Hugmynd að breyttu skipulagi í áfanganum USF 1036

Áfanginn USF1036 „Upplýsinga- og samskiptafræði“ er einn af skylduáföngunum á Upplýsinga- og tæknibraut við Fjölbrautaskólann í Breiðholti. Kennslan í honum hefur verið hefðbundin en hér verður hún skipulögð sem fjarnám í sex lotum sem ná yfir 13–14 vikur.

Markmiðið er að brjóta upp staðbundna kennslu og gera nemendum kleyft að vinna sjálfstætt í afmörkuðum lotum. Gert er ráð fyrir að nemendur nýti sér námskeiðið jafnóðum í námi.

 
   
 

Fjarnámskipulag í USF 1036

Markhópur: Nemendur á UT-braut FB

Námsgögn: Nemendur fá aðgang að námsgögnum á læstu innraneti FB

Markmið:

  • Sjálfstæð vinnubrögð
  • Nemendur kynnist heimasíðugerð
  • Valdar vefsíður skoðaðar, lagt á þær mat og nemendur nýti sér það við gerð lokaverkefnisins sem er eiginn vefur
  • Farið yfir „Siðfræði Netsins“ og höfundarréttur á Netinu veginn og metinn
  • Samskiptaforrit skoðuð og ýmsar leitarvélar
  • Farið í glærugerðarforritið PowerPoint
  • Útlit og umbrot – helstu reglur kynntar
 
   
 
Námsmat:
Gagnvirkt próf í vefsíðugerð í HTML
Þátttaka í spjallborðum (umræður og framlög)
Kynning á eigin vef í PowerPoint
Eigin vefur (a.m.k. 4 síður)
Vefdagbók (Blogg)

15%
20%
10%
50%
  5%
 
   

 

Lota 1 – Mat á vefsíðum
1–2 vikur

  • Nemendur setji upp eigin vefdagbók og sýni framvindu námsvinnunnar þar nokkuð reglulega
  • Nemendur sækja fyrirlestur frá kennara á hljóðglærum á innra netið um mat á vefsíðum
  • Nemendur skoða valdar vefsíður samkvæmt aðferð Jakobs Nielsen o.fl.
  • Nemendur leggja mat á vefsíðurnar samkvæmt fyrirmælum kennara
  • Kennari setur umræðuefni á spjallborð um mat á vefsíðum þar sem fjallað er um ýmis álitamál og fleira varðandi vefsíður s.s. útlit, hleðslutíma, nýtingu á plássi o.fl.
  • Nemendur taka þátt í umræðum á spjallborði
  • Skylduþátttaka í umræðum á spjallborði
 
   
 

Lota 2 – Siðfræði netsins
1–2 vikur

  • Nemendur sækja fyrirlestur frá kennara á hljóðglærum á innra netið um siðfræði Netsins
  • Kennari skiptir nemendur í hópa og setur fram þrjú umræðuefni á spjallborð um siðfræði Netsins, álitamál og vangaveltur
  • Nemendur senda inn framlög og taka þátt í umræðum á spjallborði samkvæmt hópaskiptingu kennara
  • Nemendur senda kennara í tölvupósti álitsgerð um framlög annarra og umræðuna, u.þ.b. ein síða
  
   
 

Lota 3 – Höfundaréttur
1–2 vikur

  • Nemendur skulu finna síður og greinar um höfundarétt á Netinu og kynna sér þær
  • Nemendur sækja fyrirlestur frá kennara á hljóðglærum um samantekt á höfundarrétti á innra neti skólans
  • Kennari setur fram umræðuefni á spjallborð um álitamál og ýmsar vangaveltur sem tengjast höfundarétti á Netinu
  • Nemendur taka þátt í umræðum á spjallaborði
  • Skylduþátttaka í umræðum
 
   
 

Lota 4 – Vefsíðugerð í <html>
2 vikur

  • Nemendur fara í gegnum sex verkefni í html-skipanamálinu þar sem kynntar eru og æfðar helstu skipanir þessa vefsíðumáls.
    Fyrirmælin liggja miðlægt á innra neti skólans
  • Nemendur senda æfingarnar í tölvupósti til kennara sem fer yfir þær og skilar til nemenda með endurgjöf
  • Nemendur taka í lok lotunnar gagnvirkt próf í html-skipanamálinu innan ákveðins tíma
 
   
 

Lota 5 – Vefur unninn í Dreamweaver
5 vikur

  • Nemendur skoða kóðann sem liggur að baki vefsíðugerðarforritinu Dreamweaver
  • Nemendur gera drög að eigin vefsíðu, setja fram markmið og tilgang og senda þau kennara í tölvupósti
  • Kenndir eru grunnþættir Dreamweaver með fimm verkefnum frá kennara sem liggja miðlægt á innra neti skólans
  • Kennari vísar í kennslusíðu um helstu gerðir mynda og visturnarmöguleika fyrir hina ýmsu miðla
  • Kennari leiðbeinir um skönnun mynda á kennslusíðu
  • Nemendur vinna að gerð lokaverkefnis sem er eigin vefur með 4-8 síðum og þar skal vera: aðalsíða (index), náms- og verkefnasíða, áhugamálasíða og síða með ýmsum tenglum er tengjast náminu
  • Nemendum er þó frjálst að bæta við allt að fjórum síðum
 
   
 

Lota 6 – Kynning á lokaverkefnum nemenda
1 vika

  • Nemendur sækja fyrirlestur frá kennara á hljóðglærum á innra netið um framsetningarforritið PowerPoint
  • Nemendur vinna kynningu á eigin vefsíðu í PowerPoint og senda hana kennara sem viðhengi í tölvupósti
  • Nemendur skoða kynningar samnemenda á vefsíðu áfangans og hefur kennari sett krækjur í allar kynningarnar