Tónstigar
og brotnir hljómar 

Nú fáanlegt í
Tónastöðinni

Útsetningar PE

Páll og Kolbeinn á æfingu í bakhúsinu á Fálkagötu 28, um 1985	Páll og Kolbeinn á æfingu í stofunni í Álfheimum 19, um 1990	Páll og Laufey á tónleikum í Deiglunni á Akureyri, um 1997	Páll og Magnea undirbúa tónleka  í Norrænahúsinu 2006	Iðnó um 2005. Ljósm P*Aldís

Kolbeinn og Páll voru ötulir við að fara um allt land á níunda áratugnum, voru með fjölda skólakynninga þar sem þeir m.a. kynntu og fluttu  verkið 'Dýrahringinn' eftir Karlheinz Stockhausen.  Um 1997 gaf CAPUT út geisladisk með verkum eftir Svein Lúðvík Björnsson, Caput diskur á þeim diski leika þeir Páll og Kolbeinn verkin 'Þögnin í þrumunni' og 'Að skila skugga' eftir Svein.  Þegar Kolbeinn sneri sér alfarið að framkvæmdastjón CAPUT varð minna um tónleikahald þeirra Páls og Kolbeins, en Páll var þá kominn í töluvert æfinga- og tónleikaprógram með Laufeyju Sigurðardóttur, fiðluleikara.  Á þessu tímabili hélt Páll  einnig tónleika með söngkonunni Ingibjörgu Guðjónsdóttur, sem áður hafði hlotið tónvakaverðlaun RUV, á Listasafni Sigurjóns Ólafssonar safn í Laugarnesinu, en fjaran í Laugarnesinu var einmitt leikvöllur uppvaxtarára Páls. Páll og Kolbeinn hafa tekið upp þráðinn að nýju og voru með skemmtilega tónleika í Mývatnssveitinni og í Reykjavík 2010.

John A. Speight, söngvari og tónskáld, samkennari Páls í Tónskóla Sigursveins og síðar formaður Tónskáldafélags Íslands, samdi nokkur verk fyrir Pál og fékk hann til að flytja önnur sem hann hafði samið áður.  Þessi samvinna Páls og John leiddi m.a. til þess að John samdi Gítarkonsert um 1990 sem fluttur var af Sinfóníuhljómsveit Íslands sinfónía og Páli sem einleikara, með upptöku RUV í Háskólabíó.  Stjórnandi var Guðmundur Óli Gunnarsson.  Hefur þessum konsert verið nokkrum sinnum útvarpað.  Eftirminnileg er einnig sjónvarpsútsending í þættinum Litróf þar sem Páll lék verkið Echoes of Orpheus eftir John Speight, en frægur varð kaflinn þar sem Páll sönglar og flautar með gítarspilinu, líkt og Orfeus reyni að kalla Evridísi til sín úr undirdjúpunum á meðan fiskarnir fælast allt um kring. Þetta verk var einnig flutt á tónleikum á Pulitzer hótelinu í Amsterdam og sjónvarpað þaðan á Stöð 2 í janúar '89 og seinna í Glasgow 2001.

Þá samdi Hróðmar Ingi Sigurbjörnsson verkið Trío við texta eftir Gyrði Elíasson.  Verkið var frumflutt í Langholtskirkju á tónleikum Íslensku hljómsveitarinnar Guðmundur Emilsson 11. febrúar 1990 af Páli Eyjólfssyni á gítar, Rúnari Vilbergssyni á fagott og Jóhönnu V. Þórhallsdóttur altrödd.  Á sömu tónleikum lék Páll í Kvintett eftir Atla Heimi Sveinsson og í Kvartett eftir Þorkel Sigurbjörnsson.  Á þessum árum lék Páll einnig með Kammersveit Reykjavíkur í kvintett eftir Svíann Arne Mëlnes Pieces  fugitives á Norrænum Músíkdögum í Langholtskirkju, en þar gerði prentvilla í nótnahandriti æfingatímabilið eftirminnilegt.

Í júní 2000 tók Páll  þátt í uppfærslu Óperustúdío Austurlands á Rakaranum í Sevilla, lék gítar og hörpupartinn, á Eiðum, undir stjórn Keith Reed. Í þeirri austurferð lék Páll einnig á 'spönsku kvöldi' á Neskaupsstað einn og með ungum flautuleikara, Stefáni Höskuldssyni og píanóleikaranum Elizavetu Kopelman, en Páll og Stefán höfðu hist um 15 árum fyrr er Páll og Kolbeinn snemma á ferlinum héldu sína tónleika á austfjörðum. Páll og Elizaveta léku sér þarna meðal annars að tangótónlist Piazolla.

En Páll hefur oftar verið kallaður til samstarfs við leikhús landans, m.a. með tónlistarflutningi við uppsetningu á leikritinu um Don Quijota (RUV), á Aurasálinni eftir Moliere, tónlist Jóns Þórarinssonar (Þjóðleikhúsið), Vanja frænda eftir Tsjekhof (Frú Emelía), Sú sterkari eftir Strindberg og Sú veikari eftir Þorgeir Þorgeirsson (Alþýðuleikhúsið). Páll lék einnig í Lygaranum eftir Goldoni í Þjóðleikhúsinu, en þar léku Laufey Sigurðardóttir á fiðlu, Páll Eyjólfsson á gítar; Jóhanna Linnet söng og Bragi Hlíðberg lék á harmonikku skemmtilega tónlist í uppfærslu leikhússins 1988. Á kynningu í Listaklúbbi Þjóðleikhússkjallarans á Mexicósku listakonunni Fridu Kahlo árið 2001 kom Páll einnig að tónlistarflutningi.

Páll og Laufey Sigurðardóttir fiðluleikari komu fyrst fram saman við opnun sýningar á Nýlistasafninu nylo árið 1986.  Aftur komu þau saman árið 1988 m.a á sumartónleikum á Akureyri og síðan þá hefur efnisskrá þeirra vaxið og dafnað.  Þau hafa flutt verk ýmissa barrok meistara, verk núlifandi tónskálda og allt þar á milli.  Árið 1996 kom út á vegum SKREFS geisladiskur í röðinni 'íslenskir einleikarar' með leik þeirra á verkum eftir ítalska meistara.  Japis sá um dreifingu diskar.  Haustið 1998 héldu Páll og Laufey tónleika í Vilafames kirkjan og Villa Real á barrok hátíð í  Valenciahéraði á Spáni.   Þetta samstarf Laufeyjar og Páls hefur m.a. leitt til þess að verkið 'Vapp' var samið fyrir þau af Þorkeli Sigurbjörnssyni, hefur það verk verið flutt við ýmis tækifæri m.a. á Listahátíðinni Sumartónar í Færeyjum nlo.fo sumarið 1996 og í Helsinki í Finnlandi.   Í Sveaborg í Finnlandi, haustið 2000,  frumfluttu  Páll og Laufey  einnig  verkið 'Gefjun' sem  Hilmar Þórðarson samdi fyrir þau.  Á 'Portrait' tónleikum af Hilmari Þórðarsyni fluttu Laufey og Páll  verk hans í Salnum í Kópavogi þann 27. mars 2001.  Vorið 2002 fóru Páll og Laufey til Kaupmannahafnar þar sem þau léku á tónleikum í Sívaliturninum Sívaliturn  þann 7. júní. Frá 2001 hafa Páll og Laufey einnig verið fastur liður í tónleikahaldi Hóladómkirkju, verið þar með eina eða tvenna sumartónleika í júlímánuði ár hvert á Hólum. Sumarið 2004 voru þau með sumartónleika á Sigurjónssafni LSÓ og í febrúar 2007 á Listasafni Íslands LÍ á Myrkum músíkdögum. Á aðventu 2009 héldu þau skemmtilega tónleika á Listasafni Einars Jónssonar í Reykjavík og á Opnunarhátíð Hörpu í maí 2011 Harpa var þeim boðið að vera með tónleika á opnu húsi í Kaldalónssalnum. Þá hafa þau undanfarin ár verið með fjölda skólakynninga á hljóðfærin sín í samstarfi við 'Tónlist fyrir alla'. Fyrirhugaðir eru tónleikar á Ítalíu 2012, en Laufey stundaði þar og í Bandaríkjunum sitt framhaldsnám á fiðluna.

Laufey Sigurðardóttir fiðluleikari hefur um árabil skipulagt skemmtilega tónleikaröð í Mývatnssveitinni um páska. Páll var með í fyrsta sinn í vor 2002 þar sem flutt var m.a. Boccherini gítarkvintett.  Gítarkvintettinn í Mývatnssveit um páska 2002 var skipaður auk  Laufeyju fiðluleikara og  Páli gítarleikara þeim Sigurlaugu Eðvaldsdóttur fiðluleikara, Þórunni Ósk Marínósdóttur víóluleikara og Örnólfi Kristjánssyni cellóleikara.  Helga Bryndís Magnúsdóttur, í forföllum Daníels Þorsteinssonar píanóleikara kom einnig fram á  kammertónleikunum en  Páll lék þarna einnig  með baritonsöngvaranum Ólafi Kjartani Sigurðarsyni, fyrsta fastráðna söngvaranum okkar við Íslensku Óperuna.

Sumarið 2002 fékk Páll einnig tækifæri til að æfa og flytja örlítið prógramm með stórtenórnum Jóhanni Friðgeiri Valdimarssyni.

Þá hefur Páll einnig komið fram með flautuleikurunum Magneu Árnadóttur og Martial Nardeau  hin síðustu ár, en þessi tvö hljóðfæri, gítarinn og flautan virðast eiga mjög vel saman, þrátt fyrir andstæður við tónmyndun. Á Listahátíð í Reykjavík vorið 2002 voru Magnea og Páll með stutta tónleika á myndlistarsýningu í einu af listasöfnum borgarinnar.

Vorið 2007 vann Páll skemmtilegt prógramm með Mörtu Halldórsdóttur söngkonu, en þau komu fram á 15:15 tónleikaröð CAPUT hópsins í Norræna húsinu, er þau fluttu útsetningar John Spaight á vaxhólks upptökum Jóns Leifs á íslenskum þjóðlögum, en John útsetti þetta og gaf út í tilefni af 40 ára afmæli Tónskóla Sigursveins D. Kristinssonar.

Páll hefur einnig hvatt til samspils gítarleikara við ýmis tækifæri, bæði meðal nemenda sinna og svo atvinnu hljóðfæraleikara. Páll tók í 3ja sinn þátt í UNM árið 1987, en þá var Ung Nordisk Musik  haldið  í Reykjavík, er hann lék á tónleikum að Hótel Borg  í gítartríói eftir Svíann Svend Hedegaard ásamt gítarleikurunum Þórarni Sigurbergssyni og Kristni Árnasyni. Stöð 2 sjónvarpaði tónleikunum.  Annað gítartríó kom saman í Borgarleikhúsinu 1995 á tónleikum til heiðurs tónskáldinu Paul Hindemith, voru það þeir Páll Eyjólfsson, Hinrik Bjarnason og Sæmundur Rúnar Þórisson gítarleikarar, sem þar hljómuðu.   Haustið 2001 komu fram flestir gítarleikarar landsins á tónleikum í Hafnarfirði til heiðurs Eyþóri Þorlákssyni, sem þá var nýlega sjötugur.  Á Myrkum Músíkdögum Tónskáldafélags Íslands 2001 fluttu 4 gítarleikarar þ.e. Páll Eyjólfsson, Pétur Jónasson, Rúnar Þórisson og Hinrik Bjarnason kafla úr verki Atla Heimis Sveinssonar 'Tíminn og vatnið' við samnefnt ljóð  Steins Steinarrs á Listasafni Íslands.  Þetta frumfluttu þeir Páll Eyjólfsson, Einar Krisján Einarsson, Þórarinn Sigurbergsson og Sæmundur Rúnar Þórisson á Listahátíð í Reykjavík ásamt Kammersveit Reykjavíkur árið 1994 í Langholtskirkju undir stjórn Paul Zukofsky, svo upp séu talin einhver samspilsverkefna Páls í gegnum tíðina. "....TÓNVERK Atla Heimis Sveinssonar, Tíminn og vatnið, við ljóð Steins Steinarr, sem nýlega var gefið út á geisladiski í Þýskalandi, hefur fengið einkar góða dóma í þýska blaðinu Neue MusikZeitung og raunar hæstu mögulega einkunn...." - mbl. 13.10.2002.

Gítarleikarar heiðra minningu Einars Kristjáns Einarssonar í Neskirkju 11.nóvember 2006 myndir Fram komu gítarleikararnir; Símon Ívarsson, Arnaldur Arnarson, Páll Eyjólfsson, Kristinn Árnason, Hannes Guðrúnarson, Jón Guðmundsson og Guðmundur Pétursson.