Þetta er skilasíða fyrir verkefni unnin á námskeiðinu "Nám og kennsla á Netinu", umsjónarmaður námskeiðsins er Salvör Gissurardóttir.

Hönnun á kennsluvefjum/vefsíðugerð (2 e)

Umsjón Salvör Gissuradóttir.

Lestur fyrir byrjendur. Kennsluvefur í lestri. Það er rétt að koma byrjunarmynd á þennan vef. Hann var lengi í fæðingu, sérstaklega útaf vandamáli við að koma hljóði inn. Eins og hann er núna er bara hljóð á A síðunni. Mig langar til þess að komast í betri hljóðgræjur áður en ég held áframa með hljóðsetninguna. Vefurinn er mjög lengi að hlaðast inn í fyrsta skipti en er fljótari eftir það og getur vel komið að gagni inn á innra neti skóla. Ég byrjaði á vefnum í FrontPage en skipti síðan yfir í Dreamweaver. Ég byrjaði að vinna stóru myndirnar í Fire Works en skipti síðan yfir í Photo Draw. Myndirnar af krökkunum eru unnar uppúr ljósmyndum og ég fékk leyfi til að birta þær.

Fuglavefleiðangur. Unninn í byrjun í FrontPage síðan endurunninn í Dreamweaver, FireWorks og PhotoDraw.

Nýsköpunarvefleiðangur. Þessi vefur var líka endurunninn í Dreamweaver og líklega flippaði ég þarna út! Gamla útgáfan er á sínum stað ennþá til samburðar, unninn í FrontPage.

 

Netsamskipti (1/2 e).

Umsjón: Salvör Gissurardóttir & Þuríður Jóhannsdóttir.

Ég tók ekki mikinn þátt í umræðum á webboard en auðvitað eitthvað. Ég sendi inn framlag um samanburð á leitarvélum, það helsta á UT2000, um vefleiðangra, um þarfagreiningu á vef og fl. Ég tók saman á vefsíðu helstu vefverkfæri sem ég hef verið að prófa.

Námsumhverfi á vefnum (1/2 e).

Umsjón: Salvör Gissurardóttir & Þuríður Jóhannsdóttir.

Þessi þáttur er mjög mikilvægur. Þegar maður er að kenna ungum börnum sem ekki geta nýtt sér vefinn mikið hjálparlaust liggur beinast við að höfða til foreldra. Til þess notaða ég Skólatorgið, en í vetur byggði ég upp bekkjarvef þar. Þessi vefur var hugsaður til þess að bæta samskipti heimilis og skóla og er enn í þróun. Það sem mér finnst umhugsunarvert í þessu sambandi er tíminn sem þetta tekur. Ekki eru allir kennarar í námi til þess að réttlæta þessa vinnu!!Að vísu datt botninn svolítið úr þessum samstarfsvettvangi þar sem ég lá í rúminu seinustu tvær vikurnar í maí. Það verður gaman að þróa þennan vef enn frekar næsta vetur.
 

Nýting í skólastarfi (1 e).

Umsjón: Sólveig Jakobsdóttir.

Ég tók þátt í rannsókn um notkun barna á Internetinu.

Ég tók þátt í umræðum á webboard og sendi inn tvö framlög á vefsíðum, fleiri beint inn.

Geta tölvur séð um kennsluna?

http://www.ismennt.is/not/jbj/frederick_bennett.htm

Á að kenna börnum vélritun áður en þau fá tölvukennslu???

http://www.ismennt.is/not/jbj/keyboarding_skills.htm

Ég tók svo þátt í Innovation Forum á European Schoolnet: .safe discussion og eWizard..


Valið verkefni (1 e).

Verkefnin sem ég skila hér inn eru tvö.

Annarsvegar er það vefur sem ég óf vegna þemavinnu Barnaskólans á Eyrarbakka og Stokkseyri. Árlega höfum við þemaviku og þá bjóðum við 5 ára leikskólabörnum í skólann. Þetta árið var þemað Samskipti og samvera. Kveikjan af þemanu var velheppnaður fyrirlestur sem Jón Baldvin Hannesson,einn af ráðgjöfum AGN
- aukin gæði náms hélt fyrir okkur. Ég tók að mér að sjá um upplýsingatæknistöðina í þemanu og bjó svo til vefinn Samskipti og samvera, til þess að setja efni krakkanna fram. Þessi vefur er bæði sýningarsalur og námsvefur, því börnin vita margt um samskipti og það er hægt að læra af þeim. Vefurinn er unninn í FrontPages en ég hreinsaði hann samt í Dreamweaver áður en ég setti hann á mitt vefsvæði.

. Hinsvegar er það vefur sem varð til af því að ég hef mikinn áhuga á forritum sem hægt er að nýta í skólastarfi. Mér datt í hug að búa til vef um Tölvur og börn. Með tímanum vonast ég til þess að fá skoðanir og ábendingar frá öðrum og að þarna safnist vitneskja um hentug forrit, vefi fyrir börn og vefi fyrir þá fullorðnu til að lesa. Þetta er fyrsti vefurinn sem ég vinn frá grunni í Dreamwever.