Spánn

Það er svoldið gaman að á þessari braut hefur keppni unnist með minnstum mun og mestum mun.  Einu sinni voru nákvæmlega tveir hringir á milli 1. og 2. sætis og hins vegar vann Senna, Mansell með 0.014 sekúndna mun árið 1986.

Hér sjáum við óvenjuleg gleðilæti Mika

Í tímatöku varð Schumacher fyrstur, Mika annar, Rubens þriðji og DC í fjórða sæti.  

Frentzen

Spænski kappaksturinn er nú ekki frægur fyrir skemmtilegheit og brautin þykir almennt frekar leiðinleg.  Framúrakstur er t.d. mjög erfiður á henni.  Eina markverða sem gerðist í upphafi var að Ralf tók fram úr DC í startinu. 

Fyrsta viðgerðarhlé Schumachers var verulega tíðindamikið.  Mistök sleikjómannsins ullu því að Schumi keyrði af stað áður en bensínáfyllingarmaðurinn var tilbúinn og fóturinn á honum lenti undir bílnum.  Sem var nógu slæmt í sjálfu sér en við átakið skemmdist bensínáfyllingarbúnaðurinn sem síðar átti eftir að hafa afdrifaríkar afleiðingar, en þetta fyrsta stopp var stutt engu að síður.  David gat ekki státað af góðu viðgerðarhléi heldur.  Hann gerði þau mistök að setja í 2. gír í stað þess fyrsta og missti þar með Rubens fram fyrir sig.  

Seinna stopp Schumi var slæmt vegna skemmda sem áður voru nefndar og við bættist að loft lak úr dekki hjá honum og þetta varð óttalegt hökt.

Einn æsilegasti fram úr akstur átti sér stað þennan sunnudag þegar Ralf rembdist eins og rjúpan við staurinn að komast fram úr stóra bróður og gekk það svo ekki sé minna sagt illa. Þessar tilraunir hans urðu til þess að Rubens náði að fara fram úr þeim báðum og Ralf misst stig vegna tilfæringanna og möguleikann á því að standa á palli.

Áður hafði þó DC farið fram úrSchumi.

DC að fara fram úr Schumi

og hér er hann kominn fram úr.

Því verður ekki neitað að þessi 1-2 sigur McLaren var færður þeim á silfurfati.  Vissulega gerðu McLaren vel í viðgerðarhléum sínum, sem urðu m.a. til þess að DC komst þannig fram úr bæði Ralf og Rubens, en hann var manna þakklátastur fyrir stigin sem Ferrari færði McLaren liðinu.

Með þessum sigri á McLaren liðið nokkra möguleika á að velgja Ferrari undir uggum.

Til baka á heimsíðuna mína

Gert 7. júlí 2000