Ferð til Danmerkur

Kynning

Þú ert að fara í sumarfrí með fjölskyldu þinni til Danmerkur. Þitt verkefni er að skipuleggja ferðina frá brottför á Íslandi og þar til komið er til baka.

efst á síðu

Verkefni

Þú þarft að afla þér upplýsinga á Netinu þannig að þú getir skipulagt sumarferð fjölskyldunnar til og frá Danmörku. Ákveða þarf ferðatilhögun, hvaða staði á að heimsækja, tímalengd og gististaði. Upplýsingar um ferðatilhögun á að setja fram í bækling sem er unnin í Word eða Publisher. Einnig á að vinna grófa kostnaðaráætlun í Excel.

efst á síðu

Bjargir

Þú getur fundið mikilvægar upplýsingar á eftirfarandi stöðum:

Flugleiðir
Terra Nova
Plúsferðir
Gististaðir
Dönskuvefur Álftamýraskóla Netop! þarna getur þú séð myndir af ýmsum þekktum stöðum, komist í danska orðabók, lesið þér til um tónlist og íþróttir í Danmörku og margt fleira.
Borgir, áhugaverðir staðir, kort ofl.

efst á síðu

Ferli

1. Nemendum er skipt í 2-3 manna hópa.
2. Hópurinn ákveður stærð fjölskyldunnar sem er að fara í fríið.
3. Skoðið mögulega ferðamáta.
4. Skoðið kostnað við ferðir.
5. Veljið ferðamáta og rökstyðjið valið.
6. Ákvarðið lengd ferðar.
7. Skoðið upplýsingar um Danmörk og áhugaverða staði þar.
8. Veljið a.m.k. 3 staði sem skoða á og gerið stuttlega grein fyrir þeim.
9. Skoðið mögulega gististaði.
10. Veljið gististað og gerið grein fyrir kostnaði.
11. Annað sem ykkur dettur í hug.
12. Skráið kostnaðinn vel sundurliðaðan í EXCEL
13. Útbúið bækling í Word eða Publisher með upplýsingum um Danmörk. Gerið síðan grein fyrir ferðatilhögun og áhugaverðum stöðum sem á að heimsækja. Notið texta og myndir við þá vinnu.

efst á síðu

Mat

Hópurinn fær eina einkunn fyrir frammistöðu sína. Við matið verður horft á samvinnuna, verkaskiptingu, skipulag, framsetningu bæklings og kostnaðaráætlunina.

efst á síðu

Niðurstaða

Nú ættuð þið að hafa fengið nokkra innsýn inn í það ferli sem þarf að eiga sér stað áður en farið er í ferðalag til útlanda. Einnig ættuð þið að hafa áttað ykkur nokkuð á kostnaðinum við slíka ferð. Og ekki síst fræðst um Danmörku. Vonandi fáið þið tækifæri á að heimsækja Danmörku í framtíðinni.

efst á síðu