Bænir


 

 














 

 

Bænin okkar

 


Faðir vor

Þú sem ert á himni!
Helgist þitt nafn.
Til komi þitt ríki,
Verði þinn vilji
,
svo á jörðu sem á himni.
Gef oss í dag vort daglegt brauð.
Og fyrirgef oss vorar skuldir, svo sem vér og fyrirgefum vorum skuldunautum.
Eigi leið þú oss í freistni,
heldur frelsa oss frá illu.
Því að þitt er ríkið, mátturinn
og dýrðin að eilífu.

Amen



 

Morgunbænir


 


Vertu, guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.

(Hallgrímur Pétursson Ps. 44)

 

Nú er ég klæddur og kominn á ról,
Kristur Jesús veri mitt skjól,
í guðsóttanum gef þú mér
að ganga í dag svo líki þér.

(Hallgrímur Pétursson)



Leiddu mína litlu hendi,
ljúfi faðir þér ég sendi.
Bæn frá mínu brjósti sjáðu,
blíði Jesú að mér gáðu.

Hafðu gát á hjarta mínu,
halt mér fast í spori þínu,
að ég fari aldrei frá þér,
alltaf Jesús, vertu hjá mér.

Um þig alltaf sál mín syngi
sérhvern dag, þó eitthvað þyngi.
Gef ég verði góða barnið,
geisli þinn á kalda hjarnið.

Ásmundur Eiríksson


Vertu, góði Guð, hjá mér,

gleði sönn er veitt af þér.
Gjörðu bjart mitt bernskuvor,
blessa, faðir, öll mín spor.

Alltaf veist þú um minn veg,
allt þú veist, sem tala ég,
öll mín verk sér auga þitt,
einnig hjartalagið mitt.

Einar Jónsson

















Kvöldbænir

 


Láttu nú ljósið þitt,
loga við rúmið mitt,
hafðu þar sess og sæti,
signaður Jesús mæti.

Hallgrímur Pétursson.


Vertu Guð faðir, faðir minn,

í frelsarans Jesú nafni,
hönd þín leiði mig út og inn,
svo allri synd ég hafni.


Hallgrímur Péturson


Vertu nú yfir og allt um kring
með eilífri blessun þinni,
sitji Guðs englar saman í hring sænginni yfir minni.

Sigurður Jónsson frá Presthólum.


Kristur minn ég kalla á þig,
komdu að rúmi mínu,
gakktu hér inn og geymdu mig,
Guð, í faðmi þínum.

Höf. ók.

Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil svo ég sofi rótt.

(Foersom/Sveinbjörn Egilsson)


Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma,
öll börnin þín svo blundi rótt.

(Matthias Jochumsson)

 

Æðruleysisbænin



Guð gefi mér æðruleysi
til að sætta mig við það,
sem ég fæ ekki breytt...
kjark til að breyta því
sem ég get breytt...
og vit til að greina
þar á milli.