þess er hann óvenju tagl og faxprúður miðað við önnur hestakyn.
Það er því ekki að undra hvað útreiðar og hestaferðir njóta mikilla vinsælda og er nú svo komið að mörg þúsund ferðamenn ferðast árlega um byggðir og óbyggðir landsins á hestbaki.
Hestaferðir eru auk þess einstök leið til að kynnast íslenskri náttúru og öðlast um leið hlutdeild í sögu og menningu þjóðarinnar.

efst á síðu

Verkefni

Verið er að markaðssetja íslenska hestinn í Ameríku.

Von er á hóp áhugasamra kaupenda frá Ameríku, sem vita mismikið um íslenska hestinn. Þeir ætla að kynna sér kosti hans og galla og hvort það borgi sig að fjárfesta í þessum litlu en sérstöku, íslensku hestum, sem svo margir hafa dálæti á.

Þið eigið að skipta ykkur í 2 - 4 manna hópa og undirbúa kynningu á íslenska hestinum, fyrir fræðslufund hjá hestamannafélaginu.

efst á síðu

Bjargir

Á Netinu er hægt að finna töluvert efni um íslenska hestinn, á ýmsum tungumálum: s.s. um  uppruna og liti íslenska hestsins, gangtegundir hans og nöfn.
Nemendum er bent á að kynna sér efni á bókasafninu, en hér fyrir neðan kemur bókalisti sem fjallar um hesta. Bókasafn Hafnarfjarðar hefur góðar upplýsingar.
Hér er vefur um íslenska hestinn.

Einnig má afla upplýsinga um hestaleigur.

Til að afla frekari fróðleiks er bent á ýmsar bækur og rit:

efst á síðu

Ferli

Skiptið ykkur í 2– 4 manna hópa og veljið ykkur verkefni:

Hver hópur tekur einn þátt fyrir og kynnir. T.d. uppruna og sögu, gangtegundir, reiðtygi, o.s.frv.

Verkefni 1: Uppruni og saga íslenska hestsins, notkun fyrr og nú.

Verkefni 2: Hestalitir og nöfn, (nafnavísur).

Verkefni 3: Gangtegundir; fet, brokk, stökk, tölt og skeið.

Verkefni 4: Reiðtygi; beisli og múlar, hnakkar o.fl. Má líka fjalla um járningar.

Verkefni 5: Þjálfun og útreiðar.

Verkefni 6: Segja sögu og/eða vísur og sýna myndir.

Verkefni 7: Ræktun og markaðssetningu íslenska hestsins í öðrum löndum.

Verkefni 8: Fjalla um keppnisgreinar og reglur í keppnum.

Kynningin má vera PowerPoint kynning, myndasýning með útskýringum, töflur og línurit eða frásögn með teikningum / myndum.

efst á síðu

Mat

Við mat er lögð áhersla á skapandi vinnu og góða upplýsingaöflun.

Vinna hópsins verður metin meðan á ferlinu stendur, en einnig vinnusemi og vinnubrögð einstaklinganna.

Verkefnin sjálf verða metin og framsetning hópsins og hvers einstaklings.

Einkunnir verða gefnar í bókstöfum og greinargóð umsögn.

efst á síðu

Niðurstaða

Að lokinni þessari umfjöllun ættu nemendur að vera margs vísari um þarfasta þjóninn, sem svo dyggilega hefur þjónað okkur um aldir og er enn í dag fjölda manns til ánægju  og yndisauka.
Einnig eiga nemendur að hafa öðlast þekkingu á meðhöndlun og umhirðu, þjálfun og ýmsu því sem viðkemur umgengni við íslenska hestinn.

Nemendur hafa þjálfast í upplýsingaöflun bæði á vef og í bókum á bókasafninu og fengið mjög góða æfing í framsögn.

Þeir sem hafa áhuga á að fylgjast með hestamennskunni í dag geta skoðað fréttavef hestamanna, Faxa, sem gefur upplýsingar í ýmsum formum, Hestar 847.is sbr. þáttur á Skjá 1 og Eiðfaxa.is.

efst á síðu

Salvör Gissurardóttir þýddi þetta snið frá The Webquest Page.

---

Síðast uppfært  17. júní,  2001.
© Hedís Brynjólfsdóttir