Magnús, Áslaug Arna, Nína Kristín og Sigurbjörn

Magnús er elstur fæddur 6. maí 1987. Hann hóf nám í Verslunarskóla Íslands nú í haust. Á yngri árum spilaði hann fótbolta, á fiðlu og píanó, söng í Drengjakór Laugarneskirkju. En er hann breyttist í ungling hætti hann þessu öllu og einbeitti sér að tölvuvinnu margs konar eins og sjá má í tæknisögunni. Hann spilar reyndar badminton og hefur verið nokkuð duglegur að sinna margs konar félagsstarfi í Félagssmiðstöðinni Árseli. Hann er nú að setja upp enn nýja heimasíðu á eigin léni maggi.is. Kíkið líka á síðuna sem hann vann með nokkrum félögum sínum og kennara í tengslum við eitthvað Evrópuverkefni.

Áslaug Arna er fædd 30. nóvember 1990. Hún lauk 7. bekk í Ártúnsskóla í vor og hóf nám í 8. bekk Árbæjarskóla í haust. Hún spilar á þverflautu og hefur einnig prófað fiðlu og handbolta. Hún er mikil leikkona og dugleg að taka þátt í skemmtunum í skólanum þar sem hún hefur "sérhæft" sig í að leika skólastjórann Ellert Borgar Þorvaldsson. Hún er einnig liðtæk söngkona. En mestur tími fer í hestamennsku hjá henni. Hún er duglegur knapi og keppir á mótum hjá Andvara á honum Búa frá Kiðafelli með góðum árangri.

Nína Kristín er fædd 6. október 1993. Hún er í 4. bekk í Ártúnsskóla. Hún veiktist mjög alvarlega á 2. ári og greindist með mjög sjaldgæfan bólgusjúkdóm sem leggst á miðtaugakerfið. Afleiðingarnar hafa verið langvarandi veikindi og fötlun. Hún hefur verið ótrúlega dugleg og gefur ekkert eftir en þetta hefur vissulega sett svip sinn á allt hennar líf. Hún sækir sjúkraþjálfun, talþjálfun, sundþjálfun og spilar á ýmis hljóðfæri í músíktímum hjá henni Valgerði í Tónstofunni. Þá var hún í vetur í reiðtímum og stóð sig vel.

Sigurbjörn er fæddur 31. júli 1959. Hann er lögmaður og rekur stofuna Legalis. Hann er líka mikill bóndi í sér og líður best í hesthúsinu eða á sumrin upp í Kjós þar sem hestarnir eru.