Untitled Document

Kennarasíða

Markmið
-að nemendur læri að þekkja eitt af þeim Afríkuríkjum sem Ísland veitir þróunaraðstoð.
Kennsluáætlum
Markhópur nemenda er áttundi bekkur.
- Námsefnið er áætlað 27 kennslustundir og stendur í níu vikur. Í skóla 2 kennslustundir í viku og 40 mínútna heimavinna.
- Nemandi skilar öllum verkefnum inn á síðuna sem merkt er: Verkefnaskil og umræðuinnlegg fara inn á: Umræður.
1. vika. Lesa kaflana: Land og þjóð, Helgrindarströndin, Saga og Sanþjóðflokkurinn.
  - Verkefni: Fara inn á vef Veðurstofu Íslands og ná í meðalhitastig í Reykjavík í janúar og júní. Búa til stöplarit sem sýnir hitastig í höfuðborg Íslands Reykjavík og Windhoek höfuðborg Namibíu og mismun hitastigs á hvorum stað.
2. vika. Lesa kaflana: Sjálfstæði og lýðræðisþróun og undirkaflana: Stjórnmál og Utanríkismál.
  - Verkefni: Skrifa frásögn úr köflunum og tilgreina eftirfarandi: Eiga Ísland og Namibía eitthvað sameiginlegt varðandi stjórnarfar landanna? Er eitthvað sem er ekki eins? Hvað kom á óvart við lesturinn?
3. vika. Lesa kaflana: Efnahagsmál og undirkaflann: Helstu atvinnuvegir, Arfur aðskilnaðarstefnu í landbúnaði og Samgöngur og fjarskipti.
  - Verkefni: Búa til súlurit um símalínur, sjónvarpseign og tölvueign í Namibíu og á Íslandi og nota til þess töfluna sem gefin er upp í kaflanum um samgöngur og fjarskipti.
4. vika. Lesa kaflana: Náttúruauðlindir og umhverfismál, Villt dýralíf og Lifandi steingervingur!
  - Verkefni: Í umhverfisstefnu Namibíu er verið að tala um að áhersla verði lögð á sjálfbæra þróun. Nemandi á að lýsa því sem verið er að tala um með sjálfbærri þróun.
5. vika. Lesa kaflana: Samfélagsmál, Menning, Flutt á mölina og Trúarbrögð.
  - Verkefni: Fara inn á vef Hagstofu Íslands: http://www.hagstofa.is og athuga og skrá hve mörg tungumál eru töluð á Íslandi og hve margir trúarhópa eru skráðir.
6. vika. Lesa kaflana: Cynthia og Engelberta, Menntun, Heilsufar og Jafnréttismál.
  - Verkefni: Fara inn á vef menntamálaráðuneytisins: http://www.menntamalaraduneytid.is og athuga hvort þar er að finna lög eða reglur sem segja til um hámarksfjölda nemenda í bekk í skólum á Íslandi.
7. vika. Lesa kaflann Þróunarsamvinna.
  - Verkefni: Nemandi á að senda 4 innlegg á vefborð, tvö fruminnlegg og svara innleggi frá tveimur samnemendum. Fara inn á vef ÞSSÍ:: http//www.iceida.is og athuga hvort eftirfarandi greinar eru inni á vefnum: Ágrip af 20 ára sögu Þróunarsamvinnustofnunar Íslands, Sjómannaskólinn í Walvis Bay og Afhending Fræðslumiðstöðvarinnar í Walvis Bay. Velja á eina af þessum greinum til að lesa. Ef greinarnar eru ekki á vefnum er þær að finna í Fréttabréfi um ÞRÓUNARMÁL nr. 29, 16. árgangur, 1. tbl. apríl 2001. Nemendur senda annað innlegg sitt í vefumræðuna úr efninu sem þeir velja að lesa.
8. og 9. vika. Tveir og tveir nemendur fá 10 mínútur saman til að kynna í tölvutæku formi fyrir bekknum þætti sem þeir hafa valið úr lesefni.

Mat
Innsend verkefni eru metin 50%, innlegg á vefborði 25% og 10 mínútna innlegg úr námsefni sem nemendur koma með og flytja í tíma 25%. Tveir og tveir nemendur vinna saman að kynningunni og eiga að setja hana fram tölvuunna. Við matið verður horft á samvinnu og hvernig efnið er sett fram.

Niðurstaða
Sjóndeildarhringur nemenda hefur verið víkkaður og þeir vaktir til umhugsunar um stöðu fólks sem býr við aðrar aðstæður en við á Íslandi. Kannski sjá einhverjir nemendur þarna tækifæri framtíðarinnar til að láta eitthvað gott af sér leiða.
© JÁÞ

Forsíða --- Efst á síðu --- Verkefnaskil --- Nemendasíða --- Umræður
© JÁÞ maí 2001----------------------------------------------------------------------------------------------------------------------------------------------------------