Kennarinn / foreldrar     

                                                                            Efnisyfirlit

Fyrir hverja?
Verkefnið er hugsað fyrir nemendur í 4.-5. bekk. Þar sem ljóst er að nemendur er á mismunandi stigi í tölvufærni byggist vefurinn á að kennari/foreldri leiðbeini nemendum í gegnum vefinn. Í því sambandi er rétt að benda á að boðið er upp á grunnleiðbeiningar í fingrasetningu og ritvinnslu.
Þegar nemendur hafa öðlast grunnfærni í verkefninu geta þeir unnið að nokkru leyti sjálfstætt heima undir umsjá foreldra eða í frjálsum tíma á bókasafni undir umsjá bókasafnskennara.
Samkvæmt könnunum er mismunur á kynjunum gagnvart viðhorfum til tækni og færni. Textar, myndir og tóndæmi eru því sett fram með bæði kynin í huga og útfærð þannig að nemendur með mismunandi tölvuþekkingu eiga á auðveldan hátt að geta nýtt sér alla valkosti vefsins.
Þar sem þessi aldur er mjög móttækilegur fyrir nýjum kennsluaðferðum ætti tölvuvinna að vera spennandi og ögrandi vinnu- og framsetningarform.


Markmið                             Í BYRJUN     

Netið hentar einkar vel sem framsetingarmáti, þar sem auðvelt er að uppfylla markmið aðalnámskrár.
Samkvæmt· aðalnámskrá í íslensku eiga nemendur í 4.-5. bekk m.a. að fá þjálfun í:

- að nota tölvur við ritun, m.a. í sögugerð og réttritun
- að fá þjálfun í réttri fingrasetningu með ýmsum ritunarverkefnum
- að geta samið sögu með atburðarrás, ort ljóð og skrifað sjálf
- að þekkja hugtökin upphaf, miðja og endir í frásögn og geta nýtt sér þau í eigin ritun
- að geta skráð frásagnir úr eigin lífi eða fjölskyldunnar
- að geta lýst skriflega ýmsum hlutum og athöfnum
- að fá þjálfun í réttri stafsetningu með leiðréttingaforriti


Kostir netsins umfram aðra miðla eru talsverðir, m.a. er hægt að hafa marga möguleika til staðar í einu, s.s. ritvinnslu með leiðréttingarforriti, tóndæmi og myndir svo eitthvað sé nefnt.




Aðferðafræði                             Í BYRJUN     

Vefurinn byggir á hugsmíðahyggju, þar sem áhersla er lögð á að skapa nemendum námsumhverfi sem auðveldar þeim námið og styður þá í virkri uppbyggingu þekkingar. Áherslan flyst frá kennslu yfir á nám, þ.e. frá kennaranum yfir á nemandann og stuðlar að virkri uppbyggingu þekkingar hjá nemandanum.
Með því að byggja námið á innlifunaraðferðum og tjáningu, er um leið verið að virkja nemendur og efla innsæi þeirra og skapandi hugsun með tóndæmum og spennandi myndum úr daglegu lífi.
Nemendur læra að flytja texta, myndir og hljóðdæmi af netinu og setja inn á sínar síður. En það er kennara/foreldra að fylgja því eftir að nemendur noti þá möguleika sem vefurinn býður upp. Þess skal getið að á þeim síðum sem boðið er upp á þessa möguleika eru leiðbeiningar um hvernig á að framkvæma þessa hluti.
Á sama hátt og mikilvægt er að námsumhverfið sé fjölþætt og endurspegli mörg sjónarhorn þá hlýtur það sama að gilda um mat á náminu.


Námsmat                                     Í BYRJUN     

Nemandinn ber sjálfur ábyrgð á sínu námi, en það hlýtur þó að vera í hlutverki leiðbeinandans að hvetja nemandann og leiðbeina eftir sem þurfa þykir hverju sinni.
Námsmat verður að taka mið af þeim markmiðum sem sett voru í upphafi námsins. Það verður að vera fjölbreytt og taka til allra námsþátta. Mælt er með því að námsárangur nemenda sé metinn jafnt og þétt allan námstímann, þ.e. símat. Lokamat eitt og sér getur ekki verið fullnægjandi, því það leiðir einungis í ljós hvort eða að hve miklu leyti nemandinn hefur tileinkað sér námsefnið.
Símat á námstímanum er nauðsynlegt svo að hægt sé að laga kennsluna að framvindu námsins. Við verkefnalok þar f að koma lokamat sem byggt er á á umsögn þar sem fram koma bæði jákvæðar og neikvaðar athugasemdir um efnistök, framsetningu, réttritun, skrif og frágang allt eftir eðli viðfangsefna og þroska og aldri nemenda.


Þar sem mjög mikilvægt er fyrir þennan aldurshóp að árangur vinnunnar verði fleirum en þeim sýnilegur, viljum við hvetja alla þá sem nýta sér þennan vef til að að birta lokaverkefni nemenda sinna á heimasíðum skólanna. 

Námskeið                                        Í BYRJUN     

I. Fingrasetning á tölvu - lyklaborðið

Ef nemandinn hefur ekki fengið þjálfun í fingrasetningu er ekki úr vegi að skoða það aðeins með honum áður en sögugerð með hjálp tölvunnar hefst.

Áður en byrjað er að vélrita er margt sem þarf að athuga ítreki:  

Nauðsynlegt er að huga að vinnuaðstöðu nemenda svo sem hæð borða og stóla, lýsingu, grind fyrir heftið og hlíf yfir lyklaborðið.

Kennari þarf að hafa í huga eftirfarandi atriði og ítreka oft við nemendur:

*                   Muna að horfa ekki á fingurna, aðeins á textann.

*                   Muna að gera eitt bil á eftir kommu og punkti.

*                   Muna að færa aðeins þann fingur sem verið er að nota hverju sinni.  Hinir eiga að liggja kyrrir á heimalyklunum.

LYKLABORÐ TÖLVUNNAR

II. Ritvinnsla 

Nemandinn þarf einnig að kunna nokkur undirstöðuatriði í ritvinnslu til þess að ritunin gangi vel fyrir sig. Sjá þetta námskeið.

Bókmenntir                                 Í  BYRJUN     

Hér er oft hægt að fá hugmyndir að ýmsu tagi frá t.d. barnabókmenntum þegar vantar efni fyrir ritun. Sjá hér fyrir neðan.

Tengsl við bókmenntir íslenskar sem erlendar.

Krækjur

Hér koma nytsamar krækjur til skoðunar.

http://www.vefbokasafn.is      

Vefbókasafn. Barnasíða og unglingasíða o.m. fl.

http://www.crayola.com/art.education/

Bekkjarverkefni, keppnir o.fl.

http://www.npac.syr.edu/textbook/kidsweb/

KidsWeb. Bókasafn fyrir börn með hlekkjum að list,drama,vísindum,þjóðfélagslegu námi, leikjum o.fl.

http://www.ismennt.is

Menntanetið

http://www.byrja.is  

Upplýsingasíða um allt mögulegt.                      

                                             Í  BYRJUN     

Vinsamlegast sendu okkur orðsendingu eftir skoðun vefsins.       

Smelltu á hnappinn

Athugasemdir gesta! 

                                                                                                          Efnisyfirlit

27 apríl, 2000    Elín Jóhannsdóttir, Elís Þór Sigurðsson, Kristín Björk Gunnarsdóttir,  Þórhildur Elfarsdóttir

  © EJ, EÞS, KBG, GÞE       Sendu okkur PÓST!