Texti frá Sveini Kjartanssyni, Námsgagnastofnun
uppsetning á vef: Salvör Gissurardóttir, KHÍ
PC forrit frá Námsgagnastofnun
Heiti, námsgrein og aldursstig
ABC123 Móðurmál/sérkennsla (frá 8 ára)
Aflfræði... Eðlisfræði (15 áraframh.sk.)
Alice Enska (frá 12 ára)
Bréfdúfa í ... Samfélagsfræði (1015 ára)
Brúsaþrautir Þrautalausnir (frá 8 ára)
Dagur í búðinni Stærðfræði (frá 10 ára)
Dýraslóðir Þrautalausnir (frá 8 ára)
Ég Samfélagsfræði (frá 6 ára)
Feluleikur.. Stærðfræði (frá 11 ára)
Fjarvídd Myndmennt (frá 11 ára)
Form Sérkennsla (frá 5 ára)
Frá A til Ö Móðurmál/Sérkennsla (frá 6 ára)
Geislavirkni Eðlisfræði (frá 15 ára)
Graf og P-graf Stærðfræði (14 ára framh.sk.)
Grafkassi Stærðfræði (16 áraframh.sk.)
Grafsveigir Stærðfræði (15 áraframh.sk.)
Heimshornaflakk Samfélagsfræði (frá 14 ára)
Hermilíkön Stærðfræði (1215 ára)
Hreindýrabúið Stærðfræði, náttúrufr. (1315 ára)
Hugvaki Móðurmál / ritun (1016)
Húrra fyrir Hermínu Stærðfræði (frá 6 ára)
Jatsí Stærðfræði (fyrir alla)
Klukkan Sérkennsla (frá 6 ára)
Lestu og... Móðurmál/Sérkennsla (frá 6 ára)
Lestrarglímur Móðurmál/Serkennsla (frá 8 ára)
Levels Enska (fyrir alla)
Margföldun Stærðfræði (frá 8 ára)
Marteinn mús Móðurmál (frá 7 ára)
Matarlyst Næringarfræði (frá 15 ára)
Matthildur Móðurmál/Sérkennsla (frá 6 ára)
Meistaramúsin Stærðfræði (610 ára
Minnisleikur Íslenska (frá 5 ára)
Myndasaga Móðurmál (10 ára og eldri)
Myndir123 Myndmennt (frá 5 ára)
Myndir og orð Móðurmál/Sérkennsla (frá 6 ára)
Myndrún Móðurmál/Sérkennsla (frá 6 ára)
Orðamyndir Móðurmal/sérkennsla (frá 6 ára)
Prósentur Stærðfræði (12 árafrhsk.)
Púsluspil Þrautalausnir (frá 6 ára)
Rakstraumsrásir Eðlisfræði (1416 ára)
Ráðgátur I Stærðfræði (frá 11 ára)
Ráðgátur II Þrautalausnir (frá 11 ára)
Reiknihellirinn Stærðfræði (frá 7 ára)
Rigning í Osló Móðurmál - Vinnubók með lestrarbók
Satt Stærðfræði (frá 8 ára)
Skriftís Skrifletur (fyrir kennara til forskriftargjafar)
Slönguspilið Stærðfræði (815 ára)
Stjörnumerkin Stjörnufræði (13 áraframh.sk.)
Sögusmiðjan Móðurmál/Ritun (frá 8 ára)
Trú, von og kærleikur Sérkennsla (eldri nemendur)
Túlkur Íslenska, erlend mál (frá 8 ára)
Töfraferningurinn Stærðfræði (1015 ára)
Tölur og samlagning Stærðfræði (frá þriggja ára)
Tölvuflóra Líffræði (1115 ára)
Umsagnir Móðurmál (frá 10 ára)
Vasa skipið Náttúrufræði (14 árafrhsk.)
Verksmiðjan Stærðfræði (frá 8 ára)
Veröldin mín Móðurmál/Sérkennsla (frá 5 ára)
Vogarstöngin Eðlisfræði (frá 10 ára)
Vörubíllinn Sérkennsla (frá 6 ára)
Þjálfi Þjálfun á lyklaborð (fyrir alla)
Þrekþjálfun í margföldun Stærðfræði (frá 8 ára)
Þrír í röð Stærðfræði (frá 8 ára)
Þrívíddarhúsið Myndmennt/Stærðfræði (frá 10 ára)
ABC123
Höf.: Gävle Data Pedagogiska Centrum
Þýðing forrits og handbókar: Hildigunnur Halldórsdóttir
Raða á táknum á ýmsa vegu, t.d. rugluðum stöfum í orði: i i e t v h ð
hveitið. Forritið kemur með slembiröðun á stöfunum og þeim er raðað í
rétta röð með músinni. Eigi notandinn í erfiðleikum með að finna rétta
lausn má biðja um vísbendingu eða fá að sjá lausnina. Hægt er að búa til
orð, litlar tölur, stórar tölur, raða í stafrófsröð o.s.frv. Nokkrir
tilbúnir orðalistar fylgja með forritinu til að sýna hvaða möguleika
forritið hefur en auðvelt er að breyta þeim eða búa til nýja eftir óskum
hvers og eins. Handbókin er 7 bls. Útg. 1994.
Tæknilegar kröfur: Windows 3.0 eða nýrra; mús
094260
AFLFRÆÐI KRAFTUR OG HREYFING
Höf.: Seppo Hyyti
Þýðing forrits og handbókar: Birgir Edwald og Þorvaldur Ólafsson.
Forritið hentar efstu bekkjum grunnskóla og framhaldsskólum.
Fjallað er um orsakir þess að hlutur hreyfist eða þær leikreglur³ sem
gilda um hreyfinguna. Mikil áhersla er lögð á grafíska heildun þegar
finna skal atlag krafts. Sundurliðun vektorstærða er einnig mikilvæg til
að öðlast skilning á beitingu lögmálanna um kraft og hreyfingu. Forritið
vísar veginn að markmiðunum meðal annars með því að teikna kraftvektor
með átakspunkt í þeim hlut sem hann verkar á. Handbókin er 8 bls. Útg.
1994. Tæknilegar kröfur: PC-tölva, MS-DOS , EGA-eða VGA-skjár, mús, 400
Kb minni, 1,2 Mb á disklingi
093730
ALICE
Höf.: Ingar Holm, Rolf Palmberg og Elisabeth Bang-Nielsen
Kerfi: DOS
Litaskjár og mús
Ævintýraleikur til notkunar í enskukennslu. Forritið styðst lauslega við
ævintýrið um Lísu í Undralandi. Handbók er á íslensku.
092730
BRÉFDÚFA Í EVRÓPU
Esko Vörgen, Markku Heinonen.
Kerfi: MS-DOS 3.3
EGA-skjár (256Kb) og mús.
640Kb vinnsluminni.
Námsgrein: Samfélagsfræði.
Efninu fylgir forrit og handbók.
Hentar einkum 5.-10. bekk.
Megintilgangur þessa forrits er að nemendur grannskoði Evrópukort og
helstu staðarheiti á því. Ef nemandi hefur fyrir hugskotssjónum skýra
mynd af Evrópu er mun auðveldara fyrir hann að fást við aðrar
námsgreinar, eins og sögu, trúarbragðafræði, stjórnmál o.fl.
Fyrir PC-tölvur og 3 1/2" og 5 1/4" disklinga.
Útg. 1993
09374
BRÚSAÞRAUTIR
Höf.: Thomas C. O'Brian
Kerfi: DOS
Litaskjár
Forritið bætir úr brýnni þörf fyrir námsefni um þrautalausnir. Það hefur
að geyma stærðfræðilegar þautir, allt frá mjög einföldum verkefnum til
flókinna viðfangsefna þar sem nemendur fá tækifæri til að prófa eigin
lausnaleiðir. Og það eru oft margar leiðir að markinu. Þrautunum er
skipað í fjóra misþunga flokka þannig að allir grunnskóla
nemendur frá 8 ára aldri geta fundið verkefni við sitt hæfi.
093290
DAGUR Í BÚÐINNI
Kerfi: DOS
Litaskjár og mús
Höf.: Birgir Edwald
Markmið með notkun forritsins er að kenna metrakerfið og þjálfa nemendur
í að breyta milli eininga þess. Baksviðið er lítil búð og er nemendinn í
hlutverki afgreiðslumannsins.
093490
DÝRASLÓÐIR
Höf.: Thomas O¹Brian, Kristen Fraser
Kerfi: DOS
Litaskjár
Eitt meginmarkmiði með leikjunum er að hvetja börn til að afla
upplýsinga, flokka þær og nota. Í leikjunum nota nemendur því
upplýsingar til að draga ályktanir á rökvísan hátt. Hæfileikinn að draga
ályktanir er einn af mikilvægustu þáttum stærðfræðilegrar hugsunar.
Þessi þáttur hefur gjarnan verið afskiptur í skólastarfinu. Forritinu er
ætlað að bæta hér úr brýnni þörf. Leikirnir er misþungir, allt frá afar
einföldum til mjög flókinna leikja. Þeir henta því nemendum á öllum
aldursstigum.
092910
ÉG
Höf.: Kirsten Vej Petersen, Leif Gredsted og Stig Dall
Þýðing forrits: Hildigunnur Halldórsdóttir
Þýðing handbókar: Hanna Kristín Stefánsdóttir
Forritið Ég er einkar vel til þess fallið að láta nemendur skrá ýmsar
upplýsingar um sjálfa sig og bekkjarfélaga sína.
Hægt er að líta á forritið sem gagnagrunn með upplýsingum um
nemendur í bekknum. Hver nemandi getur gengið að eigin upplýsingum í
gagnagrunninum og
búið til sjálfsmynd, sem er gróf teikning af andlitinu (andlitsfall,
hárgreiðsla, háralitur o.fl.), á teikniverkstæðinu,
slegið inn mælitölur fyrir hæð, þyngd o.fl. á mælingarverkstæðinu,
teiknað ættartré sitt með upplýsingum um systkini, foreldra, afa og
ömmur á ættfræðiverkstæðinu,
skrifað póstkort eða stuttan texta á ritunarverkstæðinu,
tilgreint tómstundastörf sín eða áhugamál á tómstundaverkstæðinu.
Verkefnin er hægt að nota til að sýna hvernig tölvan getur
meðhöndlað myndrit og texta og framkvæmt snögga útreikninga. Nemendur
munu einnig komast að raun um að hægt er að birta myndrit, tölur og
texta í einföldum gagnagrunni.
Einnig má afrita og safna saman upplýsingum um einstaka nemendur
sem geta þannig orðið hluti af stærra gagnasafni.
Tæknilegar kröfur:
PC-tölva með VGA-litaskjá og mús
Forritið MOUSE.COM eða sambærilegur músarrekill verður að vera virkt
áður en forritið Ég er ræst.
09442
FELULEIKUR Í HNITAKERFINU
Höfundur: Birgir Þórarinsson og Sveinn Arngrímsson.
Höfundur handbókar: Ragnheiður Jónsdóttir.
Kerfi: Microsoft Windows 3.0
Mús.
Námsgrein: Stærðfræði.
Hentar frá 6. bekk.
Markmið forritsins er að þjálfa nemendur í að tilgreina hnit punkta, æfa
þá í notkun Pýþagorasarreglu, þjálfa þá í að leysa þrautir og draga
ályktanir.
Forritið er sett saman úr fjórum misþungum leikjum. Allir æfa þeir
hnitakerfið og að auki æfa þrír þeir þyngri þrautalausnir. Í öllum
leikjunum er markmiðið að finna dýr í hnitakerfinu.
Fyrir PC-tölvur og 3 1/2" diskling.
Útg. 1993.
09370
FJARVÍDD
Höf.: Coster Sterup og Bjarne Belhage.
Kerfi: DOS
Litaskjár
Námsgrein: Myndmennt.
Hentar einkum 5.b. framhaldsskóla.
Forritið er hugsað sem hjálpartæki til fjarvíddarteikninga og við að
öðlast þekkingu á fjarvíddarlögmálinu. Síðan má fylgja notkun forritsins
eftir með því að sýna hvernig lögmál þetta er notað í myndlist. Forritið
má tengja teikniforriti þannig að nemendur geta unnið áfram með
teikninguna eftir að fjarvíddarforritið hefur hjálpað þeim að leysa
verkefni tengd fjarvíddarkennslu.
Útg. 1991
09231
FORM
Höf.: Jens Tollefsen
Þýðing handbókar: Sigrún Jóhannsdóttir
Formum er ætlað að þjálfa þrjá þætti :
örva viðbrögð þekkja liti þekkja form
Notandinn byggir upp mynd með því að para saman rétt form eða liti.
Hægt er að velja hversu marga hluti á að hafa til að byggja upp myndina.
Umbunin felst í því að myndin birtist að lokum sem hreyfimynd. Einnig er
hægt að láta aðeins eina aðgerð kalla fram myndina.
Forritið hentar vel leikskólabörnum, forskólabörnum og til
sérkennslu.
Hægt ar að nota forritið með mismunandi búnaði, s.s. lyklaborði,
rofum, mús, og snertiskjá. Forritið getur því nýst hreyfihömluðum.
Tæknilegar kröfur:
PC-tölvur, 386 eða stærri
3 Mb diskpláss
VGA skjákort
hljóðkort er æskilegt
DOS-forrit
09446
FRÁ A TIL Ö
Höfundar: John Berntzen og Marit Bjørklund o. fl.
Kerfi: PC- eða MS-DOS, útg. 3.30.
EGA eða VGA- skjár.
Námsgrein: Sérkennsla / Móðurmál.
Hentar frá 6 ára aldri.
Kennsluforritið Frá A til Ö var upphaflega samið handa fullorðnu fólki
með lesblindu. Margir hafa síðan bent á að forritið henti engu síður til
notkunar við lestrar- og skriftarkennslu í 1. bekk grunnskóla.
Æfingarnar þróast frá því að skrifa einstaka bókstafi í orði og til þess
að skrifa heilar setningar. Auk þess kann forritið að reynast hentugt
handa útlendingum sem eru að læra íslensku.
Fyrir PC- tölvur og 3 1/2" og 5 1/4" disklinga.
Útg. 1993
09360
GEISLAVIRKNI
Höfundar: Lil Engström, Göran Nydahl og Rigmor Lundin.
Þýðing forrits og handbókar: Þorvaldur Ólafsson.
Hentar efstu bekkjum grunnskóla og framhaldsskólum.
Geislavirkni er hermiforrit sem leitast við að sýna ýmsa eiginleika og
áhrif geisla frá geislaefnum. Eitt af markmiðunum með forritinu er því
að líkja eftir tilraunum á þessu sviði. Eftir kjarnorkuslysið í
Tsjernobyl kom fram fjöldi nýrra orða og hugtaka í fjölmiðlum. Margir
áttu erfitt með að skilja eða höfðu óljósa hugmyndum orð eins og
bekerel, geislanemi, geislastyrkur, geislaskammtur, gammageislar,
skaðleg og
óskaðleg geislun. Annað markmið meðforritinu er því að gefa þessum orðum
ákveðna merkingu og leggja þar með málefnalegan skerf til mikilvægrar
umræðu um geislavirkni. Handbókin er 31 bls. Útg. 1994.
Tæknilegar kröfur: PC-tölva, MS-DOS, EGA- eða VGA-skjár, mús
09424
GRAF OG P-GRAF
Höf.: Viggo Sadolin.
Kerfi: DOS
Litaskjár eða svart-hvítur skjár
Forrit sem gefur kost á að teikna gröf falla. Hægt er að slá inn jöfnur
fallanna á venjulegu stærðfræðitáknmáli. Mjög einfalt í notkun.
Verkefnablöð fylgja.
092590
GRAFKASSI
Höf.: Ivar Byrkjeland
Kerfi: MS Windows
Forritinu má líkja við verkfæri sem hægt er að beita til að kanna föll í
stærðfræði. Hægt er að teikna föll, lesa fallgildi af grafi, teikna
afleiðu, skoða snertla o.fl. Að auki má skoða talnagögn á myndrænan
hátt.
093300
GRAFSVEIGIR
Höfundar: Jörgen H. Christiansen og Anders Buch
Handbók: Anders Buch og Orfeus
Nemendabók: Jörgen H. Christiansen og Orfeus
Þýðing forrits, handbókar og nemendabókar: Hildigunnur Halldórsdóttir
Einkum fyrir nemendur í 9.10. bekk grunnskóla og nemendur í
framhaldsskóla. Forritið hentar vel þegar verið er að kenna línur,
fleygboga og breiðboga. Handbókin er 21 bls. Útg. 1993.
Tæknilegar kröfur: MS-DOS, litaskjár, mús
093560
HEIMSHORNAFLAKK
Höfundar: Lena Holmlund og Lars Friman
Þýðing forrits og handbókar: Hanna Kristín Stefánsdóttir
Forritið hentar notendum á unglingsaldri og eldri.
Markmiðið með forritinu er að auðvelda notandanum að skilja bauganet
jarðar og notkun þess, skiptingu jarðar í tímabelti og hlutverk þeirra,
svo og ástæður þess að árstíðir eru mismunandi á norður- og suðurhveli
jarðar. Með forritinu er hægt að rannsaka og prófa sig áfram til að
komast að niðurstöðu. Notandinn kynnist fjölmörgum örnefnum og þjálfast
í að finna ákveðna staði á korti. Spurningar sem varpað er fram henta
ágætlega til umræðu í skólum, t.d. í litlum nemendahópum.
Forritinu fylgir hefti með rannsóknarverkefnum. Handbókin er 28 bls.
Útg. 1994
Tæknilegar kröfur:PC-tölva, MS-DOS, EGA- eða VGA-skjár, 512 Kb
vinnsluminni, mús
093540
HERMILÍKÖN
Höfundar: Kennarar við Danmarks Lærerhøjskóle
Þýðing: Kolbrún Friðriksdóttir
Kerfi: DOS.
Námsgrein: Stærðfræði.
Kennsluforrit, nemendabók og kennsluleiðbeiningar.
Henta einkum nemendum í 7.10. bekk.
Hér er um nokkur kennsluforrit að ræða þar sem unnið er með líkön um
ævilengd Íslendinga, mannfjöldaspá, umferðina, biðraðir í verslunum,
innflúensufaraldur í bekkjardeild og spilið rúllettu. Í nemendabókinni
er lýsing og kennsla í notkun kennsluforritanna, auk fjölda verkefna.
Í kennsluleiðbeiningunum er fjallað um hvert forrit sérstaklega, greint
frá markmiðum og nauðsynlegum undirstöðuatriðum og frekari umfjöllun um
einstök verkefni nemendabókarinnar. Auk þess er fjallað um notkun
hermilíkana almennt í þjóðfélaginu.
Samstarfsverkefni Námsgagnastofnunar og IBM á Íslandi.
087960
HREINDÝRABÚIÐ
Jon Meløy, Arnulf Soleng og Sverre Hjelleseth
Þýðing forrits og handbókar: Gylfi Pálsson
Hentar einkum fyrir efri bekki grunnskóla og framhaldsskóla.
Forritið veitir notandanum tækifæri til að spreyta sig sem
hreindýrabóndi með eigin hreindýrahjörð. Bóndinn verður að taka
ákvarðanir eins og hver annar alvörubóndi. Svona hermilíkan gefur mun
nánari upplýsingar um hreindýrarækt en önnur tiltæk námsgögn. Hægt er að
nota forritið í fleiri en einni námsgrein eftir samhengi og verkefnum.
Efnið getur tengt ólíkar námsgreinar, s.s. náttúrufræði, vistfræði,
samfélagsfræði og stærðfræði (töflur, súlurit o.fl.). Handbókin er 40
bls. Útg. 1994.
Tæknilegar kröfur:PC-tölva með a.m.k. 510 Kb lausu vinnsluminni, MS-DOS
, EGA- eða VGA-skjár, mús
093860
Hugvaki
Höfundar: Ivar Minken
Þýðing:forrits : Hildigunnur Halldórsdóttir; Þýðing handbókar: Jón O.
Edwald
Forritið getur komið að gagni í mörgum kennslugreinum. Upphaflega var
það hannað til að þjálfa nemendur sem reyndist örðugt að tjá sig
skriflega og skipulega. Í núverandi mynd hentar forritið vel við alla
málþjálfun, reyndar alls staðar þar sem hægt er að þjálfa með því að
byggja orð og setningar á myndum.
Forritið höfðar fyrst og fremst til fullorðinna og barna sem reynist
örðugt að tjá sig skriflega. Annars geta öll börn í 5. bekk og ofar í
grunnskóla og í framhaldsskóla haft gagn af forritinu.
Forritið á að hjálpa notandanum að
auka leikni í að semja og lesa texta
skilja og fara með orð og hugtök
auka sjálfstraust við að semja texta.
Forritið er norskt að uppruna og er eitt af þeim forritum sem dreift er
á Norðurlöndunum á vegum tölvunefndar Norrænu ráðherranefndarinnar til
dreifingar í skólum.
Tæknilegar kröfur: PC-tölvur sem hafa Microsoft Windows 3.1 eða nýrra.
Ekki er hægt að keyra forritið án þess að hafa mús. Mjög æskilegt er að
hafa VGA-litaskjá.
HÚRRA FYRIR HERMÍNU
T. R. Tulloch.
Þýðing forrits: Birgir Edwald.
Þýðing handbókar: Jón O. Edwald.
Forrit þetta hentar einkum nemendum frá 6 ára aldri. Um er að ræða
misþungar æfingar í samlagningu, frádrætti, margföldun og deilingu og
hægt er að stilla aðferðir, þyngd og tímamæli á verkefnum. Auðvelt og
fljótlegt er að laga forritið að getu hvers og eins. Forritið er með
hreyfimyndum og hægt er hafa með hljóð og tónlist. Niðurstöður verkefna
eru skráðar og hægt er að prenta út árangur. Handbókin er 20 bls. Útg.
1994.
Tæknilegar kröfur: PC-tölva, MS-DOS 3,2, 530K RAM, harður diskur og 1,7
MB laus
Æskileg jaðartæki: Sound Blaster eða sambærilegt hljóðkort, prentari
094040
JATSÍ
Höf.: Ingibjörg Pétursdóttir
Kerfi: Ms. Windows
Á seinni árum eru leikir og spil orðin eðlilegur hluti af
stærðfræðinámi. Í skólastarfi er hægt að nota Jatsí með börnum sem eru
um það bil að tileinka sér talnaskilning og grundvallarfærni í
samlagningu og margföldun, þ.e.a.s. 7 til 11 ára börnum. Einnig hentar
það vel í sérkennslu. Spilið þjálfar einnig rökhugsun og gefur innsýn í
líkindareikning.
093170
KLUKKAN
Höf.: Petter Korseth
Þýðing: Lára Sveinsdóttir og Hildigunnur Halldórsdóttir
Forritið er þjálfunarforrit fyrir nemendur sem eru að læra á klukku,
bæði á skífuklukku og tölvuúr, einkum þó ætlað þeim sem þurfa sérstaka
þjálun í að þekkja á klukku. Hentar nemendum frá 6 ára aldri.
09456
LESTRARGLÍMUR
Höf.: Karl Thoroddsen, Ebbe Raun, Hjørdis Beier og Marianne Frederiksen
Þýðing forrits: Hildigunnur Halldórsdóttir
Þýðing handbókar: Guðlaug Guðmundsdóttir
Lestrarglímur eru safn nokkurra verkefna sem ætlað er að þjálfa lestur
og létta ritun. Lesvélin, tjaldið, völundarhús, raða orðum í setningar,
ritun setninga og að raða rugluðum línum í rétta röð er meðal
verkefnanna. Textar sem fylgja forritinu henta einkum börnum á aldrinum
812 ára. Með lítilli fyrirhöfn má bæta við nýjum textum eftir þörfum
þannig að glímurnar geta nýst öllum aldurshópum.
9368
Lestu og skrifaðu
Jens Tollefsen
Þýðing forrits og handbókar: Dóra Pálsdóttir.
Forritið er hjálpartæki í lestrarkennslu og sérkennslu.
Lestrarþjálfun: Nemendur fá myndir, orð og heilar setningar á skjáinn
og þurfa að lesa til að tengja við myndirnar.
Skriftarþjálfun: Nemandinn skrifar orð og setningar með eða án
forskriftar.
Hljóðgreining: Nemandi finnur bókstafina sem vantar með því að segja
orðið eða setninguna.
Ritun eigin texta: Nemandinn skrifar eigin texta og lýsir myndinni sem
er á skjánum.
Tæknilegar kröfur: PC-tölva, MS-DOS (3.1 eða yngra), EGA eða VGA
litaskjár og amk. 512 Kb minni (Ram)
09411
LEVELS
Niels Hovmöller og Jens Hovmöller.
Þýðing forrits og handbókar: Jón O. Edwald og Birgir Edvald.
Levels er auðvelt í notkun fyrir alla, bæði byrjendur og lengra komna,
enda hentar það öllum sem eru að læra ensku.
Verkefnin eru af sex þyngdarstigum. Byggt er á eyðufyllingarverkefnum
þar sem setja skal inn viðeigandi orð og orðasambönd. Yfir 4000 verkefni
af ýmsum þyngdarstigum, með um 5000 enskum orðum koma fyrir í forritinu.
Notandinn keppir við sjálfan sig og fær strax að vita hvort hann svarar
rétt. Handbókin er 8 bls. Útg. 1994
Tæknilegar kröfur: PC-tölva, MS-DOS
Æskilegur vélbúnaður: Harður diskur og litaskjár
094210
MARGFÖLDUN
Höf.: Birgir Edwald
Kerfi: DOS
Litaskjár eða svart-hvítur skjár
Forrit til þjálfunar í margföldun. Hægt er að velja um hvort
margföldunardæmin eru uppsett eða hvort um er að ræða hugareikning.
Einnig má stilla þann tíma sem forritið bíður svars, sé forritið stillt
á hugareikning. Gefinn er kostur á að hámarka fyrri tölu.
092900
MARTEINN MÚS
Höf.: Leila Hanhimäki, Leena Kolho, Tiina Loukes og Pekka Norlamo
Kerfi: DOS
Litaskjár og mús
Forritið er ætlað sem æfing í móðurmálskennslu. Forritið þjálfar
stafrófsröðun samheiti, andheiti og samsett orð.
091680
MATARLYST
Höfundar: Starfsmenn AIVO
Þýðing forrits og handbókar: Valgerður Hildibrandsdóttir
Kerfi: DOS
Kennsluforrit sem hentar nemendum í efstu bekkjum grunnskóla og í
framhaldsskólum. Forritið hjálpar notendum að auka þekkingu þína í
næringarfræði, auk þess sem það veitir þjálfun í tölvunotkun.
Forritið er hægt að nota í margs konar samhengi og á marga vegu og
kennsluaðferðirnar verður að laga að því.
Í gagnagrunni eru notaðar upplýsingar úr íslenskum næringarefnatöflum og
sænskum næringarefnatöflum fyrir þær vörur þar sem íslenskar upplýsingar
liggja ekki fyrir um.
09325
MATTHILDUR
Maja Galaasen, Berit Bråthen og Knut Eikenes.
Kerfi: DOS með EGA-skjá.
Forritinu má stjórna með rofum.
Námsgrein: Sérkennsla.
Hentar fyrir byrjendakennslu.
Kennsluforrit fyrir börn með skertan málþroska. Það þjálfar notkun
grunnhugtaka, s.s. stór/lítill - breiður/mjór o. fl. Hentar einnig vel
til að styrkja máltilfinningu nemenda í 1. bekk. Möguleiki er á
rofastýringu fyrir hreyfihamlaða nemendur.
Fyrir PC-tölvur.
5 1/4" disklingar 09222
3 1/2" disklingar 092220
Útg. 1991
MEISTARAMÚSIN
Höf.: Panu Korhonen
Kerfi: DOS
Litaskjár og mús
Meistaramúsin er verkfæris- og þjálfunarforrit í stærðfræði fyrir
nemendur í yngstu bekkjum grunnskóla.
093530
MINNISLEIKUR
Gävle Data Pedagogiska Centrum
Þýðing forrits og handbókar: Hildigunnur Halldórsdóttir.
Hentar nemendum frá 5 ára aldri.
Leikurinn er fólginn í því að para saman, t.d. orð, liti eða
reikningsdæmi. Orðin gætu verið rímorð, samheiti, andheiti, þýðingar úr
erlendu tungumáli o.fl. Notuð eru 24 spil, þ.e.a.s. 12 pör af spilum.
Hægt er að stjórna því hvað stendur á spilunum og búa til það sem
hverjum sýnist. Handbókin er 8 bls. Útg. 1994
Tæknilegar kröfur: PC-tölva, Windows 3.0 eða nýrra, mús
094280
MYNDASAGA
Viggo Sadolin
Kerfi: IBM-PC,
VGA-, EGA-, EGA64-, eða MCGA skjákort.
Litaskjár. 640Kb.
Námsgrein: Móðurmál.
Hentar einkum 10 ára og eldri.
Með þessu forriti er hægt að teikna myndir, semja stuttan texta við og
búa til myndabók.
Fyrir PC-tölvur.
5 1/4" disklingur 09190
3 1/2" disklingur 091900
Útg. 1990
Myndir-123
Höfundur: Bent Thomsen
Þýðandi forrits: Birgir Edwald
Teikniforrit fyrir börn á leikskólaaldri og nemendur í grunnskóla sem
af einhverjum ástæðum ráða ekki við venjuleg teikniforrit. Laga má
forritið að getu hvers nemanda með þremur mismunandi þyngdarstigum:
Myndir-1 er mjög einfalt í notkun og hefur fáa valkosti. Á þessu fyrsta
þyngdarstigi er hægt að draga línur, þurrka út, hella lit í svæði og
prenta mynd.
Myndir-2 hefur fleiri valkosti. Hægt er að velja alla möguleika í
sjálfri aðalvalmyndinni og meginkostir venjulegs teikniforrits eru
tiltækir á þessu þyngdarstigi.
Myndir-3 hefur marga möguleika fram yfir það sem hægt er að vinna í
venjulegu teikniforriti. Í þessum þyngsta hluta forritsins er hægt að
teikna fjölbreytilegar myndir með ýmiss konar hjálpartækjum, blanda
litum og tengja myndir, eða hluta þeirra, saman á ýmsa vegu.
Tæknilegar kröfur: PC-tölvur, EGA- eða VGA-skjár,BM Proprinter og HP
Laserjet eða samsvarandi prentari , mús, hægt er að nota GENIUS GS-4500
handskanna með forritinu
MYNDIR OG ORÐ
Höfundur: Eli Qvenild
Þýðing forrits og handbókar: Hanna Kristín Stefánsdóttir
Forritið er einkum ætlað þeim sem á einhvern hátt eiga í erfiðleikum með
íslenskt mál og þurfa sérstaka málþjálfun. Markmiðið er að þjálfa
málnotkun sem byggist á stökum orðum. Þjálfunin snertir eftirtalin svið:
finna heiti hluta (nefna hlut )
skrifa eftir forskrift
skrifa án forskriftar
skilja hugtök (tengja orð við hugtak)
skilja talað mál (tengja talað orð við mynd)
lesa (tengja texta við mynd)
Tæknilegar kröfur: DOS -stýrikerfi, 640 Kb innra minni eða meira, 20 Mb
harðan disk (forritið þarf 6 Mb) - hljóðkort
Myndrún
Höfundar: Kolbrún Hjaltadóttir og Sigrún Jóhannsdóttir
Myndasöguforrit sem leyfir notandanum að búa til sínar eigin sögur. Hægt
er að velja um tvö verkefni sem nefnast Myndraðir og Myndhlutar. Í
Myndröðum eru 40 myndraðir með mismunandi viðfangsefnum. Notandinn
getur skrifað texta inn á þær í textablöðrur eða inn á textasvæði. Í
Myndhlutum eru stakar myndir sem hægt er að raða á mismunandi bakgrunn.
Þar getur notandi búið til eigin myndraðir og skrifað texta.
Meginmarkmið með forritinu er að þjálfa notandann í móðurmálinu, auka
orðaforða, efla málskilning og málþroska.
Forritið er ætlað til kennslu í grunnskóla, bæði í almennri kennslu og
sérkennslu en getur einnig hentað yngri og eldri notendum.
Hreyfihamlaðir, sem ekki geta notað lyklaborð tölvu, geta með sérstökum
hugbúnaði sem birtir lyklaborð tölvu á skjá, unnið í Myndrúnu með rofum
eða stýripinna.
Hægt er að prenta annaðhvort eina mynd eða myndröð (fjórar myndir).
Myndrún býður upp á tengingu við önnur Windows-forrit, t.d. teikniforrið
Paintbrush³. Þannig getur notandinn teiknað sjálfur eða bætt inn á
myndirnar. Hægt er að velja útprentun í lit eða svarthvítu.
Tæknilegar kröfur: PC-tölvur með Windows 3.1 eða nýrra, 10 Mb á hörðum
diski, VGA-skjár eða nýrri
ORÐAMYNDIR
Höf.: GPC í Svíþjóð
Þýðing forrits og handbókar: Hildigunnur Halldórsdóttir
Orðamyndir er kennsluforrit sem gæti verið leið til að skilja samhengið
milli hljóða/bókstafa/orða.
Allir sem vilja læra að lesa geta notað forritið. Þeir tengja saman mynd
af hlut og mynd af orði. Síðan geta þeir með því að skipta um þrep,
fundið bókstaf sem vantar í orðið og lært að skrifa orðið.
Forritið býður upp á ýmsa skapandi þætti þar sem nemandinn og
kennarinn geta búið til eigin orðalista með eigin myndum. Nemandinn
getur einnig lesið orðin inn. Krafan um að kennslan sé löguð að hverjum
einstaklingi er uppfyllt því að hægt er að búa til orðalista sem hentar
hverjum nemanda og hann getur fengið viðfangsefni á fimm misþungum
þrepum. Orðamyndir er gagnleg viðbót við önnur kennslugögn í lestri.
Tæknilegar kröfur:
PC-tölva með Windows 3.1 eða nýrra
rúmlega 8 Mb af diskrými
mús
09427
PRÓSENTUR
Hannu Korhonen, Jyrki Leijala og Erkki Luoma-aho
Kerfi: DOS.
Námsgrein: Stærðfræði.
Forrit og handbók.
Hentar einkum 7. bekk (12 ára)frhsk.
Þjálfar öll helstu atriði prósentureiknings með sýnidæmum, verkefnum og
leikjum. Hægt er að búa til eigin dæmi.
Handbókina er einnig hægt að fá sérstaklega.
Samstarfsverkefni menntamálaráðuneytisins, Námsgagnastofnunar og
Reiknistofnunar Háskóla Íslands.
PRÓSENTUR KENNSLUFORRIT
5 1/4² disklingur. Gert fyrir PC-vélar. Útg. 1989.
09281
PRÓSENTUR KENNSLUFORRIT
3 1/2² disklingur. Gert fyrir PC-vélar. Útg. 1989.
092810
PRÓSENTUR HANDBÓK
9 bls. Útg. 1989.
092811
PÚSLUSPIL
NIiels Asger og Morten M. Christiansen
Þýðing forrits og handbókar: Námsgagnastofnun
Hentar nemendum á öllum aldri.
Púsluspil er alkunn dægradvöl. Hér gefst kostur á að púsla á tölvu og
nota til þess mús eða sérbúna rofa. Alli bitarnir í púsluspilinu eru
sýnilegir á skjánum, aðeins þarf að flytja þá til. Hægt er að ákveða
fjölda bitanna allt frá 4 upp í 256. Auðvelt er að sækja sér myndir úr
öðrum forritum í tölvunni ef þær eru á sniðinu .bmp, .pcx eða eru
Windows- metaskrár. Útg. 1995
Tæknilegar kröfur: PC-tölva, Windows 3.01eða nýrra, mús
094450
RAKSTRAUMSRÁSIR
Höfundur: Örjan Broman.
Kerfi: PC, MS-DOS
Skjár: EGA
Einnig þarf mús og a.m.k. 400 Kb laust minni.
Námsgrein: Eðlisfræði.
Hentar efri bekkjum grunnskóla og eðlis- og náttúrufræðideildum í
framhaldsskólum.
Í forritinu er líkt eftir tilraunum á tengibretti. Nemendur læra að
þekkja íhluti rásar í sjón, "þreifa" á þeim, tengja þá saman í virka rás
og mæla straum og spennu.
Markmiðið með forritinu er að
þjálfa nemendur í að lesa texta og teikna tengimyndir af rásum
leggja dæmi fyrir nemendur þar sem þeir geta prófað svör sín með
því að setja saman viðeigandi rás á skjánum
gefa nemendum kost á að búa til rásir og mæla straum og spennu í
þeim. Nemendur geta síðan skráð kunnáttu sína.
Fyrir PC-tölvur og 3 1/2" og 5 1/4" disklinga.
093960
RÁÐGÁTUR I
Höfundar: Davíð Oddson, Yngvi Sigurjónsson, Karl Thoroddsen, Sigfús
Magnússon og Hildigunnur Halldórsdóttir.
Kerfi: Microsoft Windows 3.0
Mús.
Námsgrein: Stærðfræði.
Hentar 11 ára og eldri.
Fingralangur
Markmið forritsins er að kenna nemendum um þætti talna og prímtölur svo
og að gera áætlanir um lausnarleiðir og gera þeim grein fyrir hvers
vegna sumar eru nothæfar en aðrar ekki.
Getgátur
Markmið forritsins er að æfa röðun heilla talna og kenna gildi aukastafa
í tugabrotum.
Margföldunarmynstur
Markmiðið með forritinu er að rannsaka mynstur sem fram koma þegar tölum
er raðað í röð eftir línum og dálkum. Þetta eru verkefni sem kennarar
hafa gjarnan látið nemendur vinna á blaði.
Fyrir PC- tölvur og 3 1/2" diskiling
Útg. 1993
09364
RÁÐGÁTUR II
Höfunduar: Davíð Oddson, Yngvi Sigurjónsson, Friðrik ásmundsson, Garpur
Dagsson, Jóhann Hilmarsson og Hildigunnur Halldórsdóttir.
Kerfi: Microsoft Windows 3.0
Mús.
Námsgrein: Þrautalausnir
Hentar fyrir 11 ára og eldri.
Froskar
Markmiðið er að skipta á rauðu og bláu froskunum þannig að allir rauðu
froskarnir færist hægra megin á skjáinn og þeir bláu vinstra megin og að
það sé gert í sem fæstum skrefum. Forritið þjálfar þrautalausnir.
Hver er reglan?
Markmiðið með forritinu er að æfa nemendur í að setja fram tilgátu og
prófa hana, ennfremur að þjálfa nemendur í þrautalausnum og stærðfræði.
Fyrir PC- tölvur og 3 1/2" diskling.
Útg. 1993
09363
REIKNIHELLIRINN
Höf.: GPC í Svíþjóð
Kerfi: DOS
Litaskjár og mús
Þjálfar helstu grunnaðgerðir stærðfræðinnar. Forritinu fylgir dæmasmiðja
þannig að hægt er að búa til ný verkefni.
093140
RIGNING Í ÓSLÓ
Höf.: Hildigunnur Halldórsdóttir
Forritið er vinnubók með léttlestrarbókinni Rigning í Ósló. Nemendur
vinna bókina í tölvu, geta prentað út einstakar síður og fá oftast að
vita strax hvort þeir svara verkefnunum rétt eða ekki.
09465
SATT?
Höf.: Ivar Minken og Børre Stenseth
Kerfi: Ms. Windows
Með þessu forriti má búa til leiki til að þjálfa stærðfræðikunnáttu.
Nokkur dæmi fylgja á disknum svo forritið er strax tilbúið til notkunar.
Bakhlið nokkurra spila kemur á skjáinn. Nemandinn leggur peninga undir
og snýr spilunum við; þá kemur dæmið í ljós. Nemandinn fær tiltekinn
frest til að reikna dæmið og getur unnið hærri upphæð en hann lagði
undir.
Vegna sveigjanleika forritisins er hægt að nota það í mörgum greinum
stærðfræðinnar.
Leikumhverfi SATT býður upp á spennu og svörun á meðan stærðfræðidæmi
eru leyst.
092640
SKRIFTÍS
Þórir Sigurðsson
Skriftís er skrifletur sem ætlað er til nota við skriftarkennslu í
grunnskólum. Það auðveldar kennurum að útbúa þjálfunaræfingar í skrift
fyrir nemendur. Forritið býður upp á fjögur stig skriftar: grunnskrift
án króka, grunnskrift með tengikrókum, tengda skrift og skrift með
breiðpenna. Skrifstafina er hægt að hafa af þeirri stærð sem óskað er.
Hægt er að búa til hjálparlínur aftan eða framan við stafi. Útg. 1995
Tæknilegar kröfur: Windows (einnig til fyrir Macintosh)
094170 (PC) 09464 (MAC)
Slönguspil
Höf.: Birgir Edwald
Teningaspil þar sem tveir leikmenn keppast um að komast á leiðarenda
eftir talnalínu frá 1-100. Leikmennirnir geta verið óheppnir ef þeir
lenda í slöngugini eða heppnir fái þeir tækifæri til að klifra upp
stiga en þá þarf að leysa reikningsdæmi. Hægt er að spila spilið án
reikningsdæma eins og venjulegt slönguspil.
Forritinu er ætlað að þjálfa nemendur á aldrinum 8-15 ára í
reikniaðgerðunum fjórum, samlagningu, frádrætti, margföldun og deilingu.
Hægt er að velja um hvaða reikniaðgerðir eru teknar fyrir og dæmi af
þremur þyngdarstigum.
Tæknilegar kröfur: PC-tölvur, Windows 3.1 eða nýrra, 1 Mb af diskrými,
Forritið styður ekki Large Font³ skjástýringu
STJÖRNUMERKIN / STJÖRNUHIMINNINN
Höf.: Markku Poutanen og Hannu Karttunen
Kerfi: DOS
Litaskjár
Forritið Stjörnumerkin er myndrænn gagnabanki með upplýsingum og
útskýringum um stjörnufræði. Hægt er að skoða stjörnuhimininn frá ýmsum
stöðum, lengdar- og breiddargráðum og á ýmsum tímum. Einnig má fá
upplýsingar um stjörnumerkin og einstakar stjörnur (nafn, birtustig,
stöðu o.fl.)
093510
Sögusmiðjan
Höf.: Hildigunnur Halldórsdóttir
Ritvinnsluforrit með ýmsum aðgerðum sem ætlað er að veita nemendum
innblástur og örva þá til ritunar. Það fellur að markmiðum ferlisritunar
og er ætlað nemendum frá 8 ára aldri. Einnig hentar það til kennslu
nýbúa. Byggt er á því að nemendum er gefinn kostur á að skoða myndir sem
tengjast því ritefni sem þeir hafa valið sér.
Ritill forritsins er mjög einfaldur og einu ritvinnsluaðgerðirnar eru
klippa, afrita og líma. Ef nemandi hefur náð tökum á ritvinnslu í öðrum
forritum getur hann tekið sögu sína inn í hvaða Windows-ritvinnsluforrit
sem er.
Forritinu er ætlað að:
gera ritun að leik
kenna nemendum að setja fram hugsanir sínar og hugmyndir í rituðu máli
gera nemendur gagnrýna á það sem þeir skrifa
auðvelda þeim að laga og breyta því sem þeir hafa skrifað.
Tæknilegar kröfur: PC-tölvur með Windows 3.1 eða nýrra, rúmlega 3 Mb af
diskrými, mús og prentari
TRÚ VON OG KÆRLEIKUR VERKEFNI Á TÖLVU (fyrir Túlk)
Höfundur: Hildigunnur Þórsdóttir.
Kerfi: Windows.
Verkefnin eru unni í Túlki. Þau eru fullgerð til notkunar og eru eins
konar viðbót við vinnubókarverkefnin. Handbók fylgir, 16 bls.
Útg. 1993
09352
TÚLKUR
Höf.: Ivar Minken og Børre Stenseth
Kerfi: MS Windows
Forritinu er ætlað að vera rammi sem kennarar og nemendur geti notað til
að búa til þau verkefni sem spilið leggur fyrir notandann. Leikumhverfi
Túlks býður upp á spennu og svörun á meðan verkefnin eru leyst.
Forritinu fylgja nokkrir verkefnaflokkar en hugmyndin er samt sem áður
að notkun forritsins sé löguð að kennslu og notendum á hverjum stað.
093240
TÖFRAFERNINGURINN
Höfundur: Birgir Edwald
Hentar 10 til 15 ára nemendum.Töfraferningnum er ætlað að þjálfa
nemendur í hugareikningi. Á skjánum er leikborð 3x3 eða 4x4 reitir.
Nemandanum er ætlað að fylla í reitina svo summan lárétt, lóðrétt og á
ská verði alltaf hin sama. Hægt er að velja milli 8 þyngdarstiga.
Nemendur fá tvennskonar umbun. Fleiri stig fyrir að halda áfram á sama
þyngdarstigi en einnig eru þeir hvattir til að takast á við þyngri
verkefni með verðlaunabikurum. Handbókin er 12 bls. Útg. 1994.
Tæknilegar kröfur: PC-tölva, Windows 3.1
094230
TÖLUR OG SAMLAGNING
Höfundur: Alan Robinson og Maralyn McBratney.
Þýðing forrits: Birgir Edwald.
Þýðing handbókar: Jón O. Edwald.
Hentar jafnvel frá þriggja ára aldri. Forritið er byggt upp á fimm
einföldum leikjum með skrautlegum teiknimyndum, hljóði, tali og tónum.
Auðvelt er að laga forritið að getu einstakra nemenda. Börnin læra að
telja og síðan að leggja saman og er þetta því kjörið hjálpartæki bæði
fyrir heimili og skóla. Hægt er að prenta árangurinn og fylgjast þannig
með framförum. Handbókin er 19 bls. Útg. 1994.
Tæknilegar kröfur: PC-tölva, MS-DOS, harður diskur með 700 Kb laus, EGA-
eða VGA-skjár
Æskileg jaðartæki: hljóðkort, prentari
094150
TÖLVUFLÓRA
Höfundur: Geir Arne Drolsum o. fl.
Kerfi: IBM-PC, CGA-skjákort.
Námsgrein: Líffræði.
Hentar einkum 6.-10. bekk.
Hjálparatæki til greiningar á blómplöntum eftir einföldum og sýnilegum
einkennum.
Fyrir PC-tölvur og 3 1/2" -092770- og 5 1/4" -09277- disklinga.
Útg. 1989.
UMSAGNIR
Kerfi: DOS
Skjár: CGA, EGA, VGA eða Hercules.
Auðveldast er að stýra forritinu með mús, en þó er hægt að nota það án
hennar.
Kennsluforritið Umsagnir er n.k. gagnasafn fyrir ritdóma. Það er þannig
byggt upp að nemendur kynnast notkun gagnagrunna jafnframt því að semja
umsagnir um bækur. Forritið er hugsað fyrir nemendur á miðstigi og unnt
er að nota það frá 5. bekk.
09355
VASA-SKIPIÐ
Höfundar: Curt Borgenstam, Peter Jäderlund, Göran Nydahl og Magnus
Olofsson.
Þýðing forrits : Halldór Halldórsson, Þorvaldur Ólafsson og Hildigunnur
Halldórsdóttir.
Forritið hentar einkum nemendum í efri bekkjum grunnskóla og nemendum í
framhaldsskóla. Árið 1628 lauk smíði Vasaskipsins og það hélt í
jómfrúarferð sína ...
Þrem öldum síðar fannst skipið og því var bjargað af hafsbotni 1961.
En hvers vegna sökk Vasa? Sé reynt að sigla skipinu fæst svar við því.
Hægt er að breyta lagi og hleðslu skipsins svo að því megi sigla um
úfinn sjó. Engin handbók fylgir. Útg. 1994
Tæknilegar kröfur: PC-tölva, MS-DOS, EGA- eða VGA-skjár, harður diskur
með a.m.k. 1 Mb laus, mús
093580
VERKSMIÐJAN
Höf.: Margo Cappo og Mike Fish
Kerfi: DOS
Litaskjár
Forritið er hannað til að þjálfa færni í að leysa þrautir. Í forritinu
er lögð áhersla á nokkrar lausnaleiðir: að rekja ferli afturábak, að
greina ferli, að ákveða röð aðgerða og að nota sköpunargáfuna. Í fyrsta
hluta forritsins prófa nemendur sig áfram með því að nota þrjár tegundir
véla. Sköpunargáfa nemenda fær að njóta sín í öðrum hluta forritsins þar
sem þeir geta hannað vörur, reynt að framleiða þær með því að láta
vélartegundirnar þrjár vinna saman og fengið aðra nemendur til að
spreyta sig á framleiðslunni. Í þriðja hlutanum eiga nemendur að skoða
fullbúna vöru og rekja síðan framleiðsluferlið afturábak.
091810
VERÖLDIN MÍN
Höf.: Turid Utgård
Forritið er tæki³ til að kenna börnum að skilja og nota orð og hugtök
og til að þjálfa lestur og skrift. Það er ætlað börnum í 1. og 2. bekk,
eða í sérkennslu. Það hentar einnig forskólabörnum sem stunda
leiklestur³ og börnum sem læra íslensku sem annað tungumál.
Tæknilegar kröfur: PC-tölva, MS-DOS (3.0 eða yngra), EGA litaskjár og
amk. 640 Kb minni (Ram). Harður diskur 3 Mb- hljóðkort.
09359
VOGARSTÖNGIN
Örjan Broman o. fl.
Kerfi: Microsoft Windows 3.0.
Mús.
Námsgrein: Eðlisfræði.
Hentar fyrir 10 ára og eldri.
Vogarstöngin er forrit sem getur komið að góðum notum við að auka
skilning nemenda á jafnvægi, þjálfa þá í að meta þyngd hluta og ákveða
þyngdareiningar hluta, allt frá mjög léttum til mjög þungra hluta. Frá
Vogarstönginni hefur notandinn beinan aðgang að ritli og reiknivél en
það gefur m.a. færi á að skila skriflegum niðurstöðum úr verkefnunum sem
sett eru upp í forritinu. Auk þess geta kennarar útbúið æfingar og sett
inn í forritið.
Forritið er ætlað sem aukaverkefni í raungreinum á miðju grunnskólastigi
og þar fyrir ofan. Útg. 1993
094140
VÖRUBÍLLINN
Höfundur: Eirin Brænde o.fl.
Hentar einkum nemendum frá sex ára aldri sem eiga við námsörðugleika að
etja af ýmsum orsökum. Reynt er m.a. að koma til móts við börn sem eru
seinþroska í fínhreyfingum og samhæfingu hreyfinga, hafa skert rúm- og
áttaskyn og skortir skilning. Handbókin er 46 bls. Útg. 1993.
Tæknilegar kröfur: PC-tölva, MS-DOS, EGA- eða VGA-skjár
093670
ÞJÁLFI
Höf.: Jyrki Degermann, Jaakko Rantanen.
Kerfi: DOS
Litaskjár eða svart-hvítur skjár
Forritið er ætlað til þjálfunar á lyklaborð. Það skiptist í 16
mismunandi áfanga. Fyrsti áfanginn er auðveldastur og hinn síðasti
erfiðastur. Því er eðlilegast að hefja námið í fyrsta áfanga og fikra
sig síðan áfram frá einum áfanga til annars. Hver áfangi er í þremur
mismunandi hlutum sem gert er ráð fyrir að lokið sé við áður en haldið
er í næsta áfanga. Að loknum hverjum hluta gefur forritið einkunn.
091902
ÞREKÞJÁLFUN Í MARGFÖLDUN
Höf.: Esko Vörgren og Markku Heinonen
Kerfi: DOS
Litaskjár og mús
Markmiðið með notkun forritsins er að skýra hugtakið margföldun, kenna
margföldunartöfluna og auka hraða og öryggi í margföldun.
093050
ÞRÍR Í RÖÐ
Höfundur: Hildigunnur Halldórsdóttir.
Kerfi: Microsoft Windows 3.1
Mús.
Námsgrein: Stærðfræði.
Hentar 8 ára og eldri.
Þrír í röð flokkast undir þá gerð kennsluforrita sem kallast
þjálfunarforrit. Með notkun þess þjálfast nemendur í
margföldunartöflunni en margir hafa liðið fyrir það á efri stigum
skólagöngunnar að hafa ekki náð leikni í margföldunartöflunni.
Forritið er því ætlað nemendum yngri bekkja grunnskólans (810 ára).
Þessu forriti er ætlað að vekja áhuga nemenda á spilum og þjálfa þá um
leið í margföldun. Þar sem markhópurinn er fyrst og fremst seinfærir
nemendur, er leitast við að gera forritið þannig úr garði að hvatningin
sé fólgin í innbyrðis keppni tveggja nemenda. Gott er að nemendur séu á
svipuðu stigi í reiknifærni en það er þó ekki skilyrði þar sem ekki er
keppt við tímann. Hægt er að velja um fjögur mismunandi þrep í leiknum
og taka þau mið af kennsluefni því sem kennt er í neðstu bekkjum
grunnskólans.
Fyrir PC-tölvu og 3 1/2" disklinga.
Útg. 1993
09398
ÞRÍVÍDDARHÚSIÐ
Marit Ala-Votila o.fl.
Þýðing forrits og handbókar: Hildigunnur Halldórsdóttir
Hentar 10 ára nemendum og eldri. Ætlað til að þjálfa þrívíddarvitund á
tvívíddarfleti. Hentar einnig í stærðfræði í efri bekkjum grunnskóla og
í framhaldsskólum. Handbókin er 12 bls. Útg. 1993.
Tæknilegar kröfur: PC-tölva, MS-DOS, Ega-skjár og mús, 400 Kb laust
minni.
093710