Stjörnurnar sem við sjáum á næturhimninum eru hluti af tröllaukinni stjörnufjölskyldu sem nefnist Vetrarbrautin.

Vetrarbrautin er flatur gormur eða spírall um það bil 100.000 ljósár á breidd með tveimur örmum sem vefjast í kringum skæran gúlp í miðjunni. Við getum ekki séð kjarnann en á næturhimni getum við séð hluta af vetrarbrautinni en þá sjáum við daufa rák sem teygist yfir himininn.
Vetrarbrautin er 100.000 ljósár í þvermál og um 15.000 ljósár á þykkt. Það tæki 100.000 ár að fara þvert yfir hana, þó svo að maður myndi ferðast á ljóshraða.

Flestar gamlar stjörnur hafa fundist nálægt kjarnanum en í örmunum eru gasþokur þar sem nýjar störnur myndast.



Í vetrarbrautinni er sólkerfið okkar en þar er sólin okkar og reikistjörnurnar, tungl, halastjörnur og loftsteinar sem allt snýst á ógnarhraða hring eftir hring í kringum sólina.