Hvað éta skordýr og hvernig?

Helmingur skordýra er plöntuætur, um fjórðungur étur rotnandi plöntu- og dýraleifar og afgangurinn lifir á ránum eða sníkjum á öðrum dýrum.

Mörg skordýr hafa langa tungu sem er eins og sogrör. Þau bora svo tungunni í blóm eða dýr og sjúga upp næringuna. Þau geta líka spýtt frá sér vökva sem leysir upp fæðuna svo að auðveldara verður að sjúga hana upp.

Önnur jappla á fæðunni með sterkum bitmunni.
Enn önnur bíta í fæðuna og lepja hana upp með tungunni.

Og svo eru til skordýr sem eru eins og hálfgerðir svampar, fæðan sogast upp í þau og er svo þrýst niður í magann.