Untitled Document

Haustið 2002 hófst í Ártúnsskóla þróunarverkefni sem miðaði að því að efla sjálfstæði nemanda með fötlun sem þá var í 3. bekk. Verkefnið stóð yfir formlega í 2 vetur. Nemandinn er með fartölvu sem hann notar heima og í skólanum en hér er um samvinnuverkefni heimilis og skóla að ræða. Skoðaðar hafa verið ýmsar leiðir til að nýta fartölvuna í náminu þannig að nemandinn geti verið virkur þátttakandi í bekkjarstarfinu. Við söguðum frá þessu verkefni á UT2003 undir heitinu Sjáðu sæta skjáinn minn. Það verkfæri sem hefur nýst okkur best er ritvinnslu- og margmiðlunarforritið. Clicker4 en með þvi er hægt að sníða verkefni að þörfum nemandans. Í vetur hefur áherslan verið lögð á frekari verkefnagerð í Clicker, lestrarbækur í Clicker og vinnu með tal og hljóð. Þá höfum við einnig skoðað möguleika tengda nýtingu fartölvunnar í samvinnunámi í bekknum.

Helstu niðurstöður:
Nemandinn er orðinn mun sjálfstæðari í allri vinnu við tölvuna. Fartölva nemandans rammar verkefnin vel inn auk þess sem hann þekkir allt umhverfi hennar vel. Nemandinn getur skrifað fallegan texta og tölvan auðveldar honum frjálsa ritun með stuðningi stafrænna mynda. Verkefni í Clicker styðja við lestur og ritun. Markviss notkun á fartölvu sem nemandinn hefur alltaf aðgang að og umsjón með hefur ótvírætt ýtt undir sjálfstæði hans í námi bæði heima og í skólanum.

Þrátt fyrir að verkefninu sé formlega lokið þá hafa þessi vinnubrögð fest sig í sessi. Þannig eru fartölvan og forritið Clicker mikilvæg hjálpartæki við nám nemandans.